S’ispirassione po una de sas pius mannas issidas de sa poesia, leat vida in su film curtzu “Su Cantidu De Sas Creaduras de Santu Frantziscu de Assisi- Cantidu de sas Creaduras de Santa Frantziscu de Assisi, unu tramudu de su tzinema, fatta cun destresa dae sa chi produede e chi est puru sa regista, sa tattaresa Caterina Ponti. In custa contassia unica, su testu de su Cantidu est interpretadu e tenet sas iscrittas in sutta in s’ammajosa limba sarda, rendinde s’opera no solu atzessibile, ma puru prena de una ricca medida prena de cultura.

Su tema de s’amore, po un’attera borta, dominat in su tribagliu de Caterina Ponti, chi dedigat custa creassione noa, chi durat 4 minutos e 32 secundos a sos 800 annos de vida de custu innu de ingraenzu a Deus po tottu su creadu. Sa regista, ponet in evidentzia s’importantzia de custu testu, cussideradu su primu e su pius antigu de sa litteradura italiana, de su cale si connoscat s’autore, e nde apparat una interpretassione favulosa e chi trisinat.

Su film curtzu, fattu casi de su tottu in Sardigna, est bistadu presentadu po sa prima borta a sae de 39 edissiones de Primu Pianu supra de s’Autore-Festival de su mundu femininu, aggiunghinde un’atteru tasseddu a sa ricca carriera artistica sua. Sas figuras chi che bogant s’alenu, de s’isula, dae su galanosu cumplessu de isulas de Sa Madalena, fintzas a s’importante area archeologica de Arzaghena e a sa favulosa Tumba de sos Gigantes de Coddu ‘Ecchju, apparana unu isfundu perfettu po sa poesia funguda de su Cantidu.

Su film curtzu, si innoigrada in mesu de una filera de figuras de sa Seraphica Civitas, chi mustrant s’ordiminzada e sos logos birdes a inghiriu de duos importantes logos de caminos de s’Umbria: sa Basiliga de Santu Frantziscu e sa cresia de santu Damiano.

Est in custas ambientaziones santas, chi Santu Frantziscu, bell’e chi esseret zegu, malaidu e cun signos in sas manos suas, aiat cumpostu su Cantidu,laudande e ringratziande su Creadore po tottas sas creaduras suas. In custu carraffale faeddu intre tradissione e novidade, sa bisione de Caterina Ponti, carrada s’ispettadore in d’unu biazu emossionale e de s’ispiritu in su cale, sas paraulas antigas de su Cantidu benint alloricadas dae una chirchina noa de bellesa e consideru.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Martina Miliddi, su talentu sardu chi conchistat Rai 1 cun “Affares tuos”.

In custa chidas, su pubbricu de sa Sardigna e, in manera particulare, cussu de Assemini, at potidu zaccullimare sas manos cun braga meda po una de sas zovanas primorosias suas:Martina Miliddi. Sa coisabia, giai nodida a su pubbricu mannu po aere partetzipadu a s’edizione numeru binti de Amici, at conchistadu unu rolu de primu pianu in su corpus de ballu de “Affari tuoi-il gioco dei pacchi”, su tzelebre programma chi bi est in Rai 1 cun Istevene De Martino.

Pro Martina, naschida in su 2000, sa presentzia in s’istudiu istoricu de Rai 1 est un’arribu de signifficu. Pustis de su sutzessu arribadu in su talent de Maria De Filippi, sa zovana coisabia at ischidu fraigare una carriera forte in sa televisione, revertinde su luminzu de s’incomintzu in opportunidade bera e riconnoschimentos in su mundu de s’ispettaculu natzionale. Sa proffessionalidade e sa capatzidade suas de si adattare a cosas divressas l’ant fatta divennere una cara familiare a apprezziada, capatze de che leare energia e frischesa in donzi bessida televisiva.

In “Affari tuoi”, Martina tenet unu rolu de fundamentu po faghere divennere su programma attivu e interessante. Sos interventos suos signant sos momentos crae de sa trasmissione, accumpanzande sos chi giogant intre unu cambiu de paccos e s’atteru, e aggiunghinde ritimu e ispettacolaridade a unu format giai ingrussadu. Sa presentzia sua, elegante ma crispa, mustrat cantu sa danza si potata aunire cun su contu televisivu, revertinde donzi apparessida in d’unu mamentu pitticcu de intertenimentu unicu pro su pubbricu.

Addia de sa proffessionalidade, sa presentzia de Martina in “Affari tuoi” tenet unu balore de signifficu po sa Sardigna. Sa zovana coisabia battit paris cun issa su nomene de sa terra sua, mustrande chi talentu,regulas e passione podent abberrere sas giannas de sos cataffales natzionales. Po sos chi bistant in Assemini, la biere brillare in prima serana est motivu de braga, uni signale beru chi fintzas dae su coro de sa Sardigna, podent naschere talentos capatzes de si faghere connoschere in campu natzionale.

In custas chidas, intre proas e registratziones, Martina sighit a cunfirmare su talentu e sa determina sua, diveninde unu esempru po tottu sos zovanos chi sognant de si affirmare in su mundu de s’ispettaculu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22