Papa Frantziscu at nomenadu don Mario Farci, 57 annos, chi est Preside de sa Pontificia Facultade Teologica de sa Sardigna, Piscamu novu de Iglesias. Su nuntzu, retzidu cun interessiu mannu dae sa comunidade sarda e da sos prideros de s’iscrocca est bistada accrarada custu manzanu po mesu de una littera de sa Nuntziatura Apostolica de sa Santa Sede.

Sa littera est bistada leggida in pubbricu po mesu de una cunferentzia istampa dae Mons. Giuseppe Baturi, archipiscamu de Casteddu e segretariu generale de sa Cunferentzia Episcopale Italiana. Don Mario Farci, chi si est mustradu inconadu po sa nomina, at espressadu in presse meda s’ingraenzu suo e sa disponibilidade a serbire sa Cresia in custu rolu novu. In su primu nuntzu pubbricu suo, at cherfidu dedicare unu pensamentu a sos trabagliadores de sa Portovesme, chi sunt bivinde una crisi diffitzile de s’industria, e a sas familias de sos duos zovanos chi dae pagu sunu mortos in d’unu incidente cun sa moto.

Custos attos de vicinantzia evidentziant su sensu pastorale fungudu chi cualifficat su ministeru suo. Sa Diocesi de Iglesias, chi como est ghiada dae su Cardinale Arrigo Miglio, at a biere don Mario Farci leare s’incarrigu novu non prima de su mese de frearzu. In custu tempus, sa comunidade cresiente si est preparande a custu momentu cun pregadorias e isperantzia.

In su mentres de sa cunferentzia istampa, Monsignro Giuseppe Baturi at evidentziadu s’importantzia de custu cambiu po sa Cresia de Iglesias e po cussa de Casteddu. Pustis at dadu a don Mario Farci sos augurios suos, evidentziande su balore de su servitziu suo comente Preside de sa Facoltade Teologica e sa funguda dedissione pastorale sua.

Fintzas monsignor Antonello Mura, presidente de sa Cunferentzia Episcopale Sarda e piscamu de Nugoro, si est allegradu cun su piscamu novu, riconnoschinde sas capatzidades suas accademicas e pastorales. Don Mario Farci, naschidu e creschidu in Sardigna, at fattu unu percursu chi ponet impare una formatzione teologica forte meda cun d’unu impignu pastorale cadriu.

Pustis de sos istudios in sa Pontificia Universidade Gregoriana e s’incarrigu po s’insinzamentu, est diventadu una figura de fentomu in sa formatzione de prideros e in sos faeddos accademicos supra sa teologia de custu tempus. Sa comunidade sarda at accollidu su nuntzu de sa nomina cun galabera.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Casteddu in difficultade: terza derrotta una fattu de s’attera e sa Cremonese si accurtziat.

Su Casteddu est bivinde unu mamentu complicadu meda.S’isquadra at perdidu po sa terza borta una fattu de s’attera e como sa classifica faghet un’attera borta frea. Sas atteras isquadras chi battagliant pro si salvare sunt recuberande puntos, e su vantazu de sos ruju e blau si est minimande semper de prus.

Su peus nuntzu est arrivadu dae Parma, inube sa Cremonese at binchidu.Cun custu risurtadu est arribada a solu tres puntos dae su Casteddu. Custu cheret narrere chi sa battalla po addurare in sa categoria est abberta de su tottu.

Sos numeros de sas urtimas partidas sunt negativos meda. In sas urtimas sette partidas, su Casteddu at leadu solu duos puntos. At perdidu chimbe bortas e pareggiadu duas. Est unu de sos peus risurtados intre sas isquadras chi chircant de si salvare. Eppuru, pagu tempus faghet, sa situsassione pariat divreassa meda: tres binchidas una fattu de s’attera aiant fattu isperare in d’unu finale de istajione prus tranchillu. Pustis de cussu mamentu positivu,peroe, s’isquadra si est frimmada. Fintzas sa sotziedade aiat leadu detzisiones pensande chi su peus esseret passadu, comente sa bendita de Luperto propriu a sa Cremonese, chi como est una cuncurrente diretta.

Sa classifica est ancora intzerta. Fintzas atteras isquadras si podent accostare o binchere su Casteddu. Sa Fiorentina diat podere andare a daenantis, mentres su Lecce podet tennere sos mattessi puntos. Tottu at a dipendere dae sos risurtados de sas partidas imbenientes prima de sa frimmada. Su mese de Aprile at essere importante meda. Su Casteddu at a deppere accomettare su Sassuolo in domo sua e pustis at a giogare in domo contra sa Cremonese. Sunt duas partidas de fundamentu pro cumprendere comente at andare a si accabbare s’istajone.

S’isquadra at a torrare a si allenare martis in Assemini, ma bi ant  essere medas ausentzias. Carchi giogadore est impignadu cun sa natzionale sua, comente Caprile e Palestra cun s’Italia. Fintzas Kilicsoy e Obert non bi ant a essere, gai comente Sulemana e fortzis Litetas, chi no est a su menzus. Unu nuntzu bonu arribat dae Borrelli, chi est recuberande e diat podere giogare dae s’incumintzu de sa prossima partida. Sa torrada sua est importante, pro itte su Casteddu at sinzadu pagu in sas urtimas partidas.

Como su Casteddu non podet prus isbagliare. Serbit una reatzione lestra pro evitare de finire in mesu de sos aggios. Sas partidas imbenientes ant a essere detzisivas pro si salvare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22