Bastat cun sas suspensiones e cun sas notas disciplinares. Ocannu, in s’Istitutu Rosa Luxemburg de Bologna, b’at unu acostamentu nou a sa disciplina iscolàstica: imbetzes de èssere punidos, sos istudiantes chi faghent a malos ant a dèpere atèndere s’ortu. Custu progetu innovativu est generende un’interessante discussione subra su modu chi sas iscolas podent afrontare su cumportamentu de sos istudiantes in modu prus costrutivu e positivu.

S’ortu, gestidu dae 900 iscolanos, tenet medas finalidades. Pro primu servit comente isfogu pro iscarrigare sa tensione e su nervosismu chi si podent amuntonare durante sas letziones. Posca serbit comente  alternativa a sas santziones disciplinares traditzionales. Sa prèside, Alessandra Canepa, ispiegat chi su beru motivu de sas santziones est de fàghere riflètere sos istudiantes subra sas atziones issoro. S’ortu oferit un’ambiente ideale pro custa riflessione, sende chi sa naturalesa e su traballu fìsicu podent agiuare sos istudiantes a cumprèndere mègius sas cunsighèntzias de sas atziones issoro.

Custu acostamentu innovativu est s’isprigu de una consièntzia noa, sa de pònnere sos istudiantes in cuntatu cun sa natura e de pònnere in pràtica sas abilidades manuales issoro. S’ortu no est petzi unu logu de punitzione, ma fintzas un’ispàtziu educativu. Sos istudiantes imparant a coltivare matas, a atèndere su terrinu e a cumprèndere su tziclu de vida de sos fundos. Custas sunt cumpetèntzias pretziosas chi podent èssere aplicadas in sa vida de cada die.

Ma s’innovatzione non si firmat a s’ortu. Paris cun s’ortu, est istada creada un’àula a s’abertu, un’oportunidade ùnica pro sos istudiantes de imparare in un’ambiente naturale. Custa est sa prima bia chi benint organizadas letziones a s’abertu, e s’istudiante mèdiu espressat curiosidade e antitzipatzione pro custa esperièntzia noa.

Sos ispàtzios a s’abertu e s’ortu sunt su resurtadu de sa collaboratzione intre espertos in architetura orgànica, comente  Mario Serantoni, e ispetzialistas in percursos didàticos, comente  Amerigo Sivelli.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Casteddu in difficultade: terza derrotta una fattu de s’attera e sa Cremonese si accurtziat.

Su Casteddu est bivinde unu mamentu complicadu meda.S’isquadra at perdidu po sa terza borta una fattu de s’attera e como sa classifica faghet un’attera borta frea. Sas atteras isquadras chi battagliant pro si salvare sunt recuberande puntos, e su vantazu de sos ruju e blau si est minimande semper de prus.

Su peus nuntzu est arrivadu dae Parma, inube sa Cremonese at binchidu.Cun custu risurtadu est arribada a solu tres puntos dae su Casteddu. Custu cheret narrere chi sa battalla po addurare in sa categoria est abberta de su tottu.

Sos numeros de sas urtimas partidas sunt negativos meda. In sas urtimas sette partidas, su Casteddu at leadu solu duos puntos. At perdidu chimbe bortas e pareggiadu duas. Est unu de sos peus risurtados intre sas isquadras chi chircant de si salvare. Eppuru, pagu tempus faghet, sa situsassione pariat divreassa meda: tres binchidas una fattu de s’attera aiant fattu isperare in d’unu finale de istajione prus tranchillu. Pustis de cussu mamentu positivu,peroe, s’isquadra si est frimmada. Fintzas sa sotziedade aiat leadu detzisiones pensande chi su peus esseret passadu, comente sa bendita de Luperto propriu a sa Cremonese, chi como est una cuncurrente diretta.

Sa classifica est ancora intzerta. Fintzas atteras isquadras si podent accostare o binchere su Casteddu. Sa Fiorentina diat podere andare a daenantis, mentres su Lecce podet tennere sos mattessi puntos. Tottu at a dipendere dae sos risurtados de sas partidas imbenientes prima de sa frimmada. Su mese de Aprile at essere importante meda. Su Casteddu at a deppere accomettare su Sassuolo in domo sua e pustis at a giogare in domo contra sa Cremonese. Sunt duas partidas de fundamentu pro cumprendere comente at andare a si accabbare s’istajone.

S’isquadra at a torrare a si allenare martis in Assemini, ma bi ant  essere medas ausentzias. Carchi giogadore est impignadu cun sa natzionale sua, comente Caprile e Palestra cun s’Italia. Fintzas Kilicsoy e Obert non bi ant a essere, gai comente Sulemana e fortzis Litetas, chi no est a su menzus. Unu nuntzu bonu arribat dae Borrelli, chi est recuberande e diat podere giogare dae s’incumintzu de sa prossima partida. Sa torrada sua est importante, pro itte su Casteddu at sinzadu pagu in sas urtimas partidas.

Como su Casteddu non podet prus isbagliare. Serbit una reatzione lestra pro evitare de finire in mesu de sos aggios. Sas partidas imbenientes ant a essere detzisivas pro si salvare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22