Sa muda chi biet interprete sa presidente de sa Regione Sardigna, Alessandra Todde, si arricchit de elementos novos.

Su pregone-imposta chi est bistada bogada a fora dae su colleggiu elettorale de sa Corte de Appellu de Casteddu, chi cunfirmat sa decadentzia de sa presidente po cosas chi non andant bene presumidas in sos contos de sas ispesas po sas eletziones, est giai arrivada supra sa mesa de su Cunsizzu regionale. Bell’e gai, su decretu paret chi siat fadadu a addurare in stand-by po unu tempus longu.

Essende chi su pregone si podet impunzare e duncas no est deffinitivu, sa Giunta po sas eletziones de su Cunsizzu tiat podere seperare de ispettare sa resessia de sos ricursos abbisados dae Todde e sos abocados suos. Una
borta presentados, custos ricursos ant a suspendere sos effettos de su pregone, dassande sa situassione politica e de sas istitussiones in d’una ispecie de duda.

Unu de sos afficcos pius incertos est cussu de su seperu de su Tribunale chi tenet sa cumpetentzia po esaminare su ricursu. Si tratta de unu casu chi no tenet prezedentes a livellu naztionale, chi pesat dudas supra sa cumpetentzia. Dae una banda, su tribunale ordinariu si occupat de sas chistiones de sas eletziones; dae s’atteru, su TAR tiat podere esser cumpetemte pro itte su pregone est fattu po una materia de meledu amministrativu.

In su mentres, s’organismu de su Cunsizzu tiat podere faghere partire devuccamentos. In mesu de sas possibilidades, bi est cussa de dimandare atteras azzuntas a su collegiu elettorale e a sas partes chi sunt abbortzadas, dimandare bisos legales, e istudiare cun attentzione meda s’importantzia de sas cosas isbagliadas chi sunt bistadas signaladas. Custu tribagliu chi est de faghere prima, tiat podere azzuare a deffinire menzus su chi tocat de faghere, ma arriscat de allonghiare sos tempos de su determinu.

Si su casu at essere trattadu comente una chistione amministradiva, su percursu at incluidire su TAR, Cunsizzu de Istadu e Cassazione; si at essere cussideradu materia elettorale, si at a andare dae su Tribbunale ordinariu fintzas a sa Corte de Cassazione.

Sa decadentzia de sa presidente Todde tiat aere effettos devastantes supra s’assettiu politicu de sa Regione. Sa dogada sua tiat cumportare s’illascamentu de tottu su Cunsizzu regionale, mandandeche a domo tottu sos 59 cussizzeris, siat de majoria chi de opposissione. Si diat trattare de un’iscena chi no est mai capitada.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Casteddu in difficultade: terza derrotta una fattu de s’attera e sa Cremonese si accurtziat.

Su Casteddu est bivinde unu mamentu complicadu meda.S’isquadra at perdidu po sa terza borta una fattu de s’attera e como sa classifica faghet un’attera borta frea. Sas atteras isquadras chi battagliant pro si salvare sunt recuberande puntos, e su vantazu de sos ruju e blau si est minimande semper de prus.

Su peus nuntzu est arrivadu dae Parma, inube sa Cremonese at binchidu.Cun custu risurtadu est arribada a solu tres puntos dae su Casteddu. Custu cheret narrere chi sa battalla po addurare in sa categoria est abberta de su tottu.

Sos numeros de sas urtimas partidas sunt negativos meda. In sas urtimas sette partidas, su Casteddu at leadu solu duos puntos. At perdidu chimbe bortas e pareggiadu duas. Est unu de sos peus risurtados intre sas isquadras chi chircant de si salvare. Eppuru, pagu tempus faghet, sa situsassione pariat divreassa meda: tres binchidas una fattu de s’attera aiant fattu isperare in d’unu finale de istajione prus tranchillu. Pustis de cussu mamentu positivu,peroe, s’isquadra si est frimmada. Fintzas sa sotziedade aiat leadu detzisiones pensande chi su peus esseret passadu, comente sa bendita de Luperto propriu a sa Cremonese, chi como est una cuncurrente diretta.

Sa classifica est ancora intzerta. Fintzas atteras isquadras si podent accostare o binchere su Casteddu. Sa Fiorentina diat podere andare a daenantis, mentres su Lecce podet tennere sos mattessi puntos. Tottu at a dipendere dae sos risurtados de sas partidas imbenientes prima de sa frimmada. Su mese de Aprile at essere importante meda. Su Casteddu at a deppere accomettare su Sassuolo in domo sua e pustis at a giogare in domo contra sa Cremonese. Sunt duas partidas de fundamentu pro cumprendere comente at andare a si accabbare s’istajone.

S’isquadra at a torrare a si allenare martis in Assemini, ma bi ant  essere medas ausentzias. Carchi giogadore est impignadu cun sa natzionale sua, comente Caprile e Palestra cun s’Italia. Fintzas Kilicsoy e Obert non bi ant a essere, gai comente Sulemana e fortzis Litetas, chi no est a su menzus. Unu nuntzu bonu arribat dae Borrelli, chi est recuberande e diat podere giogare dae s’incumintzu de sa prossima partida. Sa torrada sua est importante, pro itte su Casteddu at sinzadu pagu in sas urtimas partidas.

Como su Casteddu non podet prus isbagliare. Serbit una reatzione lestra pro evitare de finire in mesu de sos aggios. Sas partidas imbenientes ant a essere detzisivas pro si salvare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22