“Su chi m’est bènnidu a conca deretu est ca lu devia torrare. Ma cando m’ant dadu is 6 pachetes apo pessadu chi fiat unu pagu tropu pagu” at natadu s’òmine chi de seguru s’isetaiat una recumpensa prus manna. S’azienda at naradu però chi nemos diat àere pòdidu incassare cuss’assegnu e pro custu at imbiadu su pachete istandard de ringratziamentu.

Unu biagiadore tedescu at agatadu s’assegnu millionàriu e at iscobertu cun ispantu chi su destinatàriu fiat sa sotziedade Haribo, sa azienda nòdida de durches e caramellas.

S’episòdiu, contadu dae su diretu interessadu a su giornale tedescu Bild, est istadu cunfirmadu dae sa matessi azienda. S’agatamentu de s’assegnu a s’istatzione ferrovia de Francoforte, in Germània, ue s’òmine protagonista de s’istòria, identificadu petzi cun su nùmene de Anouar G, l’at notadu in unu de sos binàrios de su trenu mentras torraiat in domo a pustis de àere fatu bìsita a sa mama.

Anouar no at crètidu a sos ogros suos cando at bidu sa tzifra iscrita subra su billete, prus de 4 miliones e mesu de èuros. S’assegnu fiat istadu emìtidu dae unu grupu de supermercados locales pro pagare de sa mertze e fiat indiritzadu apuntu a  s’azienda famada Haribo, ma pro calicunu motivu calicunu l’aiat pèrdidu in istatzione.

S’òmine de 38 annos tando at pensadu in deretura de mutire sa dita Haribo pro los avèertere de su chi aiat in pessu agatadu. Mancu pro unu segundu at pensadu de si poderare su dinari. Sos responsàbiles de s’azienda,a pustis de sa cramada sua, l’ant torradu a mutire ma imbetzes de li pedire  s’assegnu, l’ant naradu de lu segare e de imbiare una fotografia comente proa.

Pro lu ringratziare, in fines, l’ant mandadu a domo un’iscàtula cun 6 iscatueleddas de sa caramellas Haribo, in diversos gustos e formados. “Apo pessadu chi esseret tropu pagu” at ammìtidu s’òmine chi s’isetaiat un’acumpensu prus generosu.

S’azienda però at nadu ca si trataiat de un’assegnu nominativu, nemos francu  s’azienda lu diat àere pòdidu incassare”.

 “Progetu finantziadu cun s’Avisu Pùblicu IMPRENTAS annualidade 2021-2022”

Casteddu in difficultade: terza derrotta una fattu de s’attera e sa Cremonese si accurtziat.

Su Casteddu est bivinde unu mamentu complicadu meda.S’isquadra at perdidu po sa terza borta una fattu de s’attera e como sa classifica faghet un’attera borta frea. Sas atteras isquadras chi battagliant pro si salvare sunt recuberande puntos, e su vantazu de sos ruju e blau si est minimande semper de prus.

Su peus nuntzu est arrivadu dae Parma, inube sa Cremonese at binchidu.Cun custu risurtadu est arribada a solu tres puntos dae su Casteddu. Custu cheret narrere chi sa battalla po addurare in sa categoria est abberta de su tottu.

Sos numeros de sas urtimas partidas sunt negativos meda. In sas urtimas sette partidas, su Casteddu at leadu solu duos puntos. At perdidu chimbe bortas e pareggiadu duas. Est unu de sos peus risurtados intre sas isquadras chi chircant de si salvare. Eppuru, pagu tempus faghet, sa situsassione pariat divreassa meda: tres binchidas una fattu de s’attera aiant fattu isperare in d’unu finale de istajione prus tranchillu. Pustis de cussu mamentu positivu,peroe, s’isquadra si est frimmada. Fintzas sa sotziedade aiat leadu detzisiones pensande chi su peus esseret passadu, comente sa bendita de Luperto propriu a sa Cremonese, chi como est una cuncurrente diretta.

Sa classifica est ancora intzerta. Fintzas atteras isquadras si podent accostare o binchere su Casteddu. Sa Fiorentina diat podere andare a daenantis, mentres su Lecce podet tennere sos mattessi puntos. Tottu at a dipendere dae sos risurtados de sas partidas imbenientes prima de sa frimmada. Su mese de Aprile at essere importante meda. Su Casteddu at a deppere accomettare su Sassuolo in domo sua e pustis at a giogare in domo contra sa Cremonese. Sunt duas partidas de fundamentu pro cumprendere comente at andare a si accabbare s’istajone.

S’isquadra at a torrare a si allenare martis in Assemini, ma bi ant  essere medas ausentzias. Carchi giogadore est impignadu cun sa natzionale sua, comente Caprile e Palestra cun s’Italia. Fintzas Kilicsoy e Obert non bi ant a essere, gai comente Sulemana e fortzis Litetas, chi no est a su menzus. Unu nuntzu bonu arribat dae Borrelli, chi est recuberande e diat podere giogare dae s’incumintzu de sa prossima partida. Sa torrada sua est importante, pro itte su Casteddu at sinzadu pagu in sas urtimas partidas.

Como su Casteddu non podet prus isbagliare. Serbit una reatzione lestra pro evitare de finire in mesu de sos aggios. Sas partidas imbenientes ant a essere detzisivas pro si salvare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22