Unu biliardinu fatu cun materiale retzicladu acanta sos mamutzones giogant contra sos militzianos de Sant’Efis. Est una de sas òperas fatas cun sos iscartos dae Davide Volponi, artista casteddaju de  47 annos est dedichende s’atividade sua de artista a su retziclu de cussos ogetos chi semus abituados a cunsiderare “cosa de nche fuliare”, ma chi in berteru tenent sa possibilidade de torrare a bìvere suta forma de òperas de arte.

Cun su biliardinu cuncordadu cun materiale de iscartu, acanta sos mamutzones giogant contra sos militzianos de Sant’Efis, Volponi at  bòlidu mandare unu messàgiu craru: su primu est cussu de sighire a coltivare sas traditziones antigas nostras, su segundu est cussu de pònnere s’atzentu subra sas brigas tontas chi a bias bi sunt tra sardos, cosa chi faghet dannu a su progressu de s’ìsula.

Un’àteru messàgiu importante est posca cussu ecològicu. Difatis su de torrare a impreare materiales de iscartu finas in s’arte est una manera pro contribuire a preservare s’ambiente e su mundu chi nos inghìriat.

S’òpera est posta a s’internu de sas creatziones de su colletivu artìsticu e tzentru de isperimentatzione Castia Arts Professional Group, naschidu pro tratare de argumentos temàticas ambientales, istòricas, traditzionales pro mesu de s’arte.

Davide Volponi est nàschidu su 21 de ghennàrgiu de su 1973 a Casteddu, in ue bivet. S’est diplomadu a su Litzeu Dettori e at frecuentadu sa facultade de Giurisprudèntzia acanta s’at leadu sa làurea in su 2001. Dae su 1997 finas a su 2019, a pustis de sa morte de su babbu, paris cun sa sorre s’azienda de famìlia, ispetzializada in sa bèndida de linnàmene. Pròpiu custa atividade at ispiradu s’arte sua. Sa linna l’at dadu sa possibilidade de isfogare sa bena creativa sua recuperende materiales e ogetos pretziosos meda chi caraterizant custu àngulu de mundu pro los torrare a impreare e pro los trasformare in àteras cosas. Custa est peri una metàfora de sa vida, pro ite cheret nàrrere chi totus podimus tènnere una segunda possibilidade e fintzas sos ùrtimos podet duncas tènnere unu  riscatu in sa vida.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Pranos de creschida e balorizzassione de s’iscrocca: sa Fundatzione Barumini affortigat su soberamentu intre Europa e Italia.

Sighit su caminu de sa Fundatzione Barumini pro faghere connoschere sa Marmilla fora de sas lacanas regionale e natzionales. In sas urtimas chidas custu impignu si est abberadu cun sa partecipassione a duos abbenimentos importantes dedicados a su turismu e su soberamentu de sas iscroccas. Duas esperientzias divressas ma ligadas dae su mattessi intentu chi est cussu de contare un’iscrocca ricca de istoria cultura e bista.

Su primu mamentu est bistadu in Parigi pro su Salone Mondiale de su Turismu. Su seperu de si presentare imparis at dadu prus fortza a su nuntzu e at permittidu de apparare una bisione cumprida de sa Marmilla. Intro de sos logos espositivos sas realidades ant mustradu sas particularidades printzipales de s’iscrocca. Attentzione manna est bistada posta a sos sitos archeologicos, a sa natura e su connottu locale. Su tribagliu cundivisu at fattu divennere prus balida sa presentatzione e at attiradu s’interessu de sos bisitadores e operadores de tottu su mundu.

Cussu frantzesu est difattis unu de sos abbenimentos prus importantes in Europa pro custu campu. Accorrat donz’annu unu numeru mannu de partetzipantes e est unu puntu de addobiu intre chie tribagliat in su turismu e chie chircat logos novos de bisitare. In su mentres de su Salone sa Fundatzione Barumini Sistema Cultura at presentadu una manera de biazzare prus abbizosa e prus lenta. Unu turismu chi ponet a su tzentru s’esperientzia deretta, su cuntattu cun sa nadura e s’iscoperta de sas biddas pitticas. Sunt bistados contados sos caminos, su connottu e sos logos prus pagu connoschidos chi sunt una ricchesa manna pro s’iscrocca.

S’intentu est cussu de apparare a sos bisitadores un’esperientzia bera fatta de addobios connoschentzia e partecipassione. Unu modellu chi aunit cultura ambiente e identidade locale e chi puntat supra sa calidade de s’offerta prus che supra sa cantidade de sos bisitadores. Custu caminu mustrat chi su soberamentu de s’iscrocca non podet essere dassadu a su casu ma depet essere fraigadu cun attentzione e continuidade. Sa presentzia in mustras natzionale e internatzionales azzuat a affortigare sa frigura de sa Marmilla e a la faghet divennere semper prus connoschida.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22