Una traditzione raditzione si torrat a repìtere in Crabas mentras treghentas fèminas, bestidas cun bestires traditzionales e iscurtzas, carrant in professone s’istàtua de Santu Srabadoeddu. Custu eventu seculare, tzelebradu comente sempert, est unu puntu de partèntzia significativu pro sa festa in onore de Santu Sarvadore.

Sa Festa de sAntu sArvadore est una manifestatzione reconnota de grandu valore identitàriu dae sa Regione Sardigna. Organizada dae su Comunu de Crabas cun s’amparu de s’Assessoradu a su Turismu de sa Regione Sardigna e sa collaboratzione de diversos assòtzios locales, sa professone costituit unu momentu detzisivu de custa tzelebratzione.

Durante is annos, is fèminas de Crabas ant dadu cumintzu a is tzelebratziones, bestende is bestires traditzionales de su passadu e printzipiende una professone de fide. S’eventu afòrtiat non petzi su ligàmine cun is raighinas culturales, ma rapresentat fintzas un’isfortzu colletivu, comente afirmat su Sìndigu Andrea Abis.

Sa preparatzione comintzat in antis de s’arbèschida, cando is fèminas bestint is bestires de època cun s’agiudu de is mamas e de is mannais. Is pilos sunt collidos in dae segus e cugugiados dae is mucadores, mentras su bestire coloradu est postu subra sa camisa bianca, e is gunneddas sighint pinnigas verticales pretzisas.

S’eventu simbulègiat s’istòria de Crabas, un’istòria de antiga de devozione fide. Custos momentos s’acumprint in un’atmosfera de mannu respetu pro is traditziones de su Sinis.

Is treghentas fèminas iscurtzas, cun sa beneditzione de su Missennore Giuseppe Sanna, printzìpiant unu percursu de prus de sete chilòmetros dae sa crèsia de Santa Maria a su bidditzolu de Santu Sarbadore. Sa martza devota issoro est una de is  prus ammajadoras in Sardigna.

Custa esperièntzia de fide s’acumprit suta su sole e in su prùere, e ammàniat su terrinu pro sa Cursa de is Scurtzos, prevìdida pro su 2 e pro su 3 cabudanni. S’arribu de sa professone de is fèminas a Santu Sarbadore  est annuntziadu dae s’isciòpidu de is cotes e dae is gòcius in limba sarda dedicados a su Santu.

S’istàtua de Santu Srabadoeddu at a abarrare a sa pratza printzipale e in su santuàriu de Santu Sarvadore finas a su 4 cabudanni, cando is iscurtzas l’ant a acumpangiare torra a sa tzitade  de Crabas. Custu eventu unit devotzione, traditzione e comunidade in un’espressione de fide e identidade.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Tzinema sardu, arribat su film”Bandidos e Balentes de Fabio Manuel Mulas

Si sunt faghinde sas represas de su film “Bandidos e Balentes”, su disignu tzinematografficu novu de su regista sardu Fabio Manuel Mulas, chi at a bessire intre pagu tempus. Su film contat un’istoria ambientada in sa Sardigna de su passadu e s’ispirat a sos contos e mudas ligadas a su fenomenu de sos bandidos in s’isula.

Mulas est unu regista e autore sardu chi dae annos tribagliat in su mundu de su tzinema indipendente. In sos tribaglios suos dat attentzione particulare a s’istoria, a sa cultura e su connottu de sa Sardigna. Sa tiza battit supra s’ischermu unu mundu fattu de connottu, gherras e vida in sas zuras internas de sa Sardigna.

Sas mudas sunt ambientadas in sos annos Chimbanta e mustrant comente sa vida de sas pessonas esseret signada dae vindittas e cunfrontos diffitziles intre familias e bandidos. A su tzentru de s’istoria bi sunt pessonas divressas sas vidas de sas cales cambiant propriu pro more de custu clima de tesone e violentzia.

Su film cheret contare non solu su bandizadu ma fintzas sa cultura e sas bistas de s’isula. Sos montes de intro, sas biddas e sas campagnas de sa Sardigna faghent de irfundu a sas mudas de sos attores e mustrant una terra antiga e forte, ligada in manera funguda a su connottu suo.

In su “cast” medas piccioccos sardos, calicunu a sa prima esperientzia, ma fintzas s’attora sarda Caterina Murino, nodida a livellu internatzionale pro sos rolos suos in su tzinema e sa televisione. Sa partetzipassione sua est unu balore in prus po su disignu e at a dare unu contribbudu e faghere biere de prus su film. Sar represas sunt appassionande paritzos logos de s’isula e sunt attirande s’attentzione de appassionados de tzinema e curiosos.

S’intentu de su regista est de contare una pagina de s’istoria sarda pro mesu de unu limbazu tzinematografficu capatze de aunire assione, dramma e connottu. Cun s’essida chi si prevedit in sos meses imbenientes,”Bandidos e balentes” puntat a che leare supra de s’ischermu mannu un’istoria ligada a sa Sardigna in manera funguda, balorizzande s’iscrocca e sas raighinas culturales suas. Su film est fintzas un’occasione pro faghere connoschere a su pubbricu una parte importante de sa memoria istorica de s’isula pro mesu de su tzinema.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22