Bonas noas in sa tecnologia de sa salude in Sardigna.

S’ambulatoriu Picc team in s’Aou de Tattari, at dae pagu introduidu una tecnologia noa connoschida commente Picc port, una avantzada tziringa forana po sas benas, cun d’unu barchile sutta de sa pedde, chi serbit po revolussionare sa cura de infusione, po medas malaidos, includinde cussos chi tenent maladias puru de su male mandicatore e nono, acutas e cronigas.

Custu apparitzu nou mustrat unu avantzamentu mannu in cunfruntu a sos isseberos de prima, cumbinande sas funtzionalidades de su Picc(tziringa posta in d’una posissione tzentrale) cun d’unu barchile sutta de sa pedde.

Custu battit medas vantaggios, in mesu de sos cales bi est una sicuresa pius manna cando si ponent sas meighinas, unu reduimentu de s’invasionidade e de sa bista e una libertade pius manna de movimentu po su malaidu. In manera particulare, su Picc port est sa menzus cosa po curas de curtzu e longu tempus, commente iscolomos de sambene, curas cun antibioticos e nudrissione sutta de pedde totale.

Fintzas dae sa prima borta chi est bistadu usadu, su Picc port at permittidu a 32 malaidos de tennere trattamentos vivos po sas cunditziones insoro. Gratzias a sa tecnologia eco-ghiadas, s’impiantu est fattu in modu foranu, usande unu caduffu de poliuretano e una camera de titaniu posta a s’artesa de su bratzu o de s’anca, dande gai vantaggios importantes in cunfruntu a sos apparitzos de sas benas chi si usaiant prima.

In pius, su Picc port reduidi de meda su rischiu de infetziones, iscartande sa possibilidade de pneumotorace e de puntas atzidentales de sas arterias o de sos nerbios, faghindelu diventare pius acciosu puru po malaidos chi tenent alterassiones graves de sa aggrummadura. Custu apparitzu dat puru pius consolu e podet essere usadu fintzas po faghere tottu in domo, garantinde a su malaidu unu effettu pius pitticcu a sa vista.

S’introdussione de su Picc port est una passu in daennantis importante meda in sa cura infusionale, dande sicuresa, comfort e una menzus calidade de sa vida po sos malaidos. S’ambulatoriu Picc Team, chi faghet parte de s’istruttura cumplessa de Terapia de intensidade de s’Emergentzia, assicurat un’assistenzia prena e cualifficada po malaidos chi benint dae fora oppuru chi sunt cuberrados. Si abberit un’era noa po sos malaidos chi tenent custo problemas particulares.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Regorta differentziada,Sardigna intre sas primas ma serbit unu passu in prus.

Sa Sardigna si cuffirmat intre sas regiones prus attentas a sa conduida de s’arga. In su 2024 sa regorta differentziada est arrivada a su 76,5% e balet su terzu postu in Italia, in daesegus de Emilia Romagna e Veneto.

S’elementu,presentadu dae Legambiente in su mentres de s’Ecoforum de Casteddu, mustrat una situassione positiva.Intames si registrat una minimada pitticca de sos comunes prus virtudosos e de cussos chi resessint a arrivare a prezenias artas meda de regorta. In d’una parte manna de s’isula sunt oramai diffundidas abitudines bonas in s’isseperu de s’arga, signu chi in sos annos est bistadu fattu unu tribagliu importante dae sas amministratziones e sos tzittadinos. Sa regorta gianna pro gianna e un’attentzione prus manna a sos cumportamentos de donzi die ant dadu unu contribbudu pro mezorare sos risurtados.

A su mattessi tempus addurant ancora trempas de mezoramentu. Carchi tzentru no arribat a sos livellos prevedidos e sighint a faghere prus fatiga,comente Tattari, mancari siant arribande cambiamentos chi diant podere battire menzus resurtados giai in sos annos imbenientes. Intre sas tzittades printzipales si annoditant Aristanis e Nugoro, chi cuffirmant prezenias artas e organizassione bona de su servitziu, divenninde puntu de relata fintzas po sas atteras iscroccas.

Su cuadru chi bessit a pizu est cussu de una regione chi at fattu passos in daenantis importantes, ma chi non si podet permittere de si frimmare. Una parte de s’arga sighit difattis a no essere differentziada e custu pesat siat supra de s’ambiente chi supra sos costos pro sas comunidades. Sa bera porfia como no est solu mantennere sos risurtados segudados, ma los rendere prus pariviles in totta sa Sardigna. Bi sunt iscroccas chi andant bene meda e atteras chi addurant in daesegus: minimare custa differentzias at essere de fundamentu pro mezorare deabberu su sistema.

In giogu non bi est solu una prezenia, ma sa manera cun sa cale si abbidat a su tempus benidore. Mezorare sa derettura de s’arga cheret narrere de minimare su corpu supra de s’ambiente, ma fintzas fraigare comunidades prus scientes e responsabbiles. Est unu caminu chi dimandat continuidade e impignu e seperos craros, pro itte sos resurtados alcansados fintzas a como mustrant chi furriare est possibile, ma solu si si andat a daenantis chena si frimmare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22