Su Teatru Impatu APS presentat ” Storie di Naturale Follia – Arte, Ambiente e Marginalità”, unu progetu multidisciplinare innovativu chi oferit una sèrie de fainas culturales e un’ispetàculu-eventu a s’internu de su Festival Internazionale della Sostenibilità – Giardini Aperti 2023.

A pustis de sa resessida de “Storie di Manifattura”, basadu subra de sas memòrias de s’ex Manifattura Tabacchi, su Teatru Impatto sighit sa chirca sua subra de sos logos identitàrios, impreende torra sas artes pro torrare a definire sa memòria colletiva. Custa borta, su progetu si cuntzentrat subra  sas ” Storie di Naturale Follia – Arte, Ambiente e Marginalità “, cun s’obietivu de avalorare su patrimòniu archeològicu, naturalìsticu, istòricu e artìsticu a traessu de unu ricu programa culturale chi s’at a isvilupare mescamente in Casteddu e s’at a allargare in totu sa Sardigna, a àteras regiones de Itàlia e finas  s’Europa. Su progetu at a acabbare cun un’ispetàculu ispiradu a sas istòrias de sos ex “manicòmios”.

Su progetu previdet fintzas una sèrie de laboratòrios abertos a sa tzitadinàntzia, inclùdida una classe pro s’imparu de sas espressione de su corpus e unu percursu subra de sas artes pitòricas in collaboratzione cun sos istudiantes de su Litzeu Artìsticu Foiso Fois de Casteddu. Ant a èssere fundamentales sas testimonias de sos chi ant bìvidu s’esperièntzia de sos “manicòmios”, arrichende gasi sa drammaturgia cun biografias istòricas e cartellas clìnicas. Su regista Karim Galici, imbentore de su progetu, afirmat chi ” Storie di Naturale Follia – Arte, Ambiente e Marginalità ” mirat a indagare sos aspetos de sa marginalidade e de su machine chi a s’ispissu non benint reconnotos o disconnotos.

Su progetu est organizadu dae s’APS Impatto Teatro cun s’amparu de sa Fondazione di Sardegna, su Patrotzìniu de sa Tzitade Metropolitana de Casteddu e sa collaboratzione de medas parternariados.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Pranos de creschida e balorizzassione de s’iscrocca: sa Fundatzione Barumini affortigat su soberamentu intre Europa e Italia.

Sighit su caminu de sa Fundatzione Barumini pro faghere connoschere sa Marmilla fora de sas lacanas regionale e natzionales. In sas urtimas chidas custu impignu si est abberadu cun sa partecipassione a duos abbenimentos importantes dedicados a su turismu e su soberamentu de sas iscroccas. Duas esperientzias divressas ma ligadas dae su mattessi intentu chi est cussu de contare un’iscrocca ricca de istoria cultura e bista.

Su primu mamentu est bistadu in Parigi pro su Salone Mondiale de su Turismu. Su seperu de si presentare imparis at dadu prus fortza a su nuntzu e at permittidu de apparare una bisione cumprida de sa Marmilla. Intro de sos logos espositivos sas realidades ant mustradu sas particularidades printzipales de s’iscrocca. Attentzione manna est bistada posta a sos sitos archeologicos, a sa natura e su connottu locale. Su tribagliu cundivisu at fattu divennere prus balida sa presentatzione e at attiradu s’interessu de sos bisitadores e operadores de tottu su mundu.

Cussu frantzesu est difattis unu de sos abbenimentos prus importantes in Europa pro custu campu. Accorrat donz’annu unu numeru mannu de partetzipantes e est unu puntu de addobiu intre chie tribagliat in su turismu e chie chircat logos novos de bisitare. In su mentres de su Salone sa Fundatzione Barumini Sistema Cultura at presentadu una manera de biazzare prus abbizosa e prus lenta. Unu turismu chi ponet a su tzentru s’esperientzia deretta, su cuntattu cun sa nadura e s’iscoperta de sas biddas pitticas. Sunt bistados contados sos caminos, su connottu e sos logos prus pagu connoschidos chi sunt una ricchesa manna pro s’iscrocca.

S’intentu est cussu de apparare a sos bisitadores un’esperientzia bera fatta de addobios connoschentzia e partecipassione. Unu modellu chi aunit cultura ambiente e identidade locale e chi puntat supra sa calidade de s’offerta prus che supra sa cantidade de sos bisitadores. Custu caminu mustrat chi su soberamentu de s’iscrocca non podet essere dassadu a su casu ma depet essere fraigadu cun attentzione e continuidade. Sa presentzia in mustras natzionale e internatzionales azzuat a affortigare sa frigura de sa Marmilla e a la faghet divennere semper prus connoschida.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22