Su trimestre anti-inflatzione est comintzadu. S’initziativa rapresentat un’oportunidade ùnica pro su rispàrmiu in mìgias de butegas de totu sa Sardigna. Promòvida dae su Guvernu, sa mesura governativa punnat a cuntènnere sa crèschida de sos prètzios e a preservare su podere de achistu de sos consumadores, mescamente de sas famìlias, pro more de cuntrastare s’aumentu de s’inflatzione e evitare chi si furrit a tendèntzia istruturale.

Su trimestre anti-inflatzione rapresentat un’acòrdiu intre su guvernu, sos produtores e sos distribudores cun s’intentu de ofèrrere a sos tzitadinos italianos una  gama manna de produtos a prètzios istabilidos o iscontados. A custa initziativa ant partetzipadu 32 assòtzios, dimustrende un’interessamentu mannu in sa promotzione de prètzios atzessìbiles e pro sustentare su podere de achistu de sos consumadores, prus che totu in unu perìodu de chi s’inflatzione est aumentende meda.

S’obietivu printzipale est cuntènnere sos costos de sos benes de prima netzessidade, alimentares e nono, cumpresos cuddos presentes in su “carrellu de s’ispesa” tradizionale. Custa initziativa s’allargat fintzas a sos produtos destinados a s’infàntzia e a sa cura personale. Custu resurtadu est istadu otentu gràtzias a s’isfortzu de vàrios atores de sa cadena de distributzione chi frunint  cooperativas, potecarias, de para-putecarias, artesania e massaria.

Comente funtzionat custa initziativa? Sas impresas de sa distributzione chi aderint a custu programa s’impinnant a ofèrrere una seletzione de artìculos a prètzios cumbeniosos, cun particulare atentzione a sos produtos de impreu fitianu chi faghent parte de su “carrellu de s’ispesa”. Durante su trimestre anti-inflatzione (dae su 1° de santugaine a su 31 de nadale 2023), custas aziendas s’impinnant a non aumentare sos prètzios de custa seletzione.

Su cunsìgiu est de non pèrdere s’ocasione de fàghere achistos vantagiosos e amparare su bilantzu familiare durante custu trimestre anti-inflatzione. In Sardigna pro isfrutare custa oportunidade de rispàrmiu si podent connòschere totu sos esertzìtzios aderentes in s’ìsula incarchede sa zona chi interessat:

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Femina aggurteddada in Tattari: s’affraccadore presumidu est su tiu de su maridu.

Sa femina, una de chimbanta annos, est bistada corfida a s’ischina, su prumone e a sos renes. S’omine de 55 annos, est bistadu arrestadu pagu tempus pustis de su tentadu mortoriu de sa femina. Una disgrassia si est cossumada a manzanu tardu in Tattari, in d’una domo in sa carrela Cabu d’Ispiga, in sa zura arta de su trichinzu Monte Rosello.

Un femina de casi 50 annos est bistada aggurteddada in manera isferizada, retzinde isticchidas graves meda chi ant dimandadu un’interventu de sos duttores lestru meda in s’ispidale Santissima Annunziata de Tattari. Secundu sas primas novas bessidas a pizzu dae sas iscruccullas de s’Isquadra Mobile de sa Politzia de Tattari, cun su dirigente Michele Mecca, s’affraccadore tiada podere essere un’omine de 55 annos, tiu de su maridu de sa femina.

S’omine est bistadu arrestadu in pagos minutos pustis de s’accadessimentu gratzias a s’interventu lestru meda de sa politzia.

Sa femina est bistada corfida parizzas bortas cun d’unu burteddu de coghina chi teniat un’atza longa e acuta. Sas isticchidas sunt bistadas meda graves: sa femina est bistada isticchida prima a s’ischina, pustis a unu prummone e infinis a unu rene, chi est bistadu pertusu dae s’atza. Pustis de s’attaccu, sa femina est resessida a si cuare in d’una istantzia de sa domo, teninde unu momentu de assulenu solu cando si est abizzada chi s’affraccadore si che fit andadu.

Mancari intenderet dolore e su periculu chi s’omine torrerat, at acciappidu sa fortza de dimandare azzudu a una bighina de domo. Custa at giammadu sos succursos e sa politzia in presse meda, permittinde un’interventu lestru.

In sa domo sunt arrivados sos de sa politzia e un’ambulantzia de su 118. Sa femina est bistada leada in presse meda a s’ispidale Santissima Annunziata in coditze ruju, inue l’ant operada in presse meda po li salvare sa vida. Sa femina est sempre grave, ma sos duttores sunt faghinde su chi est possibile po la salvare.

In su mentres, sa politzia si est posta a chircare s’omine, e l’at agattadu in sa mattessi zura pagos minutos pustis de s’affraccada. S’omine est bistadu frimmadu e che lu ant giuttu in Questura po li faghere sas dimandas. Incuddane sunt arrivados fintzas sos de s’iscentifica po faghere sos cabbales e regollere proas chi potant servire a faghere cumprendere comente tottu custu est sutzessu.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22