Pius de 500 personas ant partetzipadu in Ulassai, a sa cuvia de sa Prima Biennale de Arte de oe, dedicada a Maria Lai, unu accadessimentu chi at acciappadu s’attentzione de appassionados e critigos de arte, chi sunt arrivados dae tottu sa Sardigna e dae fora de s’Isula. Curada dae Gianni Murtas, azzudadu dae su comitadu iscintificu cun Antonello Carboni, Chiara Manca e Damiano Rossi, custa rassigna at presentadu operas de
i, artistas de sensibilidade istravanada, coberande sutzessu dae su primu momentu.

Sa cuvia est bistada in d’unu ambiente carrigu de emossione e afficcu. Sas operas presentes, ispiradas a sa vida e s’arte de Maria Lai, ant apparadu unu percursu de incantu po mesu de divressas limbas de espressione, mustrande sa vivesa e s’innovassione de s’arte de oe. Su seperu de dedicare custa prima edissione a Maria Lai,no est bistadu unu casu: est una figura conica de s’arte italiana, nodida po sas operas suas chi fundent su connottu e sa modernidade, artigianadu e ideas.

Su pubbricu at pottidu appretziare approntos, pinturas, istatuas, e proas chi iscumbattant temas caros meda a Lai, commente su ligonzu cun sa terra, sa memoria de tottus e su cambiu de s’omine cun sa natura. Sos artistas chi ant partetzipadu ant ischidu interpretare e curare custos temas cun sensibilidade e originalidade, creande unu negossiu bivu cun sos bisitadores.

S’accadessimentu at tentu appretziamentu dae su pubbricu e sa critica, chi ant laudadu sa calidade de sas operas espostas e s’ordiminzu perfettu. Sa prima Biennale de Arte de Oe, dedicada a Maria Lai, no est solu una tzelebratzione de s’arte, ma puru unu contribbudu a sa capatzidade de s’arte de unire sas personas e de apprettare  consideros fungudos meda. Sos ordimizzadores sunt gia tribagliande po garantire chi sas edissiones chi si ant a faghere in su tempus benidore sigant a creschere in calidade.

Su sutzessu de custa cuvia est unu signale positivu importante meda po su tempus benidore de s’arte de oe in Sardigna e Italia, mustrande chi abbenimentos de calidade arta, podent attirare pubbricu mannu e disvariadu, favorressinde sa cultura e su cambiamentu artisticu. Sa Biennale at postu bases fortes po divennere un’appuntamentu chi non si podet perdere capatze de arricchire sa bista culturale e de apparare opportunidades novas a sos artistas novos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

“Su Nenniri”, s’antigu connottu sardu chi abbisat sa Pasca.

Cun s’arribu de sa Pasca, in biddas meda de sa Sardigna torrat unu de sos connottos prus antigos e ammaghiantes de s’isula:”su Nenniri”. Si tratta de chimizones de ranu o atteros semenes creschidos a s’iscuru, chi affigurant sa torrada a bida e s’isperantzia, ligados a sos ritos de sa Chida Santa. S’ammanitzu incuminzat parizzas dies prima de Pasca, sos semenes benint postos a brotare in bottos pitticcos, a s’ispissu prattos o canisteddos,cuzigados e attesu dae sa lughe. In custa manera creschent fines,craros e delicados, leande unu colore giallu chisinathu tipicu meda.

Sa forma insoro chidrina e s’aera casi de “sufferentzia” crischiant comente iscromba su sacriffitziu e sa morte de Cristus. In su mentres de sa Chida Santa,”is nenniris” che benint leados in cresia e impittados pro adornare sas tumbas, sos artares pro su Giovia Santu. In carchi bidda benint postos cun contivizu particulare impare a frores,qandelas e pannos, creande bistas simples ma prenas de signifficu.Est unu zestu chi aunit fede e connottu populare, chi andat dae ingendra a ingendra.

In comunidades meda, mescamente in sas biddas prus pitticcas, s’ammaniada de sos nenniri est fintzas unu mamentu de cundivisione.A s’ispissu sunt sas feminas e sos bezzos a si nde occupare, impare cun zovanos, chi gai imparant su balore de custos ritos antigos. Custu connottu tenet raighinas attesu meda, mancari ligadas fintzas a ritos de sa laurantza prima de Cristu, chi tzelebraiant su cursu de sa natura e sa torrada a bida pustis de s’jerru.Cun su tempus, custos signifficos si sunt intritzados cun sa religione cristiana, dande vida a una cosa chi oe mustrat impare morte e torrada a bida.

“Su nenniri” non est solu unu elementu de decoradura, ma unu signu fungudu de sa cultura sarda. In d’unu mundu chi cambiat a sa lestra, custos connottos sighint a bivere gratzias a sa memoria de sas comunidades e a su disizu de no perdere sas raighinas insoro.Cun sa Pasca chi est accanta, cussos chimizones divennint gai unu nuntzu simple ma forte:pustis de donzi tempus buggiu, sa vida agatta semper sa manera de torrare a naschere.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22