Sa Festa de Santu Sarbadore de Cabras, chi est diventada famada gratzias a sa Cursa de sos Iscurtzos, est a dies de oe unu de sos accdessimentos culturales e de s’identidade pius importantes de sa Sardigna. Donz’annu, custu ritu antigu e carrigu de religiosidade, attirat miza fideles e bisitadores, chi si cherent affundare in d’unu connottu chi affundat sas raighinas suas in seculos de istoria.

S’amministrassione comunale de Cabras, cun s’azzudu de s’obreria chi ordiminzat, e medas assotziatziones de su logu commente “Is Curridoris” e “Santu Srabadoreddu”, at tribagliadu meda in sos urtimos annos po cambiare custa festa in d’unu accadessimentu de cundivisione, chi esseret capatze de interessare non solu sa comunidade locale,ma fintzas unu pubbricu pius mannu.

Sa cursa, chi si faghet in sa carrela de terra chi che leat a sa cresia de Santu Sarbadore, biet sa partetzipassione de casi milli curridores iscurtzos, tottu de Cabras, chi si bestint cun d’unu asju biancu e faghent casi sette kilometros in d’unu tempus de vida de devossione profunda e religiosidade.

Cust’annu, s’amministrassione at fattu una campagna de connoschentzia, non solu po su pubbricu natzionale, ma puru po su mercadu frantzesu, chi est unu de sos prntzipales po tottu su Sinis. Po balorizzare de pius sa Festa, est bistadu incumintzadu unu disignu de documentatzione video chi at a bogare a campu sas cosas pius ispantosas de sa cursa, dae sos ammanizos a sos ritos, fintzas a sas emossiones de sos curridores. Custu materiale at essere trasmittidu supra de sas printzipales televisiones sardas e dadu a sas iscolas, po isparghere sa connoschentzia de custu connottu fintzas a sas ingendras novas.

In pius de sas festas religiosas, chi ant a finire cun sa Cursa de sos Iscurtzos su 31 de Austu e su 1° de Cabudanni, sa festa prenettat unu calendariu riccu de abbenimentos tziviles, cun cuntzertos, fieras e ispettaculos de teatru chi ant alentare Cabras po deghe dies. In mesu de sos addobios pius isettados, su cuncertu de sos Tazenda, sa fiera de sa frisciura de paranza , e sa Fiera de su zevaru, chi ant a offerrere a sos bisitadores s’occasione de assazzare sos sapores beros de su connottu de sa Sardigna.

Attività realizzata col contributo della Regione Sardegna — IMPRENTASv2023-2024. LR 22/2018, art. 22

Brevettes,Italia intre sas primas deghe in Europa: sinzales positivos mancari sa minimada.

Fintzas si si registrat una minimada pitticca in su numeru de sos brevettes, s’Italia resessit su mattessi a bintrare intre sos primos 10 Paisos in Europa. In su 2025,dittas e imbentores italianos ant presentadu 4.767 dimandas de brevettes, unu datu chi est minimadu de pagu cunfrontadu a s’annu passadu. Mancari custa minimada,peroe,s’Italia resessit a mezzorare sa posissione sua in sa classifica,arrivande a su postu 10 in su mundu e cunfirmandesi intre sos Paisos europeos prus attivos in custu campu.

Su campu chi si mustrat prus forte est cussu de sas carraduras e de sas macchinas, chi sighit a creschere mancari in su mentres atteros campos abbraccant.Appena pustis si agattant sas tennologias ligadas a sa movida de sas mertzes,comente sistemas de carradura e imballazu,sighidas dae macchina ispetziales e inzenneria tzivile. Unu cinnu positivu arribat fintzas dae sa creschida de su brevette unicu europeu, una cosa chi permittit de diffendere un’imbentu in prus Paisos cun d’una dimanda sola. Custa cosa faghet divennere simples sas protzeduras e minimat sos pretzios,facilitande pro sas ditta pitticcas e medias, ma fintzas pro sas universidades e tzentros de chirca, de tutelare sas ideas insoro e las ponnere in su mercadu.

Propriu in su campu de sa chirca pubbrica si annodittat su Cunsizzu Natzionale de sas Chircas, chi si cunfirmat intre sos interpretes printzipales in Italia e tenet unu bonu risurtadu fintzas a livellu europeu. Custu mustrat s’importantzia de sa chirca pubbrica po agguantare s’isviluppu e creare opportunidades novas. Mancari sos signales chi dant corazzu, addurant peroe difficultades. Sa minimada, mancari pitticca, in su numero de sos brevettes mustrat chi bi est ancora bisonzu de accomettare de prus sas dittas e sos imbentores, mescamente in d’unu campu internatzionale semper prus in cumpetissione. In prus,est de fundamentu minimare sas differentzia in sas zuras de s’Italia.

In tottu custu, s’Italia mustrat de tennere ancora capatzidades bonas in su campu de modernizzassione,resessinde a mantennere unu postu importante in Europa. Intamen, po mezzorare de prus at essere netzessariu imbestire de prus in sa chirca, accomettare sas dittas e azzuare sos zovanos a revertire sas ideas insoro in disignos chi si pottant faghere.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22