Su prossimu Festival de Sanremo, si preparada a bivere unu momentu prenu de maghja e de emossiones, cun sa presentzia, importante meda de sa Sardigna, chi at faghere diventare custa edissione, una edissione chi non si at poder ismentigare.

Su cataffale de s’Ariston, coro chi toccheddada de su festival de sas cantones italianas, at accollire cun calore meda sa presentzia de s’Artista Alessandro Mahmood, una presentzia de medas bortas, chi at giai dassadu su marcu, binchinde duas bortas in su tempus coladu.

Naschidu in Sardigna, Mahmood at giai affadadu su pubblicu de s’Ariston in su 2019, cun s’esibissione a sa sola de sa cantone “Soldi”(dinari), chi at conchistadu su coro de sos ispettadores e sa giuria. In su 2022 at torradu a binchere in croba cun Blanco, cantande “Brividi”. Cust’annu, Mahmood si est preparande a nos meravizzare un’attera orta cun sa cantone “Tuta gold”, jughinde s’energia e s’ arte sua derettu dae sa terra de una agreste bellesa.

Sa Sardigna, cun sa cultura unica sua, e sas tradissiones abbarbasas, at essere a su centru de s’esibissione de Mahmood, po su sero de sas “cover”. Unu addizu, in su chi at essere emossionante meda, e in su cale sa crae de s’esibissione at essere sa oghe e sa primorosia de sos Tenores de Bitzi “Mialinu Pira”. Custa truppa de tenores sardos, prenos de talentu., ant accumpanzare Mahmood in d’una presta chi at omaggiare unu mannu de sa musica italiana: Lucio Dalla.

Sa cantone seperada po sa serana de sas “cover” est: ”Com’è profondo il mare” de Lucio Dalla, una de sas cantones prus amadas e conas de sas cantones italianas. S’ammistura de sa boche poderosa meda de Mahmood e s’interpretassione mastrina de sos Tenores de Bitzi, promittidi de donare a su publicu unu momentu de bellesa e de puresa musicale, arricchida dae sa s’arta tradissione culturale de sa Sardigna.

Sa presentzia de Mahmood e de sos Tenores de Bitzi, supra su cataffale de s’Ariston, est unu donu deppidu a sa ricchesa artistica e culturale de sa Sardigna, juchinde sa bellesa de custa terra, supra de su cataffale natzionale. Su Festival de Sanremo si cunfirmat non solu commente unu abbenimentu de cabbale mannu in sa bista de sa musica italiana, ma puru commente una opportunidade po baccheare e balorizare sa diversidade de sa cultura de sas comarcas italianas.

In custu cuntestu, sa Sardigna s’istantariada commente interprete chenza duda, cuntribbuinde a faghere diventare su Festival de Sanremo, unu momentu de tzelebrazione de sa musica, de sa cultura e de sas raighinas profundas chi rappresentana sa natzione nostra. Sa partetzipazione de Mahmood e de sos Tenores de Bitzi, est una perfetta iscalladura de modernidade e tradissione, chi promittit de trasformare custa edissione de su Festival in d’unu capitulu chi non si at podere ismentigare in s’istoria de sa musica italiana.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Continuidade de s’iscrocca, billettos a pagu preziu fintzas po sos familiares de sos chi bistant in Sardigna.

Si podent comporare da oe sos billettos in continuidade de s’iscrocca riservados a sos familiares de sos chi bistant in Sardigna. Sa novidade est po su sistema de pesos de servitziu pubbricu chi regulat sos collegamentos aereos da e pro s’isula e accreschit su numeru de pessonas chi podent godire de sos pretzios aggevolados.

Sos billettos si podent comporare po sos bolos dae su 29 de martu, die in sa cale at a bintrare in fortilesa su sitema novu de sa continuidade de s’iscrocca. Cun custu seperu sa Sardigna reconnoschet su dirittu de biazzare a pretziu bassu, non solu a chie bistat in s’isula, ma puru a chie, mancari bivat in d’unu atteru logu, tenet unu ligonzu istrintu cun chie bistat in Sardigna.

S’assessora regionale a sas Carraduras Barbara Manca at nadu chi si trattat de unu passu in daenantis importante meda pro itte affortigat su cuntzettu de continuidade de s’iscrocca e tenet contu de su balore de sas famiglias in d’una iscrocca de isula comente sa Sardigna. Su risurtadu est fruttu de su tribagliu leadu a daenantis dae sa Regione Autonoma de sa Sardigna impare cun su Ministeru de sas Infrastrutturas e de sas Carraduras e sa Cummissione Europea, rispettande sas regulas europeas po sos collegamentos garantidos dae s’Istadu.

Ant a podere godire de sos pretzios aggiudados, cun d’unu accreschimentu minimu in cunfrontu a cussos istabilidos po sos chi bistant inoghe, ma cun d’unu pretziu massimu giai istabilidu, sos parentes fintzas a su terzu gradu. At a serbire a fizzos, babbos e mamas, frades e sorres, giagios e nepodes,tios e atteros nepodes. S’azzudu balet fintzas po maridos e muzzeres e po sos fizzos de sos famigliares chi tenent dirittu a s’iscontu.

Sa misura punnat a alcansare chie at dassadu sa Sardigna po motivos de tribagliu o de istudiu ma sighit a mantennere unu ligonzu forte cun s’isula, gai comente sas famiglias chi bivent partidas intre regiones divressas. S’intentu est de faghere divennere prus simple e prus pagu caru su viazu po chie depet torrare a domo pro motivos famigliares.

Sa cabuda de sos billettos a pretziu bassu affortigat duncas su dirittu a si podere movere in d’una regione chi po sa posissione geografica sua depet faghere sos contos cun collegamentos prus cumplicados e caros in cunfrontu a atteras zuras de s’Italia, azzuande non solu sos chi b’istant ma fintzas sas famiglias insoro.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22