Sa Sardigna si preparat a faghere festa po su Caputa cun abbenimentos de zubilu mannu, ma su turismu po sas festas de accabbu de annu in s’isula si annoditat po una calidade logale forte meda. Sas vacantzias de accurtzesa, una manera chi est affortigada, e sos pretzios artos de sos aereos frenant s’arrivu de sos turistas dae su continente, mentres sos aeroportos si prenant de sardos chi torrant po sas festas.

Sas prattas de su Norti Sardigna ant essere interpretes de su Caputa cun d’una serie de cuncertos chi ant a biere sa mustrada de artistas internatzionales.

In s’Alighera s’ ispettat su pubbricu po sos Negramaro, in Tattari po Gianna Nannini, In Casteddu Sardu po Elodie e in Terranoa po sos Pinguini Tattici Nucleari. Custa porretta musicale tenet unu zubilu forte meda, mescamente po sos zovanos, chi si movent dae sas provincias de su Sud Sardigna e dae s’oristanesu po assistire a sos abbenimentos.

Intamene, sa regula “unu notte e via” dominat: pustis de su cuncertu,medas ant a torrare a domo,mancari pustis de aere bustadu in agriturismu o pustis de si essere firmados in hotel o b&b. Sa frimmada est diffitzile chi che passet duas o tres dies.

Sas posadas de su Norti registrant prenotassiones bonas, cun su 20% de sos postos chi sunt dispostos. Mancari su turismu logale, sos aeroportos registrant unu creschimentu de su trafficu. Fintzas a su 7 de bennarzu, s’aeroportu de Casteddu prenettat 230.000 passizeris chi arrivant e partint, mentres sos aeroportos de su Norti Sardigna(Terranoa e s’Alighera) tantant 122.500 passizeris e unu creschimentu de su 15% in cunfrontu a sas festas de s’annu passadu. S’Alighera, in manera particulare, at accollire 50.500 passizeris.

Bell’e chi, po sos operadores de su campu custos numeros no siant unu “boom” turisticu: sa parte pius manna de sos passizeris sunt sardos chi torrant in s’Isula po passare sas vacantzias cun sas famiglias insoro. Sa mancantzia de arrivos dae su continente est ligada mescamente a su pretziu artu de sos billettes de sos aereos. Custu problema, impare a unu inclinu generale a su risparmiu, allindat sa possibilidades de attirare visitadores dae fora.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Tzinema sardu, arribat su film”Bandidos e Balentes de Fabio Manuel Mulas

Si sunt faghinde sas represas de su film “Bandidos e Balentes”, su disignu tzinematografficu novu de su regista sardu Fabio Manuel Mulas, chi at a bessire intre pagu tempus. Su film contat un’istoria ambientada in sa Sardigna de su passadu e s’ispirat a sos contos e mudas ligadas a su fenomenu de sos bandidos in s’isula.

Mulas est unu regista e autore sardu chi dae annos tribagliat in su mundu de su tzinema indipendente. In sos tribaglios suos dat attentzione particulare a s’istoria, a sa cultura e su connottu de sa Sardigna. Sa tiza battit supra s’ischermu unu mundu fattu de connottu, gherras e vida in sas zuras internas de sa Sardigna.

Sas mudas sunt ambientadas in sos annos Chimbanta e mustrant comente sa vida de sas pessonas esseret signada dae vindittas e cunfrontos diffitziles intre familias e bandidos. A su tzentru de s’istoria bi sunt pessonas divressas sas vidas de sas cales cambiant propriu pro more de custu clima de tesone e violentzia.

Su film cheret contare non solu su bandizadu ma fintzas sa cultura e sas bistas de s’isula. Sos montes de intro, sas biddas e sas campagnas de sa Sardigna faghent de irfundu a sas mudas de sos attores e mustrant una terra antiga e forte, ligada in manera funguda a su connottu suo.

In su “cast” medas piccioccos sardos, calicunu a sa prima esperientzia, ma fintzas s’attora sarda Caterina Murino, nodida a livellu internatzionale pro sos rolos suos in su tzinema e sa televisione. Sa partetzipassione sua est unu balore in prus po su disignu e at a dare unu contribbudu e faghere biere de prus su film. Sar represas sunt appassionande paritzos logos de s’isula e sunt attirande s’attentzione de appassionados de tzinema e curiosos.

S’intentu de su regista est de contare una pagina de s’istoria sarda pro mesu de unu limbazu tzinematografficu capatze de aunire assione, dramma e connottu. Cun s’essida chi si prevedit in sos meses imbenientes,”Bandidos e balentes” puntat a che leare supra de s’ischermu mannu un’istoria ligada a sa Sardigna in manera funguda, balorizzande s’iscrocca e sas raighinas culturales suas. Su film est fintzas un’occasione pro faghere connoschere a su pubbricu una parte importante de sa memoria istorica de s’isula pro mesu de su tzinema.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22