In una de sas marinas prus bellas de sa Sardigna, famada in totu su mundu pro sos areniles suos de arena dorada e abbas cristallinas chi cada istade atraent visitadores de totu su mundu, custu istiu coladu s’est averguadu un’atu de vandalismu malu a beru. Turistas irresponsàbiles nde aiant furadu belle 400 chilos de arena pretziosa, de còtzula  e de giarra dae sas marinas de Murera, causende unu dannu a s’ecosistema costeri e su patrimòniu naturale de s’ìsula.

Nointames, b’at unu funale bonu a s’agabbu de custa istòria de vandalismu ambientale. Gràtzias a s’òpera eròica de sa cumpangia barratzellare de Murera, cumandada cun determinu dae Daniele Battaglia, sos repertos furados sunt istados torrados a pònnere in su logu naturale issoro. Custa atzione est istada portada a compimentu cun grandu passione e istima pro s’ambiente, dimustrende unu respetu profundu pro sa bellesa e s’unitzidade de sas marinas sardas.

Arena, còtzulas, pedras – medas de custas dannificasas cun grafitos o pinturas coloradas dae sos visitadores sena cunsideru – sunt istadas torradas a pònnere in sas marinas de Costa Rei e de Feraxi, su legìtimu logu de orìgine issoro. Custu gestu est unu messàgiu craru chi s’ecosistema marinu e costeri de sa Sardigna andat tuteladu e respetadu dae totus, sena etzetziones.

Nointames, est importante pònnere a notu chi non totu sas pedras ogetu de custas atziones pseudo-artìsticas sunt istadas torradas a sas marinas. Comente at declaradu su cumandante de su barratzellos de Murera, custas pedras ant a èssere postas a disponimentu de sas iscolas pro progetos educativos benidores. Custu gestu rapresentat un’oportunidade pro furriare  un’atu de vandalismu in un’ocasione de aprendimentu pro sas generatziones benentes, afortziende su respetu pro sa natura e sa cultura locale.

S’operatzione de su barratzelladu de Murera sutalìniat s’importu de amparare e preservare sas risursas naturales de sa Sardigna e de cumbàtere su vandalismu ambientale. Est un’esèmpiu de comente  sa comunidade locale siat pronta a amparare su pretziosu patrimòniu suo naturale e culturale, dimustrende chi sa bellesa de sa Sardigna andat ammirada e respetada in s’ambiente originale suo. Isperamus chi custa atzione siat de esèmpiu pro àteros a sighire s’esèmpiu issoro e a tratare cun istima s’ambiente naturale.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Dae su 30 de lampadas a su 4 de triulas, sos creadores de moda Domenico Dolce e Stefano Gabbana, ant a seperare s’iscrocca casteddaia po presentare sas propostas insoro de couture de Moda Arta, de Atelier e de Oreria Arta.

Pustis de aere seperadu sa Puglia s’istiu passadu, po presentare sas creassiones insoro, sa cropa Dolce e Gabbana, arribat cust’annu in Sardigna. Dae su 30 de lampadas a su 4 de triulas, su sinnu famosu de moda at a presentare sas collessiones novas de Moda Arta, de Oreria Arta e de Atelier.

Sas traditziones, sos colores e sos nuscos de sa Sardigna, ant essere su filu ruju de su “Gran Tour d’Italia”, su disignu firmadu Dolce &Gabbana chi, dae su 2012, tzelebrat sas regiones de s’Italia po mesu de s’artigianadu e sos produttos fattos a manu.

A faghere de guarnissa a sas isfartzosas isfiladas chi donzi istiu animant s’iscena de sa Moda Arta, at essere s’iscrocca casteddaia. Su geniu creativu chi non si podet chistionare de Dolce e Gabbana at duncas a donare po sa prima borta, a sa Sardigna, unu viaggiu istravanadu in su cale arte e abilidade si ant addobbiare, dande vida a cuadros de moda chi che bogant s’alenu, bortados a pesare in artu s’incantu de sa tradissione populare sarda. Donzi isfilada de sas collessiones haute couture firmadas Dolce e Gabbana non est unu simple defilé, ma unu beru e propriu ispettacolu, capatze de toccare emossiones unicas chi binchent s’immazinariu cumone.

Su seperu de sa Sardigna commente logu po custu abbenimentu de grandesa, no est occasionale. S’isula,apparat un’iscenariu perfettu po tzelebrare sa bellesa e s’originalidade de sas creassiones de Dolce e Gabbana. Sas isfiladas ant a bennere in logos de cona de s’iscrocca casteddaia, isseperados po su valore istoricu e culturale insoro, creande
un’unione perfetta de moda e patrimoniu locale.

E commente donzi appuntamentu D&G chi si rispettat, non ant a mancare de certu sos personaggios mannos de su Star system globale. Tzelebridades, influencer e figuras importantes de su mundu de sa moda, ant a arrivare in Sardigna po assistire a custu abbenimentu unicu, cuntribbuinde a rendere meda pius ischintiddosu su clima de sas isfiladas.

Po s’occasione, intro de su nomenadu Forte Village, at essere abbertu unu ispeciale pop-up store. Custa buttega chi abberit po pagu tempus at a presentare unu seperu unicu de sas creassiones pius de cona de Dolce e Gabbana, permittinde a sos istranzos pius fortunados de comporare cantos unicos e pretziosos, fruttu de s’ abilidade de sos artigianos e de sa creatividade chentza laccanas de sa cropa de istilistas.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22