In Cuglieri est bistadu congruidu un’approntu nou de arbures de ulia, unu signu de sa torrada a vida e de s’isperantzia pustis chi sos fogos de su 2021 aiant devastadu e consumadu pius de 12.000 ettaros de buscos, paberiles e contipizos in su Montiferru.

Custa cumarca, connoschida po sa naturale bellesa sua e sa ricchesa de sos cultivos suos, est bistada signada in manera funduda dae su fogu, ma gratzias a un’isfortzu de tottus, est abbell’abbellu torrande a sa gloria antiga sua.
Sa torrada a bida de sos arbures est bistada possibile gratzias a sas donassiones de importu, retzidas dae s’Assotziu Montiferru. Custos contribbudos ant permittidu de faghere partire unu disignu ambitziosu e vivu meda po s’iscrocca, signada dae unu disastru chi at proadu meda s’ambiente e s’accolomia locale.

Gratzias a s’inscansabbile impignu de sos chi ant tribagliadu chentza paga peruna de s’Assotziu Montiferru, chimbe modolos, donzunu cun 285/300 arbules de ulia ant a produire intro de sa fine de s’annu. Custos olivarios novos ant a tennere sas variedades tipicas de sa cumarca commente Bosana,Semidana e Niedda de Villacidro, prantas chi non solu sunt unu patrimoniu de sa laurantza, ma puru culturale po sa comunidade locale.

Sa torrada a bida de sos olivarios no est solu unu recuberu de sa laurantza, ma fintzas unu passu fundamentale po faghere torrare a naschere sa bista e s’ecosistema locale, chi funt bistados abbuttinados dae sos fogos. Donzi arbure nou de ulia chi est bistadu prantadu serbit po torrare a s’iscrocca sa biodiversidade sua, apporrinde accostu e medios
po sos animales de cussu logu, minimande s’arriscu de frazadura de su terrinu. Custu isfortzu de tottus est una testimonia de sa fortza e sa partezipatzione e de s’amparu de sos omines daenanti a sos dannos de sa natura.

In pius, su disignu tenet puru un’effettu sotziale mannu meda. Sas attividades de faghere torrare a bida faghent partetzipare non solu espertos de sa laurantza e zente comuna, ma puru sas iscolas de su logu e sos tzittadinos, creande unu sentidu de comunidade e appartenentzia. Pitzinnos e piccioccos partetzipant a prantare sos arbures, imparande s’importantzia de preservare sa natura e de tribagliare tottu imparis.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Casteddu in difficultade: terza derrotta una fattu de s’attera e sa Cremonese si accurtziat.

Su Casteddu est bivinde unu mamentu complicadu meda.S’isquadra at perdidu po sa terza borta una fattu de s’attera e como sa classifica faghet un’attera borta frea. Sas atteras isquadras chi battagliant pro si salvare sunt recuberande puntos, e su vantazu de sos ruju e blau si est minimande semper de prus.

Su peus nuntzu est arrivadu dae Parma, inube sa Cremonese at binchidu.Cun custu risurtadu est arribada a solu tres puntos dae su Casteddu. Custu cheret narrere chi sa battalla po addurare in sa categoria est abberta de su tottu.

Sos numeros de sas urtimas partidas sunt negativos meda. In sas urtimas sette partidas, su Casteddu at leadu solu duos puntos. At perdidu chimbe bortas e pareggiadu duas. Est unu de sos peus risurtados intre sas isquadras chi chircant de si salvare. Eppuru, pagu tempus faghet, sa situsassione pariat divreassa meda: tres binchidas una fattu de s’attera aiant fattu isperare in d’unu finale de istajione prus tranchillu. Pustis de cussu mamentu positivu,peroe, s’isquadra si est frimmada. Fintzas sa sotziedade aiat leadu detzisiones pensande chi su peus esseret passadu, comente sa bendita de Luperto propriu a sa Cremonese, chi como est una cuncurrente diretta.

Sa classifica est ancora intzerta. Fintzas atteras isquadras si podent accostare o binchere su Casteddu. Sa Fiorentina diat podere andare a daenantis, mentres su Lecce podet tennere sos mattessi puntos. Tottu at a dipendere dae sos risurtados de sas partidas imbenientes prima de sa frimmada. Su mese de Aprile at essere importante meda. Su Casteddu at a deppere accomettare su Sassuolo in domo sua e pustis at a giogare in domo contra sa Cremonese. Sunt duas partidas de fundamentu pro cumprendere comente at andare a si accabbare s’istajone.

S’isquadra at a torrare a si allenare martis in Assemini, ma bi ant  essere medas ausentzias. Carchi giogadore est impignadu cun sa natzionale sua, comente Caprile e Palestra cun s’Italia. Fintzas Kilicsoy e Obert non bi ant a essere, gai comente Sulemana e fortzis Litetas, chi no est a su menzus. Unu nuntzu bonu arribat dae Borrelli, chi est recuberande e diat podere giogare dae s’incumintzu de sa prossima partida. Sa torrada sua est importante, pro itte su Casteddu at sinzadu pagu in sas urtimas partidas.

Como su Casteddu non podet prus isbagliare. Serbit una reatzione lestra pro evitare de finire in mesu de sos aggios. Sas partidas imbenientes ant a essere detzisivas pro si salvare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22