De su 20 abrile est arribbada su disafiu de Cantantes e Bandas emergentes subra de sa prataforma direta Mediaset Infinity. Finalista de Sanremo Giòvanos, como est arribbadu finalsita peri in sa trasmissione de Mediaset dedicadu a sos talentos noos.

Davide Deiana est s’ùnicu sardu in gara de su progamma de Mediaset. Su traguardu suo est mèritu, a banda de su talentu, peri de sa  produtora e procuradora sua Graziella Marchi, chi lu sighet dae bator annos.

IBand est unu format, chi naschet in su 2018. Bi leant parte bandas e cantantes emergentes chi in cue podent dimustrare su talentu issoro. Unu mescuritzu de petzos originales, semper dae dae bivu pro cantantes e mùsicos apassionados, seletzionados gràtzias a unu “Cuncursu” chi at interessadu Artistas de ogni Regione italiana, chi ponet a su tzentru sa cantzone, sa boghe e bravura de sos mùsitzistas.

Pròpiu pro custu motivu “IBand” est un’oportunidade pro dare vida a unu bisu, pro l’alimentare, cun s’isperu de bìnchere. Sa trasmissione naschet dae un’idea de Bruno Frustaci e Vincenzo Sorrentino, maistru de pianoforte, e andat in direta subra de sa prataforma direta Mediaset Infinity, giutu dae Claudio Guerrini e Crisula Stafida, cun tres super giùighes: Jimmy Sassofonu, unu de sos sassofonistas prus apretziados de su panorama musicale internatzionale e sos istimados cantantes italianos Fiordaliso e Marco Carta.

 “Progetto finanziato con l’Avviso Pubblico IMPRENTAS annualità 2021-2022”

Claudio Ranieri est bistadu nomenadu Allenadore Gentleman de sa serie B 2022/2023 in onore de Gigi Simoni, retzinde su titulu gratzias a sas prefferentzias espressadas dae sos vinti allenadores de sa serie BKT. Custu riconnoschimentu arribat pustis de aere giai binchidu su premiu duos annos faghede, pigande su testimonzu dae Stefano Pioli, chi aiat binchidu s’annu prima.

S’integru de su premiu si est tentu in Milano, inube Ranieri at retzidu sa Torretta de San Siro, simbulu de unu premiu chi tzelebrat sos balores beros de su giogu de sa botza, in mesu de su cale, su Fair Play, chi s’allenadore de su Casteddu incarnat in manera tipu.

S’ordiminzu de su Premiu Gentleman, ideadu dae Gianfranco Fasan, cun s’azzudu de sa Lega Serie B, at bidu sa presentzia de sa famiglia de Gigi Simoni, paris a amigos e gasetteris comente Luca Tronchetti e Alberto Cerruti, e de su presidente de su Coni CRL Marco Riva.

Ranieri at espressadu s’ingraenzu sou retzinde su premiu a nomene de Gigi Simoni, deffinindelu un’omine mannu e evidentziande s’importantzia de su Fair Play in su giogu de sa botza e in s’isport in generale. Su presidente de sa Lega B, Mauro Balata,at bantadu Ranieri commente una figura istravanada de su giogu de sa botza in Italia, evidentziande su rolu sou de puntu de relata po sos giogadores e allenadores zovanos,tambene comente isparghidore de sos menzus balores isportivos.

Su premiu est bistadu dadu a Ranieri non solu po su sutzessu battinde su Casteddu in Serie A, ma mescamente po sa lessione de isportividade in sa finale Play off, inube at dimandadu a sos tiffosos suos de nde la finire cun sos allolojos e de tzacullimanare sos tiffosos de su Bari, mustrande rispettu mannu po sos ribales e favoressende s’isportividade in mesu de sas duas isquadras. Custu attua at corpadu tottu sos allenadores de sa Serie B, chi l’ ant premiadu commente su chi meritaiat de piusu in s’annu 2022/2023.

Gianfranco Fasan, s’ordiminzadore de su premiu, at bantadu Ranieri, non solu po custu attu de currettesa, ma puru po s’esempiu custante de lealtade e rispettu po su ribale, balores chi dant trauda positiva a su giogu de sa botza e a s’isport.

Su premiu Allenadore Gentleman “Gigi Simoni”, marcat s’incomintzu de s’edisssione numeru 29 de su Premiu Gentleman Fair Play, chi si at a tennere in s’iscola Militare Teuliè de Milano. At a presentare Massimo Caputi paris cun Laura Barriales e Giorgia Rossi, e at essere tzelebrada giobia 16 de maju e at biere s’assignadura de medas riconnoschimentos, in mesu de sos cales sos Giocadores Gentleman de sa Serie A e su premiu Gentleman Mario Morosini, dedicadu a su giogadore chi incarnat a su menzus su Fair Play in sa Lega B.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22