S’istrutura fiat istada fraigada pro acasagiare sos operajos biagiantes de sa mina de Monti Bèciu chi acudiant dae sas biddas de inghìriu. Sa càbida fiat de 250 postos letu in cameratas de 25 postos cadauna cun mensa, locale de recreu cun ràdiu, gabinetos e dòtzias.

Biendelu dae largu paret unu cardulinu grogu cun sa crobeta ruja chi nde istupat dae su padente iscuru de sas primas oras de su mangianu. Custa est sa descritzione chi podimus agatare in su situ de “sardegna abbandonata” dedicadu a s’Albergo Sartori, in Monti Bèciu, chi s’agatat in pitzu de su cantiere de potente, cussu de Sartori, chi est unu pessonàgiu de importu mannu de s’istòria minerària de su logu. Difatis, comente podimus lèghere in su cartellu postu a s’intrada cust’òmine diat s’amministradore delegadu de sas minas de Monti Bèciu chi aiat dadu su nùmene fintzas a su Putzu Sartori e a sa colònia marina de Funtanatza.

S’istrutura fiat istada fraigada pro acasagiare sos operajos biagiantes de sa mina de Monti Bèciu chi acudiant dae sas biddas de inghìriu. Sa càbida fiat de 250 postos letu in cameratas de 25 postos cadauna cun mensa, locale de recreu cun ràdiu, gabinetos e dòtzias.

S’istrutura, inchinghiada in su 1942 in ocasione de sa bìsita de Benito Mussolini, fiat istada intitulada a Francesco Sartori (Amministradore delegadu de sas minas de Monte Bèciu) e fiat abarradu ativa pro prus de 30 annos.

Su cumplessu mineràriu de su Mèdiu Campidanu,  at rapresentadu pro unu sèculu su coro de s’indùstria estrativa de su sud-ovest, oe est unu parcu geomineràriu e patrimòniu Unesco.

De sas ùmiles domos de sos operajos a su de palatzu pomposu de sa diretzione, colende fatu de sos cantieris de bogadura e traballadura, sedes dirigèntziales e de servìtzios. Intre sos monumentos de archeologia industriale de Montebetzu, atzufados in su territòriu de Àrbus e Gùspini, si podet acumprire unu giru istòricu-culturale a s’iscoberta de unu ‘mundu pantasma’ torradu a mentovare dae unu cumplessu de minas dismissas, a pagas chentinas de metros de sas dunas de Piscinas e a prsu de àteras marinas de sa Costa Birde.

Sa faina estrativa de su giassu, unu de sos oto chi formant su parcu geomineràriu de sa Sardigna – sìmbulu de sos Geoparks de s’Unesco – est durada belle unu sèculu e mesu, dae su 1848, cando su re Càralu Alberto aiat cuntzèdidu s’isfrutamentu a Giovanni Antonio Sanna finas a su 1991, annu de sa serrada a pustis de deghènnios de crisi.

 “Attività realizzata col contributo della Regione Sardegna – IMPRENTAS 2022-2023. LR 22/2018, art. 22”

Su casu Murgia: trassas novas de DNA mascrinu torrant a abberrere su misteru supra sa morte de sa picciocca de 16 annos.

Unu isviluppu novu arribat a faghere lughe supra unu de sos casos pius chistionados de sa cronaca casteddaja: sa morte de Manuela Murgia, s’iscolana de 16 annos acciappada chentza vida su 5 de frearzu 1995 in su canyon de su campusantu de Tuvixeddu, in su coro de sa tzittade printzipale de sa Sardigna. Po trint’annos su casu est adduradu congeladu pensande a una chi si fuit bogada sa vida, cosa chi si fuit pensada fintazs dae sas primas scruccullas e chi sa zente e sa famiglia no ant mai atzettadu.

Oe, però, su quadru si arricchit de unu elementu chi diat podere cambiare s’afficcu: supra sos bistires chi sa zovana bestiat in su momentu de sa morte sunt bistadas acciappadas deghinas de frusas biologicas chi faghent pensare a DNA mascrinu. Sas analisis, fattas in su momentu de s’incidente de sas proas e ghiadas dae sos espertos incarrigados siat dae sa deffensa de s’unicu accusadu siat dae sa parte tzivile, ant battidu a s’isolamentu de casi baranta cotzos geneticos. Una parte manna de cussos est cuntzentrada supra sas mudandas e corittu,pinzus chi diant podere dare informatziones importantes po connoschere sa urtimas oras de vida de sa picciocca.

S’unicu chi est bistadu postu in su registru de sos indagados est s’isposu de tando de Manuela , chi oe tenet 54 annos accusadu de mortortzu volontariu. Su numene suo est bistadu postu in sos atzertamentos chi at torradu a abberrere sa Procura de Casteddu, chi como puntat a alcansare unu quadru de cunfrontu cumpletu. Su DNA mascrinu assebertadu at a essere cunfrontadu no solu cun sos proffilos presentes in sas bancas naztionales, ma puru cun cussu de s’indagadu, supra su cale no est bistadu ancora fattu su prelevamentu.

Su compitu de analizzare sas proas est affidadu a sos carabbinneris de su Ris, chi sun faghinde sas scruccullas biologicas, dattiloscopicas e de sa mertze supra sos bistimentos cunservados po trintannos. Unu tribagliu retrancosu chi diat podere dare elementos detzisivos po accrarare sa morte de Manuela.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22