S’Opera teatrale nova “Cobalto”, fruttu de sa lughente creadividade de Matteo Porru,ispuntat commente un’azzunta chi promittit meda a su registru de su Teatru Stabile de su Veneto, chi tenet grandesa meda in sa bista teatrale de s’Italia. Sutta de s’ischida derettadura de Francesca Merli e cun sas drinnidas interpretassiones de Alex Cendron e Laura Serena, s’ispettaculu si est preparande a ispantare su pubbricu de su Teatru Mario del Monaco de Treviso, intro de su famadu GEA Treviso Contemporary Festival 2024. Custu abbenimentu de arte est su risurtadu de un’azzudu de GEA e su Comitadu Teatro Treviso, chi dat puru pius ammaju e attumbentzia a su disignu intreu.

Su cuntestu de “Cobalto” est una istravanada bidda de montera, isolada in d’una adde istrinta e isperdida, inube su chelu si annapat in d’una manera chi pistighinzat duas bortas a su die. Sa prima borta abbojat cun sa disparida prena de misteriu de una femina, mentres sa secunda, capitada dues meses pius a tardu, biet iscumparrere in su nudda, su maridu de issa e tottru su masone chi si est appasciande.

Custos abbenimentos drammatigos ponent in motu medas abbenimentos chi ammintirottant sos fizzos de sa cropa, Bianca e Bruno, custrintos a si cunfrontare cun d’unu enimma dae sas tonalidades iscurigosas, bantzigande in sa chirca de sa veridade e su jubilu de una fine de su mundu dae sas raighinas paganas.

Su contu si faghet ammaghiante unu passu fattu de s’atteru cando sos duos frades, pustis de annos de ispitzigu signados dae mudires e tesones, si acciappant a accommettare imparis unu destinu chi paret signadu dae una calamidade de unu tempus attesu meda. Sa bidda chentza nomene diventat su cataffale dae su cale partint sos ammentos e sos segretos de Bianca e Bruno, chi agattant accostu in sa soledade de sa barracca de famiglia. Innoghe, in mesu de sos muros prenos de istoria e de misteriu, isso torrant a bivere sa pitzinnia insoro, sinzata dae s’umbra de su babbu pastore e dae sos abbenimentos annappados chi ant formadu sas vidas insoro.

“Cobalto” si apparat commente un’opera teatrale de s’ambiente dilicu, in su cale su limide de su reale e su fantasiosu s’issoberit, dande vida a un’universu carrigu de signos e intzidios. Est unu viazzu in s’animu de s’omine, inue sos elementos de sa natura, si fundent cun sas passiones e incoglidas de sos omines, creande un’intrecciu ammaghiante e chi ponet impare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Ulassai si preparat a sa Biennale de arte de custos tempos.

Ulassai si preparat a accasazare un’edissione nova de sa Biennale de arte de custos tempos, un’addobiu culturale chi in sos urtimos annos est assuminde unu rolu semper prus importante in sa bista artistica de sa Sardigna. S’abbenimentu at a partire su 21 de martu, revertinde pro paritzos meses sa bidda ozzastrina in d’unu logu de addobiu pro artistas, istudiosos, appassionados e bisitadores chi arribant dae donzi parte de s’isula e non solu.

Mustras, istallatziones, addobios e mamentos de cunfrontu ant a animare sos logos de sa bidda, apparande a su pubbricu s’occasione de si accostare a s’arte de custos tempos e de iscoperrere limbazos creativos novos. Sa Biennale est dedicada a sa frigura de Maria Lai, una de sas prus importantes artistas italianas de su Noighentos e ligada in manera funguda a sa terra sua de issida. Ulassai est difattis sa bidda in sa cale s’artista est naschida e inube at dassadu unu signu forte meda pro mesu de paritzas operas chi negossiant cun sa bista e sa comunidade.

S’edissione de su 2026 de sa Biennale at a tennere comente tema sa lettura de un’opera de arte. S’intentu est cussu de cumbidare su pubbricu a abbaidare sas operas cun meda prus attentzione, chircande de cumprendere sos signifficos e sos nuntzos. Sa derettura artistica de s’abbenimentu est intregada a Gianni Murtas,
cun sos curadores istranzos Giannella Demuro, Ivo Serafino Fenu e Francesca  Sassu. Su tribagliu insoro at giuttu a sa creatzione de unu programma chi ponet impare artistas e operas capatzes de faeddare cun s’iscrocca, cun s’istoria de sa bidda e su pensamentu artisticu de Maria Lai.

A sa Biennale ant a partetzipare prus de vinti artistas chi arribant dae tottue, donzunu cun su propriu limbazu e sa propria chirca. Sas operas ant essere ispartas in paritzos logos de sa bidda, non solu in logos museales ma fintzas in atteros logos culturales e in carchi zura in fora.Custu at a permittere a sos bisitadores de iscoperrere Ulassai: sa Biennale est fintzas un’occasione importante po balorizzare s’iscrocca de s’Ozzastra e favoressere su turismu culturale.

Manifestassiones comente sa Biennale mustrant comente sas biddizolas potant divennere logos de interessu culturale mannu cando resessint a balorizzare s’identidade e su patrimoniu propriu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22