Sa Fundassione Barumini Ordinzu Cultura premiada po s’accontzu archeologicu.

Sa Fundassione Barumini Ordinzu Cultura at retzidu in Puglia Su Premiu de Archeologia Zeus Tzittade de Ugento 2025, in sa setzione dedicada a s’accontzu archeologicu, unu riconnoschimentu chi cunfirmat s’impignu custante de sa Fundassione po sa tutela e su balorimentu de su patrimoniu culturale de sa Sardigna.

Su premiu est bistadu dadu po unu pranu de accontzu agudissiosu e chi biet attesu, promovidu dae sa Fundassione dae paritzos annos, chi at ischidu favoressere sa dipendentzia intre sas realidades divressas de s’iscrocca. Custu metodu at garantidu non solu sa rimunida de sos benes archeologicos, ma puru su bottiu a livellu natzionale e internatzionale, traudande a faghere connoschere una prenda de sas pius pretziadas de s’isula e de tottu s’Italia.

Intre sos elementos chi ant cunvintu de piusu sa zuria bi est bistadas’attividade de sa buttega de accontzu de Barumini, presente dae annos. Sa buttega est unu puntu de relata po su recuberu de sos benes, e po sa trasmissione de unu seru nou supra su balore de sos benes culturales. Addià de sa parte iscientifica, sa buttega ponet umpare imparu e partetzipassione de sas comunidades locales, creande unu modellu in su cale chirca, formassione e partecipatzione pubbrica s’intritzant in manera virtudosa.

Dae custa esperientzia est naschidu fintzas unu disignu formativu de eccellentzia: su cursu de laurea in costoidura e accontzu, resurtadu de sa collaborassione intra sa Fundassione, sa Sovrintendentzia e s’universidade de Casteddu. Su cursu, chi at dae pagu finidu su primu annu accademicu suo, est un’opportunidade importante po formare professioneris cualifficados meda, capatzes de operare in su campu de sa tutela de su patrimoniu culturale cun cumpetentzias avantzadas e una bisione acchidada.

Intre sos annos, sa Fundassione Barumini Ordinzu Cultura est divennida una realidade firma in su campu culturale in Sardigna, resessinde a isposare s’impittu de sos benes archeologicos cun sa costoidura insoro.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Iscoperta una necropoli in su Nord Sardignain su mentres de sos tribaglios po un’approntu solare.

Un’iscoperta archeologica importante meda est bistada fatta in su Nord Sardigna in su mentres de tribaglios ligados a sa produssione de energia pulida. In sa zura industriale de truncu Reale-Sant’Agostino, accanta a Tattari,sos iscavos de ammaniada pro fraigare un’approntu solare ant fattu bessire a pizu una necropoli chi fintzas a oe non fuit bistada mai iscoperta.

S’accattu est sutzessu in sa zura curada dae su Consorziu Industriale de Tattari. Sos iscavos sunt incumintzados in su mese de martu de su 2024, cando sunt bistados cunviados sos controllos de su terrinu prima de fraigare s’impiantu. In su mentres de custos controllos sos archeologos ant acciappidu istrutturas sutta de terra e, sighinde cun sos iscavos, ant cumpresu chi si trattaiat de unu logu antigu de tumba.

Secundu su chi pensant sos espertos, su logu est importante meda po s’istoria e s’iscentzia. In sa zura sunt bistadas agattadas tres tumbas mannas iscavadas in sa rocca, istrutturas mannas chi faghent pensare a tumbas de balore mannu po sas populatziones chi biviant in custa zura in s’antichidade. S’iscoperta est fintzas prus interessante pro sa presentzia de decorassiones fittadas supra sas barras’e muru de sas tumbas. Si trattat de signos e pintas fittados in sa rocca in sos seculos passados. Custa fittadas faghiant parte de su connottu de sos interros de sas populatziones antigas de sa Sardigna e a s’ispissu teniant unu signifficu simbolicu o religiosu.

Po sos istudiosos custos elementos sunt importantes meda pro itte podent azzuare a cumprendere menzus comente biviant sas comunidades de su tempus passadu e cale esserant sas credentzias insoro. Sas tumbas e sas decorassiones diant podere dare novas supra su connottu, sa cultura e sa vida de sas pessonas chi biviant in s’iscrocca tattaresa mizza e mizza de annos faghet.

Sos archeologos ant a sighire a istudiare sa zura e analizzare tottu su chi est bistadu acciappidu in su mentres de sos iscavos. Donzi particulare novu diat podere accreschere sas informatziones chi serbint pro fraigare s’istoria de su logu. Custa iscoperta mustrat un’attera borta cantu sa Sardigna siat ricca de testimonzas de su passadu. Fintzas in su mentres de tribaglios modernos, comente cussos ligados a sa produssione de energia, podet capitare de acciappare andalas de tziviltades antigas meda chi contant s’istoria longa de s’isula.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22