Pelé, a s’anàgrafe Edson Arantes do Nascimento, unu de sos calciadores prus mannos de s’istòria, est mortu oe in San Pàule de su Brasile. Teniat 82 annos e fiat malàidu de meda tempus de tumore a su colon. Fiat ricoveradu dae deghe dies e eris saa cunditziones si nche sut agravadas medas. Ufitzialmente s’est mortu a càusa de un’insufitzèntzia renale e cardìaca.

At gherradu finas a s’ùrtimu, comente  at semper fatu in vida sua, in su campu de fùbbalu e foras, però custa borta s’aversàriu fiat prus forte meda de issu.  In sos meses colados aiat cumentzadu unu tziclu nou de chemioterapia, ma s’ischiat chi sas isperàntzias non fiant medas, sende chi su tumore si fiat ispainadu in àteros  òrganos. Posca sunt lòmpidas cumplicàntzias renales e cardìacas.

Su giogadore brasilianu at gherradu finasa s’ùrtimu afrontadu su calvàriu suo cun sa matessi fortzat chi teniat in intro de su campu. Cun sa màllia de su Brasile aiat bìnchidu  tres Mundiales, 1958, 1962 e 1970 de marcare prus de 1280 gol in 1363. Gràtzias custas rsèssidas fiat istadu numendadu dae sa Fifa su calciadore e de su Sèculu pro sa Fifa, e Pallone de Oro de su sèculu, otenede su reconnoschimentu peri dae su Comitadu Olìmpicu Internatzionale e pro s’International Federation of Football History & Statistics(ùnicu a giogadore a su mundu)

A 16 annos fiat devènnidu su capucannoneri de su Campionadu Paulista, un’annu a pustis fiat giai in Natzionale, e cando no aiat lòmpidu mancu 18 annos aiat bìnchidu su primu Mundiale suo.  In ghennàrgiu fiat morta in 91 annos Elza Soares, legenda de sa mùsica brasiliana. Galanu meda su pensamentu chi Pelè l’aiat dedicadu: «Unu mitu de sa mùsica nostra. Istòrica, sena paragones. Pro s’interru suo totu su Brasile s’at a firmare. Su corpus est istadu imbalsamadu e at a èssere espostu lunis 2 ghennàrgiu a Vila Belmiro, s’istòricu istàdiu de su Santos ue sa legenda de su fùbbalu brasilianu at giogadu pro prus tempus. Sa salma at a èssere posta in su tzentrucampu. A sa tzerimònia at a leare parte fintzas su presidente Lula, medas autoridades e esponentes de su fùbbalu brasilianu e mundiale.

“Progetu finantziadu cun s’Avisu Pùblicu IMPRENTAS annualidade 2021-2022”

Pinnettos sardos, furriadorzos antigos chi contant sa vida de sos pastores.

Sos pinnettos, sunt intre sas testimonias prus beras de sa Sardigna de campagna e contant una manera de bivere ligada in manera funguda a sa pastoria e s’iscrocca. Ispartos mescamente in sas zuras de intro de s’isula, in manera particulare comente s’Ozzastra, beniant fraigados dae sos pastores comente furriadorzos in su mentres chi passaiant tempus meda in campagna imparis cun sos masones. S’istruttura insoro est simple ma zeniosa:tenent una forma tunda cun d’una base fatta cun pedras e una copertura fatta de rampos e frastamazas intritzadas, a s’ispissu de ghiniperu, impittande solu materiales naturales chi si agattaiant in cussu logu.

Intro, su logu est essentziale ma funtzionale, chi bastaiat pro si amparare dae su frittu,dae su bentu e s’abba,coghinare e costoire sos istrumentos de tribagliu,chena mai essere pensados comente domos abbarrantes ma comente puntos de accottu ligados a sa vida pastorale.

Custos fraigos naschent dae una connoschentzia funguda de s’ambiente e de sos medios suos, inube nudda capitat pro casu: su seperu de sos materiales,sa forma,s’orientamentu, tottu rispondet a esigentzias pratigas e a sa netzessidade de si adattare a cundissiones a s’ispissu diffitziles.Sos pinnettos sunt duncas non solu unu furriadorzu fisicu,ma fintzas unu esempru beru de ecchilibriu intre omine e natura, fraigados chena trastoccare sa bista ma intregandesi intre issa in manera perfetta.

Ancora oe sunt presentes in medas zuras de sa Sardigna, calicunu cusservadu bene, atteros sinzados dae su tempus, e sighint a contare un’istoria fatta de tribagliu, sacriffissiu e vida de donzi die attesu dae sas biddas.In sos urtimos annos est creschida s’attentzione a banda de sa tutela e balorizzassione insoro, cun interventos de recuberu e insertu in caminos naturalisticos e culturales, signu de unu rennoadu attuamentu de su balore insoro istoricu e de s’identidade.

Sos pinnettos non sunt solu fraigos de su passadu, ma conas de una cultura chi at ischidu resistire e si adattare in sos seculos.Costoire custa istrutturas cheret narrere de mantennere biva sa memoria de unu mundu chi at formadu s’identidade de sa Sardigna e chi fintzas oe podet indittare meda.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22