Sa ghirada de Marco Carta cun su singulu “Voragine” sinzat unu momentu de signifficu non solu in sa carriera sua, ma puru in sa bista musicale de oe. Cun d’una bena artistica chi at rugradu pius de vint’annos, Carta sighit a incocciare e emossionare su pubbricu sou cun d’onzi produssione noa.

Su sutzessu de sas cantones cabidianas commente “Sesso Romantico” e “(Forse) Non mi basti più” at istabilidu Carta commente una de sas boghes pius distintas e influentes de sa ingendra sua. Cun “Voragine”, su talentu e su diligu suos segudant bruncos novos, creande un’esperientzia musicale chi andat pius a daenanti de su simple ascurtu.

Su processu creativu de “Voragine”, iscrittu e produidu da Le Ore, in cooperassione cun Carta e Marco Rettani, est un’iscumbattamentu intimu de sos ammentos e sas emotziones de s’artista. Donzi nota e donzi testu trasmittint unu sensu de berteru e debilesa, permittinde a si’scurtadore de si affundare de su tottu in s’universu emotivu de Carta.

In sas dichiaras suas, Carta espressat unu ligame fungudu cun sa musica, deffinendela commente sa relatzione sua pius longa e de signifficu. Custa annanghidura chi si podet casi toccare, si ressolat in donzi melodia de “Voragine”, creande unu ligame de emossiones de s’artista cun su pubbricu sou.

Su “Voragine Tour” no est solu unu cuncertu, ma un’esperientzia chi tzelebrat sa potentzia e s’emossione de sa musica dae su bivu. Cun donzi nota sonada supra de su cataffale, Carta cunfirmat sa ghirada sua triunfante pustis de su sutzessu de su tour de su 2023, battinde po un’attera borta sa musica sua in iscroccas noas emotivas e creativas.

Po congruire,”Voragine” est meda de pius de unu singulu; est unu desampladu chi incarnat sa mattessi essentzia de sa musica e de s’arte. Po mesu de sa musica sua, Marco Carta sighit a dassare un’imprenta chi non si podet iscancellare in su coro de chiesisiat tenzat su mandu de l’iscurtare, cunfirmandesi commente una cona de sa musica italiana de sas dies de oe.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Masainas,disgarriga abbusiva e tribagliadores chena cuntrattu in d’una ditta de massajos: denuntziadu un’impresariu.

Una disgarriga abbusiva, tribagliadores chena cuntrattu e fura de currente. Est cantu ant iscopertu sos carabbineris in su mentres de compudos in d’una ditta de massajos de Masainas. S’operassione st bistada fatta cun s’accottu de paritzas setziones e s’azzudu de unu elicotteru de Elmas, chi at boladu supra sa zura in su
mentres de sos controllos. Controllos chi sunt bistados ordiminzados po abberguare su rispettu de sas lezez ambientales, de su tribagliu e de sa siguresa in sas dittas de s’iscrocca.

Sos controllos si sunt cuncentrados supra sos terrinos de una sotziedade de massajos de un’omine de 53 annos. In su mentres de sos controllos, sos carabbineris ant incumintzadu a controllare istrutturas, impiantos e attividades presentes in sa zura. In su mentres de sos atzertamentos est bessidu a pizu chi s’omine impittaiat sa retza elettrica chentz cuntrattu. Sa ditta fuit collegata a sa currente chena autorizzassione, impittandela chena la pagare. Pro custu motivu est partida fintzas s’accusa de furtu aggravadu de currente.

Sighinde cun sos controllos, sos carabbineris ant acciappidu fintzas unu motocoltivadore furadu, chi fuit de propriedade de un’atteru imprendidore de sa zura chi nde aiat denuntziadu su furtu. Est iscattada fintzas sa denuntzia po ricettassione. Sa zura de sa laurantza si presentaiat in cundissiones malas. Secundu canto ant cunfirmadu sos militares, una parte de sos terrinos fuit bistada revertida in d’una disgarriga manna chena autorisassione. Intro de sa zura sunt bistados acciappidos arreffudos ispetziales e cosas perigulosas po s’ambiente.

A s’omine sunt bistadas cuntestadas paritzas macchiscias: controllu illetzidu de arrefudos, disgarriga abbusiva, de aere brusiadu illetzitamente arrefudos, iscarrigos de fauda chena autorissassione e de aere fattu autodemolizione chena nde tennere s’autorissassione. In su mentres de sos controllos est bessidu a pizu fintzas un’atteru probblema, ligadu a sa defensa de sos tribagliadores. Intro de sos amparos de sa ditta sunt bistados acciappidos duos tribagliadores chena cuntrattu.

A s’accabbu de s’operassione tottu sa zura est bistada secuestrada po prevensione, imparis a sos materiales e mezzos acciappidos in su mentre de sos controllos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22