Est arribbada dae su Tzentru de Referentza delle Venezie sa cunfirma de sa positividade pro Influèntzia aviària a arta patogenitzidade (HPAI), sutatipu H5N1, in campiones de òrganu (cherbeddu) de puddas e ànitras agatadas mortas in su parcu de Monte Urpinu.

    “Sa cunfirma est lòmpida dae banda de su Tzentru. Si podet lèghere in unu comunicadu de s’Asl chi non b’at duda subra sa curretesa de sas medidas printzipiadas dae su Servìtziu Sanidade Animale de s’Asl de Casteddu in manera relativa a s’abbatimentu de sos aes presentes.

    Su cuadru clìnicu, ma mescamente sos resurtados de laboratòriu subra de sas ùndighi ispegos chi ant evidentziadu una càrriga virale in manera arta meda meda in òrganos comente cherbeddu, intestinu e purmones, de unu virus de s’Influèntzia aviària de su sutatipu H5, recheriant sa prontesa màssima in sa gestione de sa condidura.

    Pro s’ora est pretzisu isetare de sos resurtados subra de unu campione de sos animales aterrados, segundu protocollos prevìdidos dae sa normativa natzionale e internatzionale, ma sos esàmenes anatomo-patològicos cunfirmant giai sas lesiones chi iscòviant sa presèntzia de su virus de s’Influèntzia aviària”.

A ogna contu, pro s’ora, sighint is controllos de sos veterinàrios de s’Asl finalizados a su bardiamentu ativu e passivu in sos cunfrontos de s’Influèntzia Aviària in sos pigiones de sos àteros parcos tzitadinos e in sos de Molentàrgius e Santa Gilla. Finas a custu momentu non sunt istados cumproados sìntomos chi si podent pònnere in collegamentu cun sa maladia. Sos ispèigos de sos pigiones  agatados e analizados, difatis, no ant rilevadu crititzidade respetu a s’Aviària.

S’aviària est perigulosa finas pro s’òmine. Difatis, n risposta a un’interrogatzione arribbada dae su cussigeri Matteo Massa, sa chida colasa su sìndigu Paolo Truzzu at decraradu: “In su 2020, cando totus pessaiant chi tènnere su Covid, apo tentu s’influèntzia aviària“. Su sìndigu no at ispiegadu comente a o in cale ocasione at tentu sa maladia. Però nch’at tentu a ispiegare chi mancari siat pagu probàbile, sa condidura cun s’òmine est possìbile, duncas est a donare cura meda”.

“Progetu finantziadu cun s’Avisu Pùblicu IMPRENTAS annualidade 2021-2022”

Sas vias de sa tramuda, a daenantis cun iscavos e balorizzatzione: risurtados novos in sos nuraghes de Tortulè e Triei.

Andant a daenantis cun resurtados importantes sos interventos de iscavu,accontzu e balorizzatzione de sas alas nuragicas intzididas in su disignu “Sas vias de sa tramuda” in Ozzastra. Duos in particulare sos logos interessados dae sos tribaglios: su nuraghe s’Ortali ’e su Monti in s’iscrocca de Tortulè, e su nuraghe Bau Nuraxi de Triei, ambos duos a su tzentru de avantzamentos importantes supra su pianu iscientificu e de su recreu pubbricu de su tempus benidore.

A s’Ortali ‘ e Su Monti, unu de sos sitos  appillados prus nodidos e bisitados de s’Ozzastra, est finida sa fase de iscavu archeologicu. Su cumplessu, chi accansat nuraghe,pobuladu, tzirculu megaliticu, domus de janas e tumbas de tzigantes, sighit a torrare notissias novas mancari sos istudios los fettant dae tempus meda. Sas scruccullas fattas dae pagu ant fattu iscoperrere atteras zuras de interessiu, amprariande sas connoschentzias supra su situ e arricchinde s’esperientzia culturale apparada a sos bisitadores.

S’interventu, fattu sutta s’affilamentu de sas Sovrintendentzias archeologicas, est bistada fatta mescamente po una turre accosta e s’antemurale de su nuraghe. In su mentres de sos tribaglios sunt bistados iscopertos po su prus, picculos de isterzos de attividades in domo, comente su tessinzu e s’ammaniada de sa cosa de pappare. Finida sa fase de iscavu, su disignu bintrat como in d’una fase nova chi prenettat interventos de accontzu, su faghere un’impiantu novu de sa lughe- pensadu fintzas po su sero, e sa creassione de unu caminu novu po bintrare a su monumentu. Si at a faghere puru s’azzorronamentu de su sistema de sas notissias e de sos poster, po rendere prus fatzile sa bisita e mezzorare sa cumpresa de unu situ de cumplessidade manna. Sa summa totale de sos tribaglios, partidos in su mese de aprile 2025 est de casi 200.000 euros.

Novidades importantes arribant puru dae su nuraghe Bau Nuraxi de Triei, inube in su mese de martu passadu sunt bistados cussinnados sos tribaglios de iscavu. Su situ, chi est mannu meda e de importantzia iscientifica, fuit bistadu scudrignadu solu in partzialidade in sos annos Ottanta. S’interventu de oe interessat in manera particulare sa zura chi andat a sa parte de su riu, una zura sinzada dae sa prena de su 2008 chi aiat fattu dannos a una parte de su cumplessu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22