Portu Giuncu, prella innida de sa Sardigna

Intre sos logos prus ispantosos de sa Sardigna de su sud-est bi est Portu Giuncu, una cala posta in su comune de Crabisaxius, in sa provìntzia de Casteddu. Cun unu mare cristallinu, plajas de arena fine e bistas naturales innidas, Portu Giuncu est divennidu in sos annos unu logu chircadu dae chie chèret paghe, natura e bellesa.

Sa plaja de Portu Giuncu si allònghiat pro prus de unu chilòmetru e mesu, cun dunas de arena mòdde chi si affàccan a cara de un’abba cun colores de turchesu e de ismeraldu. A daesegus de sa plaja s’allònghiat s’istanzu de Notteri, unu ecosistema pretziosu in ue bivent mangones arrubios e medas ispètzies de putzones chi bi passant. Custa cumbinatzione de mare e natura faghet de Portu Giuncu non solu unu logu bonu pro su turismu de sas plajas, ma fintzas unu logu de importu pro sos chi tenent a coro sos putzones e sa fotografia de sa natura.

Sa costa est pretziada in manera particulare pro sa netèsa de sas abbas e sa presentzia de servìtzios turìsticos chi non guastant sa bellesa naturale de su logu. Sas passizadas in barca in sa costa permitint de agatare calas cuadas e calas innidas, mentres sas passizadas in terra apparant bistas chi che bogant s’alenu e sa possibilidade de bìdere sos frore tìpicos de s’ìsula. Portu Giuncu est puru unu logu carrigu de istòria e connottu. In sos inghìrios bi sunt sitos archeològicos e turres de sa costa chi benint dae su tempus de sos aragonesos, chi contant s’istòria de sa Sardigna intre mare e terra. Sa zura est puru famada pro sa produtzione locale de productos tìpicos, comente su casu berbeghinu e su mele, chi faghent de sa bìsita finas un’esperièntzia de gustu.

Est unu logu perfettu pro famìlias, crobas e appassionados de natura chi chèrent bìvere unu angulu de Sardigna beru e innidu, attesu de sos gìros turìsticos prus attrumados.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”

Morta 30 annos faghet in Casteddu,su cunsillu puntat a unu mortoriu.

Trint’annos pustis de sa morte de Manuela Murgia, sa picciocca de 16 annos acciappida chentza vida in su canyon de su campusantu de Tuvixeddu in Casteddu su 5 de frearzu 1995, sa famiglia sua sighit a chircare veridade e zustissia. In primis si pensaiat chi si esseret morta, ma su casu est bistadu torradu a abberrere su 30 de martu 2025.Como est bistadu presentadu unu cunsillu novu chi negat sas congruidas de su RIS e puntat a cunfirmare chi Manuela diat podere essere bistada bocchida.

Su cunsillu de su Dr. Roberto Demontis, anatomopatologo, si cuntzentrat supra battoro puntos printzipales. Su primu po sas iscanniduras de Manuela:secundu su duttore non podent essere bistadas fattas po una rutta dae 30 metros, comente si pensaiat, e duncas s’idea chi si siat morta est meda diffitzile de creere.

Su secundu puntu pertoccat sa tzintura de sa picciocca: sa fibbia mustra sinzos de tira, comente si calicunu la diat aere tirada, e custu non diat ispiegare una rutta a sa sola. Su terzu puntu pertoccat sos oggettos pessonales de Manuela e carchi pranta acciappida accanta a su corpus: secundu Demontis non sunt coerentes cun su logu in su cale est bistadu acciappidu su corpus, e custu faghet pensare chi che siat bistadu leadu inie.

Po finire, su quartu puntu pertoccat sas iscanniduras intro de su corpus, chi secundu su duttore diant podere essere bistadas fattas cun d’unu imbestimentu de una macchina, abberinde iscenarios divressos meda dae cussu chi si pensaiat. Sa famiglia de Manuela pensat chi custos battoro puntos affortighent s’idea chi sa picciocca siat bistada morta e isperat chi custa analisi nova potat finamente faghere bessire a pizu sa veridade. Su cunsillu est unu elementu importante po faghere lughe supra una muda addurada misteriosa po trint’annos, e evidentziat comente siat ancora oe possibbile revertire pensamentos chi pariant deffinitivos.

Como sa detzisione finale est de su P.M., chi at a deppere baludare si nomenare unu super espertu po controllare un’attera borta su casu e abberguare sas ideas novas. Pro sa famiglia custu diat podere rappresentare unu passu detzisivu po alcansare rispostas, serrare unu capitulu prenu de dolore e dare zustissia a una vida zovana rugada troppu chitzo. S’isperantzia est chi, pustis de trint’annos, Manuela potat finamente tennere sa zustissia chi mereschet.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22