S’eventu, intituladu “Gladiatori e antica Roma in Sardegna: mito, storia e rappresentazione artistica” at a èssere aberta finas a su 31 de nadale. Finas a como sunt istados 10.000 sos visitadores.

Sa Roma antiga devenit s’atratore culturale cun custa espositzione. Emanuele Lilliu, presidente de sa Fundatzione Barùmini, sutalìniat chi s’eventu est parte de unu progetu cun su Museu archeològicu natzionale de Nàpule, su Comunu de Barùmini ghiadu dae Michele Zucca e sa Subraintendèntzia archeològica de Casteddu.

S’espositzione donat una panoràmica ammajadora, cun còpias de afriscos de Pompei e unu vìdeu subra de s’istòria de s’anfiteatru romanu de Casteddu. Sa mustra bantat finas una chentina de repertos partzidos in bator setziones: anfiteatros, armas, vida fitiana e sa Sardigna romana. Intre sos 40 ogetos de sa Sardigna romana, bi sunt vasos, tassas, làntzias cun imàgines de gladiadores e sigillos.

S’espositzione presentat elmos, armas e vasos, cun vetrinas chi ammustrant màndigos de sos gladiadores e trastos mèdicos. Sas làntzias cun gladiadores in posa ammustrant sa parte cummertziale, comente ammentu de s’època. Andreina Ghiani de sa Fundatzione Barùmini ponet a notu chi unas cantas vetrinas aprofundint s’alimentatzione e sas curas mèdicas de sos gladiadores.

A traessu fontes literàrias e epigràficas, s’itineràriu espositivu chircat de iscoviare sa vida fitiana de sos gladiadores. Ultres a s’aspetu gloriosu, si ponet s’atzentu subra sa fragilidade umana, subra de sa drammatitzidade de custos òmines a s’ispissu privados de sa libertade, obrigados a intratènnere su pùblicu in sas arenas durante sos “giogos”. S’obietivu de sa mustra est su de fàghere imbèrghere sos visitadores in s’esperièntzia de sos gladiadores, a largu de sos rifletores, pro cumprèndere sas sentidos issoro e sas tribulias. Sa mustra, chi at a abarrare aberta finas a su 31 de nadale, faghet connòschere a su pùblicu una de sas partes prus pagu connotas, ma sa prus umana, de sa Roma Antiga.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Tzinema sardu, arribat su film”Bandidos e Balentes de Fabio Manuel Mulas

Si sunt faghinde sas represas de su film “Bandidos e Balentes”, su disignu tzinematografficu novu de su regista sardu Fabio Manuel Mulas, chi at a bessire intre pagu tempus. Su film contat un’istoria ambientada in sa Sardigna de su passadu e s’ispirat a sos contos e mudas ligadas a su fenomenu de sos bandidos in s’isula.

Mulas est unu regista e autore sardu chi dae annos tribagliat in su mundu de su tzinema indipendente. In sos tribaglios suos dat attentzione particulare a s’istoria, a sa cultura e su connottu de sa Sardigna. Sa tiza battit supra s’ischermu unu mundu fattu de connottu, gherras e vida in sas zuras internas de sa Sardigna.

Sas mudas sunt ambientadas in sos annos Chimbanta e mustrant comente sa vida de sas pessonas esseret signada dae vindittas e cunfrontos diffitziles intre familias e bandidos. A su tzentru de s’istoria bi sunt pessonas divressas sas vidas de sas cales cambiant propriu pro more de custu clima de tesone e violentzia.

Su film cheret contare non solu su bandizadu ma fintzas sa cultura e sas bistas de s’isula. Sos montes de intro, sas biddas e sas campagnas de sa Sardigna faghent de irfundu a sas mudas de sos attores e mustrant una terra antiga e forte, ligada in manera funguda a su connottu suo.

In su “cast” medas piccioccos sardos, calicunu a sa prima esperientzia, ma fintzas s’attora sarda Caterina Murino, nodida a livellu internatzionale pro sos rolos suos in su tzinema e sa televisione. Sa partetzipassione sua est unu balore in prus po su disignu e at a dare unu contribbudu e faghere biere de prus su film. Sar represas sunt appassionande paritzos logos de s’isula e sunt attirande s’attentzione de appassionados de tzinema e curiosos.

S’intentu de su regista est de contare una pagina de s’istoria sarda pro mesu de unu limbazu tzinematografficu capatze de aunire assione, dramma e connottu. Cun s’essida chi si prevedit in sos meses imbenientes,”Bandidos e balentes” puntat a che leare supra de s’ischermu mannu un’istoria ligada a sa Sardigna in manera funguda, balorizzande s’iscrocca e sas raighinas culturales suas. Su film est fintzas un’occasione pro faghere connoschere a su pubbricu una parte importante de sa memoria istorica de s’isula pro mesu de su tzinema.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22