Po rispondere a sas cunditziones de su tempus de oe chi sunt diventadas urtimas, est bistadu leadu unu provvedimentu importante meda chi ponet atzippas a tempus po su tribagliu sutta de su sole in Sardigna. Incumintzande dae oe, est bistada cunfirmada una proibissione chi balet po tottu sas attividades de tribagliu chi si faghent in sos arvos e in sos cantieris de sos fraigos, cun s’intentu de diffendere sos tribagliadores dae sas cunsenguentzias dannosas de su bistare sutta de su sole. Custa proibissione at essere dae sas 12.30 a sas 16.00 de donzi die e at a balere in tottu sa Sardigna.

Sa detzisione est bistada cunfirmada po mesu de unu pregone chi est bistadu dae pagu frimmadu dae sa Presidnte Todde. Custa mesura est po tottu sas attividades chi abbisonzant de un’esposissione po meda tempus sutta de su sole e un’attividade fisiga cadria.

In particulare, sa proibissione est po sos tribagliadores de sa laurantza e de sos frores, e puru sos de sos cantieris de sos fraigos. Custos tribaglios, si faghent casi semper a s’abbertu, medas bortas cando bi est cardu meda e no bi est sa possibilidade de si conziminare, accreschinde meda s’arriscu de soleada e atteros problemas presos a su aumentu de su cardu.

Po garantire sa balidia de custa mesura, est bistadu pedidu cussizzu a su situ “worklimate.it” chi frunit una cartina pretzisa de s’arriscu. Secundu custa cartina, sos dies de su 19,20 e 21 de triulas sunt disinzados dae un’arriscu “artu” chi bi est in tottu s’isula. Custu cheret narrere chi sas cunditziones urtimas sunt diffundidas in tottue, arrendinde apprettosu meda e netzessariu su rispettu de sa proibissione.

Sa proibissione tenet effettu dae su primu momentu, po prevennere emergentzias in sa sanidade e affianzare sa sicuresa de sos tribagliadores in custu tempus de calore mannu. Su balore arribat fintzas a su 31 de su mese de austu, sa die fintzas a sa cale si prevedid de controllare sas cundissiones de s’ambiente e baludare si bi at essere bisonzu de atteras mesuras de protessione.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sas Salinas de Casteddu intre istoria, connottu in s’iscrocca de Santa Gilla.

Sas Salinas de Casteddu sunt unu de sos logos prus tipicos de su sud de sa Sardigna e si agattant in sa zura de s’istagnu de Santa Gilla, a pagos passos dae sa tzittade. Cust’iscrocca aunit in manera unica su tribagliu de s’omine e sa ricchesa de sa natura, creande una bista particulare, fatta de bartzas de abba, colores e mudores. S’istoria insoro est antiga meda e arribat dae su tempus de sos romanos, cando su sale fuit produidu irfruttande su sole e su bentu. Cun su colare de su tempus s’attividade est creschida e si est ordiminzada semper menzus, divenninde una fortza de fundamentu po s’accolomia locale.

Pro annos meda su sale produitu in Casteddu est bistadu bendidu fintzas in atteras iscroccas, dande unu contribbudu a s’isviluppu de sa zura. S’assentu de sa produssione est simple ma balidu. S’abba de su mare benit fatta bintrare in sas bartzas e dassada ispaporare gratzias a su cardu e su bentu. Cando s’abba si ritirat, su sale addurat in su fundu e benit regortu. Est unu protzessu naturale chi ancora oe sighit ritimos ligados a sas istajones e sas cundissiones de su clima.

Addia de s’aera produttiva, sas salinas sunt fintzas unu logu naturale de balore mannu. S’istagnu de Santa Gilla est difattis una zura importante meda pro sos animales, mescamente sos puzzones. Intre sos prus connoschidos bi sunt sa zente rubia, chi in sos annos sunt divennidos una cona de s’iscrocca. Imparis cun issos bivent medas atteras zenias chi acciappant in custas abbas unu logu ideale pro pappare e si pasare.

In sos urtimos annos sunt divennidas unu puntu de arribu semper prus apprezziada dae chie bisitat Casteddu. Semper prus pessonas si accostant a custu logu pro iscoperrere comente si produet su sale e pro iscrudignare sa natura dae accurtzu. Sos colores de sas bartzas e sa bista abberta faghent divennere sa zura ammaghiante meda, mescamente in sas oras de s’intrichinu.

Sas salinas sunt oe un’ecchilibriu intre passadu e presente. Dae una parte sighint a contare unu connottu antigu ligadu a su tribagliu e sa produssione de su sale, dae s’attera sunt un’ambiente naturale de diffendere e balorizzare. Sas salinas de Casteddu sunt meda prus de unu logu produttivu. Sunt una parte importante de s’istoria e identidade de s’iscrocca, unu esempru de comente s’omine e sa natura potant bivere impare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22