Acanta su situ archeològicu de sa tzitade antiga de Nora, sunt istadas bogara a campu una pratza de edade mèdio imperiale e duas funtanas monumentales

S’istòria de Nora, antiga tzitade de su sud de sa Sardigna, s’arrichit semper de prus: una campagna de iscavos reghente,  difatis, at permìtidu a sos archeòlogos de iscoprire una cosa ispantosa. Si tratat de una pratza de edade mèdiu-imperiale, unu tempus decorada cun duas funtanas monumentales de seguru impatu iscenogràficu, gràtzias fintzas a sos giogos de abba. Immoe sos visitadores s’ant a pòdere atzufare in custa bellesa, isperimentende – cun s’agiudu de sa tecnologia – unu beru biàgiu in segus in su tempus.

S’ùrtima campagna de iscavos fata a Nora, at dadu sos frutos suos: sos archeòlogos ant traballadu in s’àrea de sa Punta de Tanit – chi pigat su nùmene dae sos restos de un’edifìtziu sacru dedicadu cun probabilidade a custa dea – e ant  individuadu una parte de su chi est resurtadu èssere unu bighinadu abitativu e artesanale de edade romana. Sas chircas posca sunt istadas allargadas, interessende fintzas su setore a presu de sa zona de atzessu a su parcu archeològicu, e ant permìtidu de iscobèrrere una cosa meravigiosa. Dae suta terra est istada bogada a pìgiu una pratza manna, chi cun probabilidade est s’edade mèdiu imperiale.

Magnìficos sos particulares, a cumentzare dae sa posta de su pamentu realizada cun basolos in andesite in colore de viola de orìgine locale. In prus, sa pratza acasàgiat duas funtanas monumentales chi unu tempus deviant regalare ispetàculu a sos abitantes gràtzias a sos giogos de abba. Sa prus manna de sas duas est de forma tzirculare. Cun probabilidad est istada fata pro disìgiu de unu de sos tzitadinos prus importantes de Nora, o fortzis peri de un’imperadore, bida sa maestosidade sua.

Sos archeòlogos ant agatadu posca medas àteros repertos chi ant permìtidu  de individuare in sa pratza sa chi deviat èssere su coro de sa tzitade de Nora, su logu ue si faghiant medas fainas artesanales e produtivas. Fatu de sa parte otzidentale, difatis, b’at ambientes chi beniant impreados comente  butegas. Sunt istados fintzas atzapados bucones de tèllias e cardigas in terracota, impreadas cun probabilidade comente furru: pro sos espertos, diant èssere signales craros de una faina dedicada a sa traballadura de su pane.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

S’Impresa de sas Feminas in Sardigna: Porfias e Occasiones.

S’impresa de sas feminas in Sardigna est pigande unu rolu semper prus importante in sa trama accolomica de s’Ìsula. In sos ùrtimos annos, sas feminas imprendidoras ant mustradu capatzidade manna de fortza e ideas novas, accomettande ass difficultades ligadas a su guvernu de un’impresa in unu cuntestu regionale medas bortas distintu dae possibilidades e ammanios alindados.

Meda de issas tribagliant in oss logos de su connottu comente s’artisania e sa laurantza, ma unu nùmeru chi est creschinde s’afirmat in sos servìtzios, in su turismu e in sas atividades digitales, battinde frischesa, creatividade e una bìsione noa de su fàghere impresa.

Mancari su progressu, sas imprendidoras sardas sighint a si cunfrontare cun porfias importantes. S’accontzu intre vida professionale e famìliare sighit a èssere unu tema tzentrale, ispetzialmente in sas zuras de mesania e in sos tzentros minores, in ube sa presèntzia de servìtzios de azzudu est medas bortas limitada.

S’atzessu a sos finantziamentos e a sos capitales netzessàrios pro crèschere e innovare rapresentant un’àteru impedimentu, gai comente sa presèntzia de differentzias de zenia in su mercadu de su tribagliu. Bell’e gai, medas feminas accomettant custas difficultadas revertindelas in possibilidades, creende retes de collaboratzione, percursos de formassione e iniziativas chi podent dare balore a sas cumpetèntzias insoro.

Sas istitutziones e sos assòtzios locales sunt tribagliande pro poderare custas realidades, lanciande ispintas, programas de mèntoring e retes de azzudu pro fàtzilidare s’isviluppu de impresas ghiadas dae feminas. S’intentuu no est solu de favoressere sa crèschida econòmica, ma fintzas de
afortigare su rolu sotziale e culturale de sas imprendidoras in sas comunidades locales.

S’impresa de feminas in Sardigna si cunfirmat gai comente unu motore de innovatzione e unu puntu de riferimentu pro chie chircat modellos novos de impresa, capatze de conziminare connottu, creatividade e modernidade.

Puru cun difficultades ancora dae accomettare, sas feminas imprendidoras sardas dimustrant donzi die chi detzisione e capatzidade imprendidora podent cunvertire sas porfias in sutzessos beros, cuntribbuinde in manera detzisiva a s’isviluppu accolòmicu e a sa balorizatzione de s’iscrocca.

Attività realizzata con il contributo della Regione Sardegna – IMPRENTAS 2024- 2025.LR22/2018, art.22”