Catherine Hardwicke, regista famada, connoschida po “Twilight” e “Thirteen”, at dae pagu bisitadu sa Sardigna po baludare si s’isula potat essere unu logu modellu po su prossimu disignu tzinematograficu internatzionale suo.

Su film, chi po su momentu si intitolat “Newton, Knuckles, and The Wizard of Menlo Park”, contat sas abbenturas de chimbe amigos chi, in s’istiu de su 1968, fundant su club “The Diggers Archaeology Agency” po chircare unu iscusorgiu cuadu dae unu capotatzu de sas ferrovias chi est mortu. In su mentres de sa bisita sua, Hardwicke at nodadu commente sa Sardigna apparet paritzas bista unicas, capatzes de creare cale si siat ambiente de su mundu, indittande chi s’isula tiat podere essere unu seperu perfettu po faghere sas represas.

In prus, sa presentzia de istudios tzinematograficos chi permittint de fraigare set a s’isserru mannos meda, tiat podere faghere in manera chi sa Sardigna diventet meda prus attirante po sas produssiones internatzionales.

Susanna Tornesello, direttora de sa Sardigna Film Commission, at declaradu chi su truma de Hardwicke at bisitadu sas zuras de Carbonia e Mandas, esaminande paritzas minieras chi si siant podere adattare po sa medade de su film suo. Custas minieras sardas, in sas cales si podet bintrare a dies de oe e chi sunt cunservadas bene meda, benint cunsideradas pretziosas meda in cunfruntu a sas minieras de sa Pennsylvania, chi sunt giai serradas o chi non si usant prus.

Sa truma de Hardwicke cumprendiat puru sos responsabbiles Alessandro e Francesco Tedde, su primu assistente a sa regia de Jamie Marshall e s’autore Thomas Koveleskie. Su disignu est contivizadu dae Antropotopia cun s’azzudu de sa Sotziedade Umanitaria de Carbonia e de sa Fundatzione Sardegna Film Commission. Paolo Serra, direttore regionale de sos CSC de sa Sotziedade umanitaria, at evidentziadu chi unu de sos intentos de su disignu Fraigu de su Tzinema est de attirare produssiones tzinematograficas importantes meda chi potant balorizare s’iscrocca e battire beneffissios a s’accolomia e sa cultura de sa regione.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Unu abbenimentu importante in Tàtari subra de s’intelligèntzia artifitziale a su servìtziu de su turismu e de sa cultura

Comente podet s’intelligèntzia artifitziale rivolutzionare su turismu e sa balorizatzione de sos benes culturales? Si nd’at a faeddare chenabura 14 de santandria in Tàtari in s’Innovators Day, una die dedicada a s’innovatzione digitale in sos campos turìsticos e culturales.

S’abbenimentu est promòvidu dae e.INS Spoke 2 – Ecosistema de s’Innovatzione de su Nord Sardigna, initziativa de s’Universidade de Tàtari nàschida pro acumpanzare impresas e istitutziones in sa transitzione digitale de s’iscrocca, in collaboratzione cun una retza de partner pùblicos e privados.

Unu addobiu chi si est fatu netzessàriu ca su raportu intre cultura e intelligèntzia artifitziale intre sos incarrigados a su campu est fàghinde nàschere semper prus dimandas. S’addobiu si at a tènnere in sa sala cunvègnos de Promocamera, in Predda Niedda, e at a propònnere addobios, laboratorios e momentos de cunfrontu dedicados a comunicatzione, marketing, innovatzione e intelligèntzia artifitziale.

Ant a pigare parte chimbe espertos chi ant a battire esperièntzias cuncretas e bisiones pro su benidore: Maurizio Orgiana, espertu de impreu de sas destinatziones turìsticas; Nausica Montemurro, analista de sas tendèntzias e cunsulente de comunicatzione e innovatzione; Alessandro Argiolas, ispetzialista de innovatzione aziendale e aplicatziones de s’intelligèntzia artifitziale; Jessica Cani, esperta de comunicatzione e promotzione enogastronòmica e territòriale; e Gianluigi Tiddia, cunsulente de comunicatzione digitale e promozione turìstica.

S’initziativa est po tribagliadores de su turismu e de sa cultura, impresas, assòtzios, entes pùblicos, istudiantes e professonistas de su campu, apparande un’ occasione cuncreta pro pònnere in retza ideas, persones e progetos e fraigare collaboratziones novas intre su mundu acadèmicu, imprenditoriale e territòriale, cun s’intentu de fàghere sa Sardigna prus innovativa, sostenìbile e capatze de balorizare su patrimòniu culturale e naturale suo gràtzias a sas opportunidades apparadas dae sas tecnologias novas.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”