Una tzentrale idroelettrica supra sa diga de su Liscia: approadu su progettu: Intre chimbe annos  arrancu illimpiada dae s’abba.

Unu passu novu assa parte de s’isviluppu de s’energia de sa Sardigna: est bistadu approbadu su progettu po fraigare una minitzentrale idroelettrica supra sa diga de su Liscia, posta in su coro de sa Gaddura.

S’impiantu, chi at essere fraigadu intre chimbe annos, at isfruttare sa fortza de s’abba po produire currente rennoabile e chi tocchet pagu s’ambiente, in linia cun sos intentos regionales e natzionales de coladorzu ecologicu. Sa diga de su Liscia, chi giai oe est un’opera de fundamentu po dare s’abba a medas comunes de sa Gaddura, at essere duncas interprete de una funtzione detzisiva: divennere una funtana de arrancu illimpiada, capatze de sustentare domos, arvithias e istrutturas pubbricas, dande unu contribbudu po minimare sas ispainas e a sa lutta contra sa muda de su clima.

Su progettu, favoressidu impare intre entes locales, Regione Sardigna e operadores de su campu de s’arrancu, prenettat de faghere un’impiantu idroelettrico pitticcu, progettadu po essere postu in mesu de sa nadura in manera armuniosa. Ant essere impittadas tennologias modernas e
poderabiles, pensadas po garantire un’efficentzia de arrancu e un’effettu bassu meda supra s’ambiente fluviale.

S’abba, pustis de aere addescadu sa tzentrale, at a torrare in su logu naturale suo, chentza essere misturada o perdida. Custu faghet divennere s’idroelettricu una de sas fontes pius virtudosas in sa bista de sas annoabiles. Addia a sos benefitzios ambientales, su crompimentu de sa minitzentrale at a battire ruttas ecologicas e sotziales  importantes meda po s’iscrocca. In pius, su progettu diat podere favoressere occasiones novas po sas comunidades locales, comente su reduimentu de su pretziu de s’arrancu po sos entes pubbricos e s’attivatzione de caminos de educassione e tamurinatzione ligados a sos arrancos rennoabiles.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Ozzastra terra de istoria: sos printzipales sitos archeologicos de bisitare intre nuraghes,biddas antigas e monumentos de sa tzivilidade nuragica.

S’Ozzastra est una de sas zuras de sa Sardigna prus riccas de istoria antiga. In cust’iscrocca si agattant sitos archeologicos meda chi contant sa vida de sas populassiones chi istaiant in s’isula mizza e mizza de annos faghet.

Intre montes, campedas e campagnas si podent biere nuraghes, tumbas de tzigantes, tumbas antigas irfossadas in sa rocca e restos de biddas. Bisitare custos logos est commente faghere unu biazu in su passadu e connoschere menzus s’istoria de sa Sardigna e de sas tzivilidades chi ant bividu s’isula prima de s’arrivu de sos romanos.

Unu de sos sitos prus connoschidos est su Nuraghe Ruinas, chi si agattat in s’iscrocca de Arzana. Custu nuraghe est unu de sos prus artos de sa Sardigna e si agattat in d’una posissione crara dae sa cale si podent biere sos montes de su Gennargentu. In s’iscrocca de Triei si agattat sa Tumba de sos Tzigantes de Osono, unu de sos monumentos de interru prus importantes de s’Ozzastra. Un’atteru situ interessante meda si agattat in s’iscrocca de Bari Sardo, inube bi est su Nuraghe Sellersu. In s’iscrocca de Cardedu si agattat invetzes sa Necropoli de Monte Arista, una zura in sa cale sunt bistadas agattadas tumbas meda irfossadas in sa rocca.

Intre sos sitos prus importantes de s’Ozzastra bi est fintzas su cumplessu archeologicu de s’Ortali’e su Monti, in s’iscrocca de Tortolì. Si trattat de unu de sos sitos prus bisitados de sa zura e accansat monumentos divressos intre sos cales unu nuraghe mannu, una tumba de sos tzigantes e restos de biddas antigas. Importante meda est fintzas su situ archeologicu de s’Arcu ‘ e is Forros, in s’iscrocca de Villagrande Strisaili. Custu logu fuit una bidda nuragica manna chi in passadu teniat fintzas unu rolu religiosu e de negossiu. Sos archeologos ant agattadu restos de cresias, magasinos e buttegas po tribagliare sos metallos.

S’Ozzastra est duncas un terra ricca de testimonzas archeologicas chi permittint de iscoperrere s’istoria prus antiga de sa Sardigna. Sos nuraghes, sas tumbas e sas biddas antigas sunt unu patrimoniu pretziosu meda chi contat s’issida de s’isula. Bisitare custos logos cheret narrere connoschere menzus su tempus passadu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22