Un’importante e novu servitziu at arricchire, partinde dae su 2 de maju, sa Piastra Ambulatoriale de s’Ispidale Santu Frantzidcu de Nugoro.

Naschet,difattis su novu Ambulatoriu de Maladias Impestantes e Tropicales, dedicadu a s’esamene, cura e conduida de tottu sas maladias cajonadas dae infetziones,virus, tzeurras, thunnios e parassitos, chi si sunt leados po mesu de cundidura.

S’intentu de s’ambulatoriu novu est de apparare una risposta a bonu puntu,cumpetente e azzorronada non solu a sas infetziones pius comunes, ma puru a cussas chi si bient pius pagu o de issida tropicale, chi sunt creschinde meda po more de sa globalizzazione, de sos biazos internatzionales e de su cambiu de su tempus. Sa conduida de sas maladias impestantes dimandat cumpetentzias dislindas e azzorronamentu die po die, elementos supra sos cales su Santu Frantziscu at dezisu de imbestire poninde a disposta de sos malaidos unu servitziu de livellu artu, comente proffessionalidade chi de materiales tennologicos.

S’ambulatoriu novu at a podere contare supra unu “team” de duttores e infermieris ispecializzados meda, su mattessi chi oberat intro de su repartu de Maladias Impestantes, dae annos meda unu puntu de relata po s’iscrocca nugoresa e po tottu sa Sardigna tzentrale. Sos proffessioneris chi partetzipant sunt capatzes de accomettare cun cumpetentzia maladias de cumplessidade divressa, dae su trattamentu de sas infetziones dae tzeurras, a sas infestiones virales cronigas comente HIV e maladias de su figadu, fintzas a sas maladias parassitarias e de sos thunnios pius bolantigas.

Po accostiare s’esperientzia de su personale, ant essere disponibiles istrumentos de urtima ingendra, chi ant a permittere de connoschere in presse meda sas maladias, pro itte custu est essentziale po faghere carchi cosa in presse e cun balidia. Intre sos isrtumentos impittados bi sunt assentos de urtima ingendra po analisis microbiologicas, de su sambene e molegulares, de fundamentu po assebertare cun attentzione suvirus chi est  responsabbile de s’infetzione.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Pinnettos sardos, furriadorzos antigos chi contant sa vida de sos pastores.

Sos pinnettos, sunt intre sas testimonias prus beras de sa Sardigna de campagna e contant una manera de bivere ligada in manera funguda a sa pastoria e s’iscrocca. Ispartos mescamente in sas zuras de intro de s’isula, in manera particulare comente s’Ozzastra, beniant fraigados dae sos pastores comente furriadorzos in su mentres chi passaiant tempus meda in campagna imparis cun sos masones. S’istruttura insoro est simple ma zeniosa:tenent una forma tunda cun d’una base fatta cun pedras e una copertura fatta de rampos e frastamazas intritzadas, a s’ispissu de ghiniperu, impittande solu materiales naturales chi si agattaiant in cussu logu.

Intro, su logu est essentziale ma funtzionale, chi bastaiat pro si amparare dae su frittu,dae su bentu e s’abba,coghinare e costoire sos istrumentos de tribagliu,chena mai essere pensados comente domos abbarrantes ma comente puntos de accottu ligados a sa vida pastorale.

Custos fraigos naschent dae una connoschentzia funguda de s’ambiente e de sos medios suos, inube nudda capitat pro casu: su seperu de sos materiales,sa forma,s’orientamentu, tottu rispondet a esigentzias pratigas e a sa netzessidade de si adattare a cundissiones a s’ispissu diffitziles.Sos pinnettos sunt duncas non solu unu furriadorzu fisicu,ma fintzas unu esempru beru de ecchilibriu intre omine e natura, fraigados chena trastoccare sa bista ma intregandesi intre issa in manera perfetta.

Ancora oe sunt presentes in medas zuras de sa Sardigna, calicunu cusservadu bene, atteros sinzados dae su tempus, e sighint a contare un’istoria fatta de tribagliu, sacriffissiu e vida de donzi die attesu dae sas biddas.In sos urtimos annos est creschida s’attentzione a banda de sa tutela e balorizzassione insoro, cun interventos de recuberu e insertu in caminos naturalisticos e culturales, signu de unu rennoadu attuamentu de su balore insoro istoricu e de s’identidade.

Sos pinnettos non sunt solu fraigos de su passadu, ma conas de una cultura chi at ischidu resistire e si adattare in sos seculos.Costoire custa istrutturas cheret narrere de mantennere biva sa memoria de unu mundu chi at formadu s’identidade de sa Sardigna e chi fintzas oe podet indittare meda.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22