Sanae Takaichi diventat sa prima femina primu ministru de su Giappone.

Su 21 de Santuaini,Sanae Takaichi est bistada elegida primu ministru de su Giappone, diventande sa prima femina a tennere custu incarrigu in s’istoria giapponesa.Un’abbenimentu istoricu a livellu mondiale.S’elezione sua sinzat una pedra miliare in sa politica giapponesa, chi in su connottu est dominada dae sos omines.

64 annos, est una frigura importante de su partidu Liberal Democraticu e una alliada istrinta de s’ex primu ministru. S’arrivu sou a su podere est bistadu possibile gratzias a s’unione intre s’LDP e su Partidu de s’Innovazione de su Giappone chi li at garantidu sa majoria in su parlamentu. Custa unione at permittidu de binchere sa derrotta chi at tentu dae pagu de s’LDP e sa perdida de s’alleadu Komeito.

Connoschida po sa posissione sua cusserbadora,Takaichi agguantat politicas accolomicas abertas uguales a cussas de Abe, comente
s’accreschimentu de s’ispesa pubbrica e poderiu de sa Banca Tzentrale. Intames, custas propostas ant fattu creschere affuscu intre sos imbestidores. Po sa parte sotziale, Takaichi est contra sa coja intre pessones de su mattessi sessu e a s’impittu de sambenados separados po maridu e muzzere, posissiones chi agattant accottu limitadu intre sas feminas, mancari issa cherzat accreschere sa presentzia de sas feminas in su guvernu.

Su guvernu sou, intamen, accomettat porfias de signifficu. Su guvernu in carriga est meda debile, cun d’una majoria alindada in tottu sos apposentos de su parlamentu, e sa necessidade de si ponnere impare cun trumas de opposizione pius pitticcas po garantire sa firmesa politica. In pius Takaichi depet accomettare chistiones accolomicas apprettosas, comente s’accreschimentu de sos pretzios e de su costu de sa vida, e preparare a negossios de livellu artu, fintzas cun su presidente de sos Istados Unidos, Donald Trump chi at arribare fra pagu tempus.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”

Masainas,disgarriga abbusiva e tribagliadores chena cuntrattu in d’una ditta de massajos: denuntziadu un’impresariu.

Una disgarriga abbusiva, tribagliadores chena cuntrattu e fura de currente. Est cantu ant iscopertu sos carabbineris in su mentres de compudos in d’una ditta de massajos de Masainas. S’operassione st bistada fatta cun s’accottu de paritzas setziones e s’azzudu de unu elicotteru de Elmas, chi at boladu supra sa zura in su
mentres de sos controllos. Controllos chi sunt bistados ordiminzados po abberguare su rispettu de sas lezez ambientales, de su tribagliu e de sa siguresa in sas dittas de s’iscrocca.

Sos controllos si sunt cuncentrados supra sos terrinos de una sotziedade de massajos de un’omine de 53 annos. In su mentres de sos controllos, sos carabbineris ant incumintzadu a controllare istrutturas, impiantos e attividades presentes in sa zura. In su mentres de sos atzertamentos est bessidu a pizu chi s’omine impittaiat sa retza elettrica chentz cuntrattu. Sa ditta fuit collegata a sa currente chena autorizzassione, impittandela chena la pagare. Pro custu motivu est partida fintzas s’accusa de furtu aggravadu de currente.

Sighinde cun sos controllos, sos carabbineris ant acciappidu fintzas unu motocoltivadore furadu, chi fuit de propriedade de un’atteru imprendidore de sa zura chi nde aiat denuntziadu su furtu. Est iscattada fintzas sa denuntzia po ricettassione. Sa zura de sa laurantza si presentaiat in cundissiones malas. Secundu canto ant cunfirmadu sos militares, una parte de sos terrinos fuit bistada revertida in d’una disgarriga manna chena autorisassione. Intro de sa zura sunt bistados acciappidos arreffudos ispetziales e cosas perigulosas po s’ambiente.

A s’omine sunt bistadas cuntestadas paritzas macchiscias: controllu illetzidu de arrefudos, disgarriga abbusiva, de aere brusiadu illetzitamente arrefudos, iscarrigos de fauda chena autorissassione e de aere fattu autodemolizione chena nde tennere s’autorissassione. In su mentres de sos controllos est bessidu a pizu fintzas un’atteru probblema, ligadu a sa defensa de sos tribagliadores. Intro de sos amparos de sa ditta sunt bistados acciappidos duos tribagliadores chena cuntrattu.

A s’accabbu de s’operassione tottu sa zura est bistada secuestrada po prevensione, imparis a sos materiales e mezzos acciappidos in su mentre de sos controllos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22