Sunt cumintzadas in Sardigna sas ripresas de Vangelolo secondo Maria, traspositzione de su libru de Barbara Alberti dirìgida dae Paolo Zucca. Si tratat de unu film Sky Original cun Benedetta Porcaroli e Alessandro Gassmann chi at a esordire in Sky e in direta in Now.

Sa pellìcula est dirìgida dae Paolo Zucca, chi s’est fatu apretziare cun L’àrbitro e mescamente cun L’uomo che comprò Luna, chi est devènnidu unu film cultu in Sardigna.

Sos protagonistas de Vangelo secondo Maria – chi est unu film Sky Original prodùidu dae La Luna, Indigo Film e Vision Distribution in collaboratzione cun Sky – sunt Benedetta Porcaroli e Alessandro Gassmann. Los amus a bìdere in sos pannos de Maria e de Giuseppe in prima assoluta in Sky e in direta in Now. Nch’at a chèrrere unu pagu de tempus pro lu bìdere in sas salas, mancari sas ripresas ant a durare 8 chidas. Sos àteros atores sunt Lidia Vitale, Leonardo Capuano, Giulio Pranno, Maurizio Lombardi, Fortunato Cerlino e Andrea Pittorino. Sa fotografia est de Simone De Arcangelo, s’iscenografia de Luciano Cammerieri, sos costùmenes de Beatrice Giannini e su montàgiu de Marco Spoletini.

“Vangelo secondo Maria” est istadu unu libru giudicadu dae unos cantos “una favola soversiva”, su romanzu est unu donu a una de sas figuras feminiles  prus mannas de s’istòria sacra. In su libru Maria faeddat in prima persone e no est sa figura sàbia e amiserada a sa cale sos Vangelos nch’ant abituadu. Est imbetzes una fèmina atrivida, cun unos bisos e una fortza de voluntade manna. In prus ischit nàrrere nono e lotat pro su deretu a su lìberu arbìtriu. “Vangelo secondo Maria” est ligadu a un’època acanta sa batalla feminista fiat baliosa e giusta, e bidu chi  dae tando sas cosas sunt cambiadas ma non meda, sos temas tratados resurtant atuales e medas fèminas s’ant a pòdere reconnòschere in sa protagonista. Barbara Alberti at partetzipadu a s’iscenegiadura de su film, iscritu fintzas dae Amedeo Pagani e dae Paolo Zucca, chi est istadu capassu emdaa trasformare unu cantu de sa terra sua in sa Palestina de s’annu zero.

A propòsitu de Vangelo segundo Maria, s’iscritora at decraradu:

Pro ite nche amus postu annos medas a fàghere unu film de su “Vangelo segundo Maria”? Ca Benedetta Porcaroli non fiat ancora nàschida comente atoressa. Petzi issa podiat èssere Maria, sa rebella. Pro talentu e gràtzia, malìtzia, inntzèntzia, e pro s’ograda. Non est un’interprete, ma una reincarnatzione.

“Progetto finanziato con l’Avviso Pubblico IMPRENTAS annualità 2021-2022”

Su Carrasegare in Sardigna: ritos e caratzas antigas e identidade chentza tempus.

Su Carrasegare in Sardigna est meda prus de una festa in caratza. Est unu ritu de tottus chi affundat sas raighinas suas in tempos attesu meda, intritzinde connottu paganu, conas agrarias e devossione populare. Sas tzelebrassiones de carrasegare in s’isula si annodittant po sa presentzia de caratzas antigas, fattas in linna o suerzu, e de costumenes carrigos de signifficos ideales. Donzi bidda custoit su propiu Carrasegare, cun ritos e personalidades unigas, dassadas dae ingendra a ingendra e ligados in manera funguda a su tziclu de sa nadura e su mundu agropastorale.

Intre sas bogadas a campu prus nodidas bi est su carrasegare de Mamujada, in su coro de sa Barbagia. Inoche isfilant sos tzelebres Mamuthones e Issohadores, friguras prenas de misteriu chi incarnant unu ritu dae sa frigura forte. Sos Mamuthones, cun sas caratzas insoro nieddas e sos marratzos pesantes ligados a s’ischina, andant a daenanti cun passos lentos e ritimigos, cun su sonu cottu de sas campanas.

Accanta a issos si movent sos Issohadores, bistidos de ruju e biancu, chi cun d’una fune acciappant baltzigamente sos ispettadores, cun d’unu gestu de bonu auguriu.

In Otzana, in su Nugoresu, su Carrasegare est dominadu dae sas caratzas de sos Boes e Merdules. Sos primos mustrant sos animales, sos boes, mentres sos secundos incarnant sos meres insoro. Sa manifestassione est un bera e propria apparada de teatru a s’abbertu, chi mustrat s’appitzigu de cuntrastu e a su mattessi tempus vivu intre s’omine e sa nadura, intre istintu e controllu.

Atterettantu ammaghiante est su Carrasegare de Oroteddi, cun sos Thurpos, friguras trinas e imbruttadas cun foddine, chi ammentant massajos e pastores. S’aera insoro modesta po seperu, muttit sa fatiga de su tribagliu in sos campiles e s’asprighine de sa vida in campagna, mentres sa protzessione paret unu ritu de puriffigassione e de torrare naschere.

In su tzentru de Aristanis bi est sa Sartiglia, una de sas manifestassiones cun sos caddos prus antigas de su Mediterraneu. Inoghe su Carrasegare leat unu carattere ispettaculare e sulenne: parigliantes cun sas caratzas si affilant cun sos caddos po chircare de infertzire un’istedda appiccada in artu, in d’unu ritu chi ponet impare abbilesa, fortuna e sacralidade. Sa Sartiglia est unu mamentu tzentrale de s’identidade de sa tzittade e est sighida dae medas ispettadores .

Attività realizzata col contributo della Regione Sardegna — IMPRENTAS 2025-2026. LR 22/2018, art. 22