Su 20 de maju 1990 est una data chi at a abarrare imprìmida in sa memòria de sos tifosos de su Casteddu. A pustis de unu calvàriu duradu sete annos, sos sardos ghiados dae su giòvanu tècnicu Claudio Ranieri aiant otentu unu parègiu in domo de su Pisa, gràtzias a sas retes de Provitali e Valentini, conchistende gasi sa meda disigiada promotzione in Sèrie A. Fiat istada una die de festa e de brègiu indescrivìbile pro sos sardos, chi in fines fiant torrados in sa màssima sèrie a pustis de àere isetado medas annos.

Su mèritu de custa arrania  andat atribuida fintzas a su presidente Tonino Orrù, chi aiat assùmidu sa ghia de su clus  in cunditziones econòmicas malas meda. Orrù si fiat fatu càrrigu de sos dèpidos de su Casteddu e deretu aiat comintzadu a fraigare un’iscuadra forte  e cumpetitiva, pronta a torrare a su fùbbalu chi contat. In duos annos ebbia, su presidente fiat resèssidu in s’impresa de portare sos sardos dae sa Sèrie C a sa Sèrie A, dimustrende una grandu determinatzione.

Su campionadu 1989-1990 non fiat istadu seguru una passigiada pro su Casteddu. In sas primas bator dies, s’iscuadra de Ranieri aiat collidu petzi 4 puntos, frutu de una vitòria, unu parègiu e duas derrotas esternas. Nointames, fiant istadas sas tres vitòrias de fila de pare a fàghere isperare a sos tifosos sas potentzialidades de cudda iscuadra. Dae cussu momentu in susu, su Casteddu si fiat postu in giogu cun ogni aversàriu, dimustrende una determinatzione e un’ardera istraordinària. A s’agabbu de su campionadu, sos ruju-blu si fiant piatzados a su de tres postos in classìfica, conchistende sa promotzione matemàtica cun una die de antìtzipu.

Sa torrada de su Casteddu a Sardigna fiat istada un’ocasione pro festare. Sos caminos de sa tzitade fiant istados invàdidos dae sos carosellos de sos tifosos, pregiados de tzelebrare custu traguardu pròpiu binti annos a pustis de s’iscudetu de su 1970. S’entusiasmu e su cuntentu si podiant bìdere in ogni corratzu de sa tzitade, mentras si tzelebraiat s’istòria de unu tzìrculu isportivu e su trìunfu de un’iscuadra chi aiat lutadu in manera tosta pro torrare a su fùbbalu chi contat.

Sa figura de Claudio Ranieri est istada fundamentale in custa incredìbile impresa. Su talentu suo, sa sua leadership e sa capatzidade sua de gestire un’iscuadra ant fatu sa diferèntzia. A pustis de 33 annos, su Casteddu torrat a calcare sos campos de sa Sèrie A gràtzias a su traballu sena pasu de Sir Claudio Ranieri, chi at ischidu ghiare sos sardos cara a unu traguardu tantu abetadu e meritadu.

Oe, in su làmpadas 2023, su Casteddu torrat a èssere una realidade consolidada in su fùbbalu italianu. Sa promotzione in Sèrie A rapresentat unu capìtulu nou in s’istòria de unu tzìrculu chi s’est torradu a istantargiare a pustis de unu perìodu longu de purgatòriu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Regorta differentziada,Sardigna intre sas primas ma serbit unu passu in prus.

Sa Sardigna si cuffirmat intre sas regiones prus attentas a sa conduida de s’arga. In su 2024 sa regorta differentziada est arrivada a su 76,5% e balet su terzu postu in Italia, in daesegus de Emilia Romagna e Veneto.

S’elementu,presentadu dae Legambiente in su mentres de s’Ecoforum de Casteddu, mustrat una situassione positiva.Intames si registrat una minimada pitticca de sos comunes prus virtudosos e de cussos chi resessint a arrivare a prezenias artas meda de regorta. In d’una parte manna de s’isula sunt oramai diffundidas abitudines bonas in s’isseperu de s’arga, signu chi in sos annos est bistadu fattu unu tribagliu importante dae sas amministratziones e sos tzittadinos. Sa regorta gianna pro gianna e un’attentzione prus manna a sos cumportamentos de donzi die ant dadu unu contribbudu pro mezorare sos risurtados.

A su mattessi tempus addurant ancora trempas de mezoramentu. Carchi tzentru no arribat a sos livellos prevedidos e sighint a faghere prus fatiga,comente Tattari, mancari siant arribande cambiamentos chi diant podere battire menzus resurtados giai in sos annos imbenientes. Intre sas tzittades printzipales si annoditant Aristanis e Nugoro, chi cuffirmant prezenias artas e organizassione bona de su servitziu, divenninde puntu de relata fintzas po sas atteras iscroccas.

Su cuadru chi bessit a pizu est cussu de una regione chi at fattu passos in daenantis importantes, ma chi non si podet permittere de si frimmare. Una parte de s’arga sighit difattis a no essere differentziada e custu pesat siat supra de s’ambiente chi supra sos costos pro sas comunidades. Sa bera porfia como no est solu mantennere sos risurtados segudados, ma los rendere prus pariviles in totta sa Sardigna. Bi sunt iscroccas chi andant bene meda e atteras chi addurant in daesegus: minimare custa differentzias at essere de fundamentu pro mezorare deabberu su sistema.

In giogu non bi est solu una prezenia, ma sa manera cun sa cale si abbidat a su tempus benidore. Mezorare sa derettura de s’arga cheret narrere de minimare su corpu supra de s’ambiente, ma fintzas fraigare comunidades prus scientes e responsabbiles. Est unu caminu chi dimandat continuidade e impignu e seperos craros, pro itte sos resurtados alcansados fintzas a como mustrant chi furriare est possibile, ma solu si si andat a daenantis chena si frimmare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22