Sa vida longa sarda: su segretu de sa vida longa in s’isula de sos chentenarzos

Sa Sardigna est connoschida in tottu su mundu no solu po sas plajas suas chi che bogant s’alenu, sas bistas limpias e sa cultura de mizza e mizza annos, ma fintzas po unu fenomenu chi accisat iscentziados e istudiosos: s’istravanada vida longa de sos abitantes suos.

S’isula est difatis una de sas pagas “Blue Zones” de sa terra, una paraula imbentada po reconnoschere sas regiones in sas cales si registrat una cuncentratzione manna de pessones chi che passant sos 90/100 annos de edade, mantenninde a s’ispissu una calidade de sa vida bona meda.

Sa Sardigna est bistada sa prima “Blue Zone” mai connoschida, gratzias a sas chircas de su demograffu de su Belgio Michel Poulain e de su duttore italianu Gianni Pes in sos primos annos 2000.

Istudiande sos datos de sa populatzione, ant iscopertu chi sos sardos, in manera particulare cussos chi bistant in sas zuras de sos montes de sa Barbagia e de su tzentru- mesudie, bivent pius annos in cunfrotu a sa media globbale. Non
solu:s’isula bantat unu numeru istravanadu de chentenarzos in cunfrontu a tottu sa populatzione, cun d’unu appitzigu omines-feminas pius ecchilibradu cunfrontandelu a atteras zuras de su mundu, inube sa vida longa de sas feminas est semper de pius.

A faghere notissia no est solu sa cantidade de pessonas chi che passant sos 100 annos, ma fintzas sa calidade insoro de vida. Sos bedustos sardos a s’ispissu addurant attivos cun su fisigu e sa mente, dedicandesi a attividades comente sa laurantza, sa cura de sos animales, e fintzas a essere ammedosigos.

Cale est su segretu de sa vida longa in Sardigna? Sos istudiosos ant acciappidu motivos divressos, intre genetica, cosa de pappare e tribagliu donzi die, attividade fisiga e cultura de sos ligamenes de sa sotziedade.

Medas de sos chentenarzos sardos si agattant in sas comunidades de sos montes, inube sa vida est regulada dae su tempus lentu e su connott. Intre sas biddas pius connoschidas po sa vida longa, agattamos Biddamanna Strisaili, Arthana e Perdasdefogu. In custas comunidades, sos bedustos contant istorias de vida ligadas a sa terra, a su tribagliu e a sa famiglia, mustrande commente sa semplicidade siat a sa base de sa vida longa insoro.

Sa vida longa sarda sighit a attraire s’interessiu de sa comunidade iscientifica de tottu su mundu. Istudios de paritzos campos ponent impare istudiosos de genetica, istudiosos de sa cosa de pappare, demograffos e istudiosos de sa sotziedade po cumprendere commente apprigare sas letziones de sa bida longa sarda a atteras populatziones.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Masainas,disgarriga abbusiva e tribagliadores chena cuntrattu in d’una ditta de massajos: denuntziadu un’impresariu.

Una disgarriga abbusiva, tribagliadores chena cuntrattu e fura de currente. Est cantu ant iscopertu sos carabbineris in su mentres de compudos in d’una ditta de massajos de Masainas. S’operassione st bistada fatta cun s’accottu de paritzas setziones e s’azzudu de unu elicotteru de Elmas, chi at boladu supra sa zura in su
mentres de sos controllos. Controllos chi sunt bistados ordiminzados po abberguare su rispettu de sas lezez ambientales, de su tribagliu e de sa siguresa in sas dittas de s’iscrocca.

Sos controllos si sunt cuncentrados supra sos terrinos de una sotziedade de massajos de un’omine de 53 annos. In su mentres de sos controllos, sos carabbineris ant incumintzadu a controllare istrutturas, impiantos e attividades presentes in sa zura. In su mentres de sos atzertamentos est bessidu a pizu chi s’omine impittaiat sa retza elettrica chentz cuntrattu. Sa ditta fuit collegata a sa currente chena autorizzassione, impittandela chena la pagare. Pro custu motivu est partida fintzas s’accusa de furtu aggravadu de currente.

Sighinde cun sos controllos, sos carabbineris ant acciappidu fintzas unu motocoltivadore furadu, chi fuit de propriedade de un’atteru imprendidore de sa zura chi nde aiat denuntziadu su furtu. Est iscattada fintzas sa denuntzia po ricettassione. Sa zura de sa laurantza si presentaiat in cundissiones malas. Secundu canto ant cunfirmadu sos militares, una parte de sos terrinos fuit bistada revertida in d’una disgarriga manna chena autorisassione. Intro de sa zura sunt bistados acciappidos arreffudos ispetziales e cosas perigulosas po s’ambiente.

A s’omine sunt bistadas cuntestadas paritzas macchiscias: controllu illetzidu de arrefudos, disgarriga abbusiva, de aere brusiadu illetzitamente arrefudos, iscarrigos de fauda chena autorissassione e de aere fattu autodemolizione chena nde tennere s’autorissassione. In su mentres de sos controllos est bessidu a pizu fintzas un’atteru probblema, ligadu a sa defensa de sos tribagliadores. Intro de sos amparos de sa ditta sunt bistados acciappidos duos tribagliadores chena cuntrattu.

A s’accabbu de s’operassione tottu sa zura est bistada secuestrada po prevensione, imparis a sos materiales e mezzos acciappidos in su mentre de sos controllos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22