Pasca de sos tres Res e Beffana, intre fide e connottu: s’ammaju de sa festa in Sardigna.

Sa Pasca de sos tres Res, tzelebrada su 6 de bennarzu, est una de sas festas prus antigas e riccas de signifficu de su calendariu cristianu e de su connottu popolare italianu, pro itte aunit sa misura religiosa a s’ammaju de sa Beffana, frigura amada meda mescamente dae sos pitzinnos;

sa paraula Pasca de sos tres Res arrivat dae su gregu epiphaneia chi cheret narrere “bogare a campu”, indittande su mamentu in su cale Gesu(su) si bogat a campu a su mundu po mesu de sa bisita de sos tres Res, Gasparre, Melchioro e Baldassarre, chi ghiados dae s’istella cometa segudant Betlemme po apparare oro,incensu e mirra a su Pitzinnu, cona de sa regalidade sua, divinidade e umanidade, e propriu po custu sa Pasca de sos tres Res mustrat s’addobiu intre Cristu e tottu sos populos de sa Terra,

mentres sa Beffana affundat sas raighinas suas in ritos meda prus antigos ligados a sa laurantza e a su ciclu de sas istajones, cando in sa Roma antiga si tzelebrait sa fine de s’annu de sa laurantza e si immaginaiant ispiritos femininos chi bolaiant supra sos campos po garantire saliosidade e regortas bonas,

revertidos pustis in sa frigura de una bezza chi rappresentat s’annu chi morit po lassare logu a cussu novu,immagine chi su cristianesimu at torradu a fraigare collegandela a sa paristoria de sos tres Res, secundu sa cale una bezzedda, pustis de aere reffudadu de los sighire, si fuit pentida e aiat incumintzadu a bolare dae domo in domo cun d’una corbula de durches chircande Gesu(su), creande su connottu de sas carzas prenas de donos e carbone;

ancora oe sa Pasca de sos tres Res est una festa chi aunit sacru e populare, serrande su tempus de Nadale commente ammentat su diciu “Sa Pasca de sos tres Res si che leat tottu sas festas”, e in Sardigna custa affussione benit bivida cun d’unu sensu de comunidade mannu meda po mesu de missas sulennes,protzessiones dedicadas a sos tres Res e festas de prata, mentres in medas paisos si atzendent fogos chi battint fortuna e si ordimizant festas e momentos po
pappare,

mescamente in sas zuras internas e in sos tzentros istoricos, inube sa Beffana benit a s’ispissu mustrada in costumene de su connottu e ispartis durches a sos pitzinnos, mantenninde bivu unu patrimoniu de connottu chi aunit sa fide cristiana a sa cultura populare de s’isula, faghinde de sa Pasca de sos tres Res unu mamentu de
coladorzu, de isperantzia e de rennoamentu po s’annu chi incumintzat.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22

Istadiu de Casteddu, cursa detzisiva assa parte de su bandu:s’intentu est  lampadas pro alcansare Euro 2032.

Su caminu a banda de s’istadiu novu de su Casteddu Fubbalu bintrat in d’una fase importante. S’intentu chi tenent su Club e s’amministratzione comunale est cussu de arribbare a sa pubbricassione de sa porfia pubbrica internatzionale intro de su mese de lampadas, coladorzu importante pro permittire a sa tzittade de Casteddu de addurare intre sas candidadas pro accasazzare carchi partida de UEFA Euro 2032.

Su puntu supra de s’isviluppu de su disignu est bistadu fattu in Roma, in sa sede de sa FIGC, in su mentres de un’addobiu cun s’UEFA, su Comune e sa sotziedade ruju e blau. A su tzentru de su cunfrontu mescamente su rispettu de sos tempos e su livellu de creschida de su disignu tennicu, amministrativu e accolomicu finantziariu de s’impiantu,destinadu a remplasare s’istoticu Istadiu S.Elia, chi che at essere imboladu pro faghere logu a su novu modernu e chi at a serbire pro medas cosas.

Sos tempos sunt serrados. Sa pubbricassione de su bandu intre s’incumintzu de s’istiu est una cosa essentziale pro itte s’UEFA potat ponnere Casteddu in sa lista de sas tzittades candidadas giai intre triulas 2026. Pro custu motivu, intre sas chidas chi ant a bennere si at a cuntzentrare su tribagliu supra sos urtimos coladorzos amministrativos chi sunt de deffinire.

Addurant difattis de ispinnicare paritzos crobos ligados a su dirittu de supraffitzie e a su canone, chi sunt tzentrales po deffinire su Pianu accolomicu e finantziariu chi est preparande s’amministrassione comunale. Solu pustis chi ant essere deffinidos custos puntos at essere possibile trasmittire su Pef a su Ministeru de s’Accolomia e de sas Finantzias, po retzire sa decrarassione de Interessu Pubbricu in Cunsizzu comunale e faghere su bandu internatzionale.

Dae s’incontru romanu est bessidu a pizzu unu cuncordu istitutzionale supra s’importantzia istrategica de s’opera e unu apprezziamentu pro su tribagliu fattu fintzas a como. Su disignu, secundu cantu si connoschet, diat aere apperricadu unu livellu de isviluppu chi benit cussideradu coerente cun cantu benit dimandadu pro un’accadessimentu internatzionale comente s’Europeu 2032.

Parallelamente, si registrat unu mezzoru in sa propriedade de su club. Unu coladorzu chi diat podere garantire meda prus fortesa finantziaria e agguantare s’imbestimentu ligadu a s’impiantu novu, elementu crae in su pianu de creschida de su club.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22