S’assentamentu de sos trettos de fora, est una prioridade po sa Giunta municipale de Casteddu, chi dae pagu at autorizadu su disignu de crompimentu tennicu-accolomicu po affortigare sas roccas e sas gruttas naturales. Custu disignu agudissiosu, cun d’unu imbestimentu totale de 9,5 miliones de euros, est bistadu fattu dae una truppa posta paris po unu pagu de tempus de proffessionneris controllados dae s’Amministrassione Comunale.

Siscopu printzipale de su disignu est s’assentamentu de s’ambiente e de sa bista de una zura de valore istoricu e de tennica mannu meda in su coro de su tzentru istoricu de Casteddu. Custa zura est annoddittada dae una appillada cumplessa, chi reflettidi s’isviluppu de sos muros de sa tzittade in sos seculos passados.

A s’incumintzu fit bistadu fattu po faghere carchi cosa supra sas zuras a costazzos a s’Iscola a s’abbertu Mereu, su disignu si est pius a tardu ispabinudu po faghere unu collegamentu lorinosu e prenu de armonia cun su giardinu sutta de sos muros e su Bastione de Saint Remy.

Custu ammanniu de su percursu, ada permittere a sos tzittadinos e sos bisitadores de godire parizzu de un’esperientzia inficchida e chi interessat intro de custu nodidu patrimoniu de sa tzittade. Sa zura in sa cale si est faghinde su tribagliu partit dae su biale Regina Elena, in sa fasca perimetrale de sos muros de sa parte inue naschet su sole de Casteddu, dae su puntu de tuccada de s’Iscola Mereu, a costazzu de sos giardinos pubbricos de sa bia Ubaldo Badas, fine a su puntu de connessura cun su Parcu sutta de sos Muros, accanta a su Bastione de Saint Remy.

Custa collocassione fundamentale, permittit de dare valore mannu a su cumplessu de sa tzittade chi esistit giai, creande a su mattessi tempus trettos noos de impittu e de accordiu po sos tzittadinos.

Est importante evidentziare chi in custa fase de su disignu, commente precisadu in sa delibberassione n.59/2024, no at a tennere riflessos derettos o non derettos supra de sa situassione de accolomia-finantziaria o supra su patrimoniu de su Comune. Si trattat difattis de unu attu po ammannizzare e ponnere s’interventu in su Programma de sos tres annos
de sas oberas pubbricas 2024/2026, evidentziande gai s’attentzione e s’impugnu de s’amministrassione de su comune, po mezzorare sas possibilidades chi sunt a disposissione po su bene de sa comunidade e de
s’ambiente de sa tzittade.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Unu viàzu in s’arte: sos chimbe artistas sardos prus famados de s’istòria

Sa Sardigna, in prus de èssere famada pro sas bistas suas chi che  bogant s’alenu e pro su connottu millenàriu, at bidu  nàschere  artistas medas chi ant lassadu unu sinnu chi no si podet iscantzellare in s’istòria de s’arte italiana e internatzionale. Costantinu Nivola, iscultore e muralista de fama internatzionale, Nivola che at leadu s’arte sua in sos Istados Unidos, partetzipande cun architetos mannos comente Le Corbusier e Marcel Breuer. Sas òperas suas sunt caraterizadas dae s’impreu nou de su tzimentu e de sos materiales locales, condimizande modernidade e connottu.

Pinucciu Sciola, famadu pro sas “predas sonoras”, Sciola at ischidu aunire iscultura e mùsica, revertinde su granitu in istrumentu chi bogat a fora sonos armonicos cando est percossadu. Sas òperas suas, ispartas in totu sa Sardigna e in su mundu, festant sa natura e sas raighinas culturales de s’ìsula, fundinde materiales locales cun una poetica universale.

Zuseppe Biasi, pintore e illustradore, Biasi at contadu sa Sardigna a mesu de friguras prenas de colore e vitalidade. S’arte sua acciappat costùmenes, traditziones e bistas de s’ìsula, torrende·las a interpretare cun d’unu istile chi aunit folclore e modernidade. Sas òperas suas ant dadu unu contribbudu po fàghere connòschere sa Sardigna a foras de sas lacanas suas, influentzande ingendras  de artistas locales.

Maria Lai, artista in medas campiles e ghia de s’arte tessile de oe, Maria Lai at isichidu  revertire su filu e su pannu in istrumentos de issida de fortza  poètica manna. Sos tribaglios suos, a bortas partetzipativos e fatos pro unu logu ispetzìficu, intritzant sa memòria cumone de sa Sardigna cun d’una limba universale. Francu Bussu, intre sos printzipales de s’iscultura e de sa pintura sarda de su Noighentos, Francu Bussu at aunidu rigore tènnicu e fundaria comunicativa. Sas òperas suas iscoperrent temas ligados a su connottu, a sa religione e a sa vida de campagna  de s’ìsula, ma cun d’una
sensibilidade de oe chi los faghet divennere in manera istravanada modernos.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”