Naschet s’aplicatzione de Alexa “Parole di Grazia”, unu servìtziu chi permitit de ascurtare sos petzos e de connòschere sos logos de Grazia Deledda – prèmio Nobel pro sa literadura in su 1926 – a traessu de una seletzione de messàgios vocales atzessìbiles dae totu su mundu.

A pustis de Dante Alighieri e de Papa Francesco, Grazia Deledda est sa de tres personalidade de rilievu internatzionale a èssere avaloradu gràtzias a s’intelligèntzia artifitziale.

Sa Provìntzia de Nùgoro e su diretore artìsticu de su comitadu pro sas tzelebratziones de su de 15 anniversàrios de sa nàschida de s’iscritora nugoresa, Anthony Murony, ant puntadu totu subra de s’innovatzione, ponende in custa manera unu sistema de abbistesa artifitziale a su servìtziu de sa cultura. “Sos càbidos audiofònicos si podent iscurtare impreende unu cumandu vocale chi faghet a ativare fintzas dae su telefoneddu – ispiegat Muroni – Amus pensadu chi custu fatzat a aporrire in vida sa fèmina e de s’artista, a traessu de un’esperièntzia orale e de iscurtu, creende in su matessi momentu una ghia turìstica e literària a disponimentu de sos apassionados, de sos amantiosos e de sos turistas”.

“Sunt tres sas esperièntzias de impreu de s’aplicatzione — at agiuntu su cummissàriu istraordinàriu de sa Provìntzia de Nùgoro Costantino Tidu – diversificadas a segunda de cussos chi sunt sos interessos de s’impitadore. Un’invitu a su biàgiu a traessu de una ghia turìstica literària e un’invitu a sa letura pro chie disìgiat a s’aventurare in su mundu literàriu de s’autora”. Sos càbidos audiofònicos cun sos petzos de s’iscritora faghet a los intèndere in italianu e in inglesu e sunt lèghidos dae dopiadores e leghidores  professionistas.

Duncas si tratat a beru de una novidade manna, chi at a permìtere a totus, e in ogna corratzu de su mundu, de gosare de sa bellesa de sas òperas de Grazia Deledda, chi depet èssere unu motivu de orgòllliu pro totu sos sardos de Sardigna e de su Mundu!

 “Progetto finanziato con l’Avviso Pubblico IMPRENTAS annualità 2021-2022”

Pranos de creschida e balorizzassione de s’iscrocca: sa Fundatzione Barumini affortigat su soberamentu intre Europa e Italia.

Sighit su caminu de sa Fundatzione Barumini pro faghere connoschere sa Marmilla fora de sas lacanas regionale e natzionales. In sas urtimas chidas custu impignu si est abberadu cun sa partecipassione a duos abbenimentos importantes dedicados a su turismu e su soberamentu de sas iscroccas. Duas esperientzias divressas ma ligadas dae su mattessi intentu chi est cussu de contare un’iscrocca ricca de istoria cultura e bista.

Su primu mamentu est bistadu in Parigi pro su Salone Mondiale de su Turismu. Su seperu de si presentare imparis at dadu prus fortza a su nuntzu e at permittidu de apparare una bisione cumprida de sa Marmilla. Intro de sos logos espositivos sas realidades ant mustradu sas particularidades printzipales de s’iscrocca. Attentzione manna est bistada posta a sos sitos archeologicos, a sa natura e su connottu locale. Su tribagliu cundivisu at fattu divennere prus balida sa presentatzione e at attiradu s’interessu de sos bisitadores e operadores de tottu su mundu.

Cussu frantzesu est difattis unu de sos abbenimentos prus importantes in Europa pro custu campu. Accorrat donz’annu unu numeru mannu de partetzipantes e est unu puntu de addobiu intre chie tribagliat in su turismu e chie chircat logos novos de bisitare. In su mentres de su Salone sa Fundatzione Barumini Sistema Cultura at presentadu una manera de biazzare prus abbizosa e prus lenta. Unu turismu chi ponet a su tzentru s’esperientzia deretta, su cuntattu cun sa nadura e s’iscoperta de sas biddas pitticas. Sunt bistados contados sos caminos, su connottu e sos logos prus pagu connoschidos chi sunt una ricchesa manna pro s’iscrocca.

S’intentu est cussu de apparare a sos bisitadores un’esperientzia bera fatta de addobios connoschentzia e partecipassione. Unu modellu chi aunit cultura ambiente e identidade locale e chi puntat supra sa calidade de s’offerta prus che supra sa cantidade de sos bisitadores. Custu caminu mustrat chi su soberamentu de s’iscrocca non podet essere dassadu a su casu ma depet essere fraigadu cun attentzione e continuidade. Sa presentzia in mustras natzionale e internatzionales azzuat a affortigare sa frigura de sa Marmilla e a la faghet divennere semper prus connoschida.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22