Una cropa de Novara, chi est in bagadiu in Sardigna, est bistada sa prima a bisitare sa Mustra artistica de sos maistros de sa Sardigna, chi at abbertu po s’edissione 63 sappadu 26 de triulas a sas deghe de manzanu. Sa Mustra, accasazada in sos 2.500 metros quadros de platta Martiri della Libertà, si at a podere bisitare fintzas a su 22 de capidanni, donzi die dae sas deghe a sas 21.

Sos bisitadores, cust’annu puru, ant essere accasazados dae sos piccioccos e piccioccas de su Parte Montis, istudiantes in s’Universidade, chi si ant a occupare de sa bendida de sos billettes, de su servitziu de notissias e de sa bendida de oggettos. Sa tzerimonia de abbertura e segada de sa vitta si sunt fattas eris, chenapura 25, cun sa partetzipassione de duas marrinas, Carla Medau, ex sindiga commo in su Gabinetto der s’assessoradu regionale a su Turismu e Sabrina Licheri, ex sindiga e commo parlamentare de sos 5 isteddas, addìa a su pardinu Moreno Atzei, sindigu de Pompu e presidente de s’Unione de sos Comunes de Parte Montis. Fint presentes a s’abbenimentu autoridades politicas,tziviles,religiosas e militares de s’iscrocca.

Su sindigu Donato Cau at declaradu chi “ sos bisitadores ant a biere una Mustra annoada, armuniosa e chi, mancari mantenzat su connottu, no che mandat in su tempus benidore inue, ghiniperu e ulia, gratzias a sa partiatzesa de sos mogoresos, riessint a derrottare sos zigantes de attariu”. S’assessore a sas Fatturias produttivas, Frantziscu Serrenti, at evidentziadu su rolu de su Comune de Mogoro, chi a incumintzare dae su mese de capidanni de s’annu passadu at fattu incumintzare sas proceduras e sos protocollos po alcansare s’IGP(Indicazione Geografica Protetta) fintzas po sos prodottos de sos maistros. “Est un’occasione chi si aspettaiat dae tempus meda dae sos maistros,” at nadu s’Assessore, “chi dimandat unu tribagliu de tottus de sos assotzios, Regione e singulos operadores. Nois semus prontos, e gratzias a s’azzudu de Sardigna Chertas, sunt giai partidos sos primos cuntattos”.

Cust’annu, sa Mustra accasazzat 106 artistas maistros chi arribant dae 13 divressas setziones, incluidinde cussos de s’agrualimentare, chi ant a esponnere sas operas insoro in Mogoro po casi duos meses. In mesu de issos bis unt paritzas cunfirmas e puru calicunu chi intzidit po sa prima borta, tottus unidos in sa tzelebrazione e balorizzatzione de sos tribaglios de sos maistros sardos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Ulassai si preparat a sa Biennale de arte de custos tempos.

Ulassai si preparat a accasazare un’edissione nova de sa Biennale de arte de custos tempos, un’addobiu culturale chi in sos urtimos annos est assuminde unu rolu semper prus importante in sa bista artistica de sa Sardigna. S’abbenimentu at a partire su 21 de martu, revertinde pro paritzos meses sa bidda ozzastrina in d’unu logu de addobiu pro artistas, istudiosos, appassionados e bisitadores chi arribant dae donzi parte de s’isula e non solu.

Mustras, istallatziones, addobios e mamentos de cunfrontu ant a animare sos logos de sa bidda, apparande a su pubbricu s’occasione de si accostare a s’arte de custos tempos e de iscoperrere limbazos creativos novos. Sa Biennale est dedicada a sa frigura de Maria Lai, una de sas prus importantes artistas italianas de su Noighentos e ligada in manera funguda a sa terra sua de issida. Ulassai est difattis sa bidda in sa cale s’artista est naschida e inube at dassadu unu signu forte meda pro mesu de paritzas operas chi negossiant cun sa bista e sa comunidade.

S’edissione de su 2026 de sa Biennale at a tennere comente tema sa lettura de un’opera de arte. S’intentu est cussu de cumbidare su pubbricu a abbaidare sas operas cun meda prus attentzione, chircande de cumprendere sos signifficos e sos nuntzos. Sa derettura artistica de s’abbenimentu est intregada a Gianni Murtas,
cun sos curadores istranzos Giannella Demuro, Ivo Serafino Fenu e Francesca  Sassu. Su tribagliu insoro at giuttu a sa creatzione de unu programma chi ponet impare artistas e operas capatzes de faeddare cun s’iscrocca, cun s’istoria de sa bidda e su pensamentu artisticu de Maria Lai.

A sa Biennale ant a partetzipare prus de vinti artistas chi arribant dae tottue, donzunu cun su propriu limbazu e sa propria chirca. Sas operas ant essere ispartas in paritzos logos de sa bidda, non solu in logos museales ma fintzas in atteros logos culturales e in carchi zura in fora.Custu at a permittere a sos bisitadores de iscoperrere Ulassai: sa Biennale est fintzas un’occasione importante po balorizzare s’iscrocca de s’Ozzastra e favoressere su turismu culturale.

Manifestassiones comente sa Biennale mustrant comente sas biddizolas potant divennere logos de interessu culturale mannu cando resessint a balorizzare s’identidade e su patrimoniu propriu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22