Su cumplessu de isulas de Sa Madalena,unu paradisu intre mare nadura e istoria.

Su cumplessu de isulas de sa Madalena est unu de sos logos prus ammaghiantes de sa Sardigna,una massa de isulas mannas e pitticcas affundadas in su mare gristallinu chi giamat bisitadores dae tottu su mundu.Posta in su nord de s’isula a car’a pare a sa Gaddura cust’iscrocca est nodida pro sa bellesa de sas bistas suas e pro sa ricchesa de s’ambiente naturale suo.

Su coro de su cumplessu de isulas est sa Madalena, s’unicu tzentru chi tenet abitantes chi cusservat fintzas a oe un’aera bera, fatta de connottu de su mare e bistas chi che bogant s’alenu. A inghiriu s’isfroscat unu musaigu de isulas intre sas cales bi sunt Caprera,Spargi,Budelli,Santa Maria e Razzoli,donzuna cun proprietades unicas e bistas immaculadas.

Una de sas particularidades prus famadas de su cumplessu de isulas est sa plaja arrosa de s’isula de Budelli tzelebre pro su colore de sa rena sua deppidu a sa presentzia de bicculos pitticcos de organismos marinos. Pro diffendere custu ambiente chidrinu s’intrada a sa plaja est oe allindada e regulamentada.

Su cumplessu de isulas intreu faghet parte de su Parcu Nazionale de sa Madalena, un zura diffendida fatta pro tutelare sa biodiversidade de mare e terra. Inoghe si podent iscrudignare castas raras de prantas e animales e fundales riccos meda chi attirant sos appassionados chi andant sutta de abba. Addìa de sa natura su cumplessu de isulas custoit fintzas un’istoria importante. Supra de s’isula de Caprera si agattat sa domo de Zuseppe Garibaldi oe museu bisitadu dae mizza e mizza pessonas donz’annu. Custu logu contat sa vida de s’interprete de su Risorghimentu italianu chi aiat seperadu propriu Caprera comente domo sua.

Sas attividades chi si podent faghere in su cumplessu de isulas sunt medas: dae sos giros in barca pro iscoperrere plajas pitticcas cuadas, a sas passizzadas intre caminos de sas prantas fintzas a sos isport ins’abba.Su mare cun sas tonalidades suas chi andant dae su biaittu a su blau fungudu est chena duda s’interprete chena duda peruna de cust’iscrocca.

Mancari su cumplessu de isulas de sa Madalena siat famadu meda a livellu internatzionale cusservat un’ecchilibriu delicadu intre turismu e tutela de s’ambiente. Sas regulas de su parcu puntant a preservare custu patrimoniu naturale garantinde a su mattessi tempus un’esperientzia unica a sos bisitadores.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22

Pinnettos sardos, furriadorzos antigos chi contant sa vida de sos pastores.

Sos pinnettos, sunt intre sas testimonias prus beras de sa Sardigna de campagna e contant una manera de bivere ligada in manera funguda a sa pastoria e s’iscrocca. Ispartos mescamente in sas zuras de intro de s’isula, in manera particulare comente s’Ozzastra, beniant fraigados dae sos pastores comente furriadorzos in su mentres chi passaiant tempus meda in campagna imparis cun sos masones. S’istruttura insoro est simple ma zeniosa:tenent una forma tunda cun d’una base fatta cun pedras e una copertura fatta de rampos e frastamazas intritzadas, a s’ispissu de ghiniperu, impittande solu materiales naturales chi si agattaiant in cussu logu.

Intro, su logu est essentziale ma funtzionale, chi bastaiat pro si amparare dae su frittu,dae su bentu e s’abba,coghinare e costoire sos istrumentos de tribagliu,chena mai essere pensados comente domos abbarrantes ma comente puntos de accottu ligados a sa vida pastorale.

Custos fraigos naschent dae una connoschentzia funguda de s’ambiente e de sos medios suos, inube nudda capitat pro casu: su seperu de sos materiales,sa forma,s’orientamentu, tottu rispondet a esigentzias pratigas e a sa netzessidade de si adattare a cundissiones a s’ispissu diffitziles.Sos pinnettos sunt duncas non solu unu furriadorzu fisicu,ma fintzas unu esempru beru de ecchilibriu intre omine e natura, fraigados chena trastoccare sa bista ma intregandesi intre issa in manera perfetta.

Ancora oe sunt presentes in medas zuras de sa Sardigna, calicunu cusservadu bene, atteros sinzados dae su tempus, e sighint a contare un’istoria fatta de tribagliu, sacriffissiu e vida de donzi die attesu dae sas biddas.In sos urtimos annos est creschida s’attentzione a banda de sa tutela e balorizzassione insoro, cun interventos de recuberu e insertu in caminos naturalisticos e culturales, signu de unu rennoadu attuamentu de su balore insoro istoricu e de s’identidade.

Sos pinnettos non sunt solu fraigos de su passadu, ma conas de una cultura chi at ischidu resistire e si adattare in sos seculos.Costoire custa istrutturas cheret narrere de mantennere biva sa memoria de unu mundu chi at formadu s’identidade de sa Sardigna e chi fintzas oe podet indittare meda.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22