Sos istudiantes italianos ant accomettadu sa prima proa iscritta de italianu po s’esamene de maduridade, unu momentu importante meda chi sinzat su puntu pius artu de su caminu iscolasticu insoro. In Sardigna, po essere pretzisos, 12.220 istudiantes sunt bistados divisos in 399 cummissiones, evidentziande sa intzidida manna a custu abbenimentu natzionale.

Sas andalas proponnidas a pius de 526.000 istudiantes in tottu s’Italia funt divressas e apprettantes, incluidinde operas de autores connoschidos meda commente Giuseppe Ungaretti e Luigi Pirandello, in pius figuras connoschidas meda commente Rita Levi Montalcini. Sos temas andaiant dae su digitale a s’impittu de sa bomba atomica, fruninde medas chistiones, supra de sas cales sos istudiantes podiant meledare.

Po s’istudiu de su testu, su Ministeru at chirradu “Pellegrinaggio” de Ungaretti, una poesia chi iscumbattat sos temas de su viazzu e de sa chirca interna.In parallelu est bistadu proponnidu un’istudiu de sos “Quaderni di Serafino Gubbio operatore” de Pirandello, un’opera de su 1925 chi scruccullat su progressu tecnologicu e sas conseguentzias supra sa sociedade e sa pessone.

Una de sas andalas dimandaiat a sos istudiantes de esaminare unu chirriolu de “Storia d’Europa” de s’istoricu Giuseppe Galasso. In pius, sos istudiantes ant tentu sa possibilidade de si cunfruntare cun d’unu testu leadu dae “Riscoprire il Silenzio” de sa gasettera Nicoletta Polla Mattiot. In mesu de sos temas de realidade, bi fit una andala basada supra “Elogio dell’Imperfezione” de Rita Levi Montalcini. Un’atteru chirriolu, bogadu dae “Profili selfie e blog” de Maurizio Caminito, apprettaiat sos istudiantes a cussiderare su signifficu de su diariu in su tempus digitale.

Po finire, est bistadu proponnidu unu testu de sa costitussionalista sarda Maria Agostina Cabiddu, pubbricadu supra de sa pubbricassione de s’Assotziu Italianu costitutzionalistas, chi discutiat de su valore de su patrimoniu artisticu e culturale italianu. Custu testu bantavat sa sabitoria de sos babbos costituentes po evidentziare s’isviluppu culturale, sa chirca iscentifica e sa tutela de sa bista, in mesu de sos printzipios fundamentales de sa Costitussione Italiana, evidentziande s’importantzia de custos valores po su mezoru e s’unione sotziale de s’Italia.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Regorta differentziada,Sardigna intre sas primas ma serbit unu passu in prus.

Sa Sardigna si cuffirmat intre sas regiones prus attentas a sa conduida de s’arga. In su 2024 sa regorta differentziada est arrivada a su 76,5% e balet su terzu postu in Italia, in daesegus de Emilia Romagna e Veneto.

S’elementu,presentadu dae Legambiente in su mentres de s’Ecoforum de Casteddu, mustrat una situassione positiva.Intames si registrat una minimada pitticca de sos comunes prus virtudosos e de cussos chi resessint a arrivare a prezenias artas meda de regorta. In d’una parte manna de s’isula sunt oramai diffundidas abitudines bonas in s’isseperu de s’arga, signu chi in sos annos est bistadu fattu unu tribagliu importante dae sas amministratziones e sos tzittadinos. Sa regorta gianna pro gianna e un’attentzione prus manna a sos cumportamentos de donzi die ant dadu unu contribbudu pro mezorare sos risurtados.

A su mattessi tempus addurant ancora trempas de mezoramentu. Carchi tzentru no arribat a sos livellos prevedidos e sighint a faghere prus fatiga,comente Tattari, mancari siant arribande cambiamentos chi diant podere battire menzus resurtados giai in sos annos imbenientes. Intre sas tzittades printzipales si annoditant Aristanis e Nugoro, chi cuffirmant prezenias artas e organizassione bona de su servitziu, divenninde puntu de relata fintzas po sas atteras iscroccas.

Su cuadru chi bessit a pizu est cussu de una regione chi at fattu passos in daenantis importantes, ma chi non si podet permittere de si frimmare. Una parte de s’arga sighit difattis a no essere differentziada e custu pesat siat supra de s’ambiente chi supra sos costos pro sas comunidades. Sa bera porfia como no est solu mantennere sos risurtados segudados, ma los rendere prus pariviles in totta sa Sardigna. Bi sunt iscroccas chi andant bene meda e atteras chi addurant in daesegus: minimare custa differentzias at essere de fundamentu pro mezorare deabberu su sistema.

In giogu non bi est solu una prezenia, ma sa manera cun sa cale si abbidat a su tempus benidore. Mezorare sa derettura de s’arga cheret narrere de minimare su corpu supra de s’ambiente, ma fintzas fraigare comunidades prus scientes e responsabbiles. Est unu caminu chi dimandat continuidade e impignu e seperos craros, pro itte sos resurtados alcansados fintzas a como mustrant chi furriare est possibile, ma solu si si andat a daenantis chena si frimmare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22