Sa Ars Artium Editrice e s’Assotziu “Forma e Materia” ordimizant e accotzant su 5° Cuncursu Litterariu, chi apparat una base chi espressat po sos chi cherent iscriere de donzi edade.S’iscopu est de dare logu a cunsideros,pensamentos,fantasias, poesias, contos e memorias chi iscumbattant e balorizent sa cultura de sa Sardigna, a distintu s’Ozzastra.

“Sa litteradura est un’istrumentu tuteladu po espressare su sensu de appartenentzia e sa bivesa de sa cultura mediterranea”, ispricant dae sa domo editrice.”Po mesu de sa cultura, si siddant sas immagines tipicas de una tzivilitade cun raighinas antigas e un’identidade culturale forte, dande unu contribbudu a sa creschida culturale, de s’ecolomia e de s’omine de su connottu de sa Sardigna.

Iscriere in “sardu” cheret narrere torrare a pigare sos sistemas po cusservare sa memoria e rasmittire custos elementos a sas ingendras de su tempus benidore, affirmande sa presentzia biva de unu populu chi at semper partetzipadu attivamente a su propriu destinu. “Cherimos baloritzare su de essere in dun’isula, sa braga e sa dignitade de su s’istripa isulana, s’influentzia chi assempiat de su mare e sa bellesa unica de sos logos mannos e sos mudores, s’isfinitzu de sa poesia e su de essere in d’unu logu tzentrale in s’istoria.

Cun custu ispiritu, su 5° cuncursu litterariu si proponnet de accollire e accotzare operas de prosa, poesia, contos curtzos, imparonzu, chircas supra s’omine, istoricas, archeologicas e culturales, e chircas supra su passadu de sas comunidades locales, comente bistas,imbitzos e connottos.

Su premiu prenettat sa pubbricassione chentza ispesa peruna de su libbru binchidore cun sos riconnoschimentos chi sighint: su primu at a retzire unu cuntrattu editoriale cun ARS Artium Editore e 50 copias chentza las pagare de s’opera; su secundu at a retzire unu cuntrattu cun ARS Artiu Editrice e 30 copias chentza las pagare de s’opera; su tertzu at at a retzire unu cuntrattu editoriale. A tottu sos chi ant arribare in sa finale at essere dadu unu tzertificadu de intzidida.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Tzinema sardu, arribat su film”Bandidos e Balentes de Fabio Manuel Mulas

Si sunt faghinde sas represas de su film “Bandidos e Balentes”, su disignu tzinematografficu novu de su regista sardu Fabio Manuel Mulas, chi at a bessire intre pagu tempus. Su film contat un’istoria ambientada in sa Sardigna de su passadu e s’ispirat a sos contos e mudas ligadas a su fenomenu de sos bandidos in s’isula.

Mulas est unu regista e autore sardu chi dae annos tribagliat in su mundu de su tzinema indipendente. In sos tribaglios suos dat attentzione particulare a s’istoria, a sa cultura e su connottu de sa Sardigna. Sa tiza battit supra s’ischermu unu mundu fattu de connottu, gherras e vida in sas zuras internas de sa Sardigna.

Sas mudas sunt ambientadas in sos annos Chimbanta e mustrant comente sa vida de sas pessonas esseret signada dae vindittas e cunfrontos diffitziles intre familias e bandidos. A su tzentru de s’istoria bi sunt pessonas divressas sas vidas de sas cales cambiant propriu pro more de custu clima de tesone e violentzia.

Su film cheret contare non solu su bandizadu ma fintzas sa cultura e sas bistas de s’isula. Sos montes de intro, sas biddas e sas campagnas de sa Sardigna faghent de irfundu a sas mudas de sos attores e mustrant una terra antiga e forte, ligada in manera funguda a su connottu suo.

In su “cast” medas piccioccos sardos, calicunu a sa prima esperientzia, ma fintzas s’attora sarda Caterina Murino, nodida a livellu internatzionale pro sos rolos suos in su tzinema e sa televisione. Sa partetzipassione sua est unu balore in prus po su disignu e at a dare unu contribbudu e faghere biere de prus su film. Sar represas sunt appassionande paritzos logos de s’isula e sunt attirande s’attentzione de appassionados de tzinema e curiosos.

S’intentu de su regista est de contare una pagina de s’istoria sarda pro mesu de unu limbazu tzinematografficu capatze de aunire assione, dramma e connottu. Cun s’essida chi si prevedit in sos meses imbenientes,”Bandidos e balentes” puntat a che leare supra de s’ischermu mannu un’istoria ligada a sa Sardigna in manera funguda, balorizzande s’iscrocca e sas raighinas culturales suas. Su film est fintzas un’occasione pro faghere connoschere a su pubbricu una parte importante de sa memoria istorica de s’isula pro mesu de su tzinema.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22