Dermatite nodulare impestosa: suspesu s’isterrinamentu de sos boinos in su Nugoresu.

Cun d’unu pregone de cautela, su presidente de su Tribbunale amministrativu at suspesu s’isterrinamentu de casi 130 boinos in chimbe pesadas de su Nugoresu- tres in Oroteddi, unu in Sarule e unu in Orane- interessados dae sas detzisiones de s’ASL po cumbattere s’epidemia de dermatite nodulare impestosa.

Sos meres de sas pesadas, assistidos dae sos abocados insoro, aiant presentadu bortadas seperadas contra sas mesuras sanitarias, evidentziande chi tottu sos atteros boinos, divressos dae cussos giai isderenados, funt bistados a sa lestra vatzinados. A casi battoro chidas dae sa prevensione, nissunu de sos boes presentes at bocadu a campu sinzales chi si potant reduire a sa dermatite nodulare impestosa o atteras maladias, comente decraradu in sas bortadas.

Sa detzisione de su Tribbunale amministrativu s’insertat in d’unu cuntestu delicadu: dae pagu tempus su presidente de su Cunsizzu de Istadu aiat suspesu s’isterrinamentu de 40 boinos in d’una pesada de Sarule fintzas a su tres de cabudanni, sa die in sa cale su collegiu aiat teppidu rispondere supra sa dimanda de suspensione e, si esseret su casu, supra sa chistione.

Su meritu de sa chistione at essere esaminadu in s’audientzia de su 24 de cabudanni, cando at essere baludada in manera funguda sa currettesa de sas proceduras de s’ASL e sa netzessidade de isterrinare sos boinos. Sa suspensione cautelare, in su mentres, garantit a sos pesadores sa possibilidade de tutelare su patrimoniu insoro e de guvernare sa situassione ispettande sa detzisione deffinitiva.

Sa muda ponet in lughe sas difficultades de sas emergentzias sanidarias in sa zootecnia, inube est netzessariu cunciliare sa tutela de sa salude pubbrica cun sa bardiada de su tribagliu e de sos abbuttinos de sos pesadores. Su casu evidentziat puru s’importantzia de sa vaccinatzione preventiva, chi in custu cuntestu at permittidu de controllare sa salude de sos animales e minimare sos arriscos po s’epidemia.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Iscoperta una necropoli in su Nord Sardignain su mentres de sos tribaglios po un’approntu solare.

Un’iscoperta archeologica importante meda est bistada fatta in su Nord Sardigna in su mentres de tribaglios ligados a sa produssione de energia pulida. In sa zura industriale de truncu Reale-Sant’Agostino, accanta a Tattari,sos iscavos de ammaniada pro fraigare un’approntu solare ant fattu bessire a pizu una necropoli chi fintzas a oe non fuit bistada mai iscoperta.

S’accattu est sutzessu in sa zura curada dae su Consorziu Industriale de Tattari. Sos iscavos sunt incumintzados in su mese de martu de su 2024, cando sunt bistados cunviados sos controllos de su terrinu prima de fraigare s’impiantu. In su mentres de custos controllos sos archeologos ant acciappidu istrutturas sutta de terra e, sighinde cun sos iscavos, ant cumpresu chi si trattaiat de unu logu antigu de tumba.

Secundu su chi pensant sos espertos, su logu est importante meda po s’istoria e s’iscentzia. In sa zura sunt bistadas agattadas tres tumbas mannas iscavadas in sa rocca, istrutturas mannas chi faghent pensare a tumbas de balore mannu po sas populatziones chi biviant in custa zura in s’antichidade. S’iscoperta est fintzas prus interessante pro sa presentzia de decorassiones fittadas supra sas barras’e muru de sas tumbas. Si trattat de signos e pintas fittados in sa rocca in sos seculos passados. Custa fittadas faghiant parte de su connottu de sos interros de sas populatziones antigas de sa Sardigna e a s’ispissu teniant unu signifficu simbolicu o religiosu.

Po sos istudiosos custos elementos sunt importantes meda pro itte podent azzuare a cumprendere menzus comente biviant sas comunidades de su tempus passadu e cale esserant sas credentzias insoro. Sas tumbas e sas decorassiones diant podere dare novas supra su connottu, sa cultura e sa vida de sas pessonas chi biviant in s’iscrocca tattaresa mizza e mizza de annos faghet.

Sos archeologos ant a sighire a istudiare sa zura e analizzare tottu su chi est bistadu acciappidu in su mentres de sos iscavos. Donzi particulare novu diat podere accreschere sas informatziones chi serbint pro fraigare s’istoria de su logu. Custa iscoperta mustrat un’attera borta cantu sa Sardigna siat ricca de testimonzas de su passadu. Fintzas in su mentres de tribaglios modernos, comente cussos ligados a sa produssione de energia, podet capitare de acciappare andalas de tziviltades antigas meda chi contant s’istoria longa de s’isula.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22