Duncas sighit a andare a in antis faina de s’Organismu pagadore regionale de sos fundos agrìculos comunitàrios, chi at serradu s’annu coladu cun pagamentos pro prus de 432 milliones de èuros (170 milliones de èuros e prus de 32.000 benefitziàrios pro su fundu Feaga e 262 milliones e 90.000 benefitziàrios pro su fundu Feasr).

S’Agèntzia Argea at autorizadu un’elencu de pagamentos pro prus de 19 milliones de èuros comente saldu relativu a su regìmene de base, a su regìmene de sos piticos massajos e s’inverdimentu  (greening) de sa dimanda ùnica 2021 pro belle 19.000 dimandas presentadas dae sas aziendas sardas. Duncas sighit a andare a in antis faina de s’Organismu pagadore regionale de sos fundos agrìculos comunitàrios, chi at serradu s’annu coladu cun pagamentos pro prus de 432 milliones de èuros (170 milliones de èuros e prus de 32.000 benefitziàrios pro su fundu Feaga e 262 milliones e 90.000 benefitziàrios pro su fundu Feasr).

“Unu cumintzu de annu positivu meda – est su cummentu de su presidente de sa Regione, Christian Solinas – chi tzertificat s’àteru progressu fatu cun sos pagamentos pro sos massajos nostros, chi tenent bisòngiu de tempos lestros de erogatzione. Amus promìtidu a su mundu nostru de sos sartos cussu trincu netu a sa burocratzia chi semus portende a dae in antis cun continuidade dae su cumintzu de sa legislatura, pesendende totu sos ostàculos chi rendent matanosa sa màchina amministrativa e creende unu sistema chi in fines diat tzertesas a totu sos massajos e a sos allevadores ca potzant otènnere in sos tempos giustos cantu lis est dèpidu”.

Sas risursas (19.139.715,21 èuros pro 18.864 dimandas) sunt  torradas a partire in sos diversos territòrios: 1.203 dimandas de pagamentu pro un’importu de 907.000 èuros in sa provìntzia de Casteddu; 3.093 dimandas pro sa provìntzia de Aristanis cun prus de 2,8 milliones de èuros; 3.278 dimandas pro sa provìntzia de Nùgoro pro prus de 4,1 milliones de èuros; 4.884 dimandas in sa provìntzia de Tàtari pro in prus de 5,7 milliones de èuros; 5.827 dimandas pro sas aziendas de su Sud Sardigna cun pagu prus de 5 milliones de èuros; 258 dimandas pro sas aziendas de Carbònia-Igrèsias pro prus de 234 mìgia èuros; 192 pregontas in su Mèdiu Campidanu pro ultres 72.000 èuros; 21 dimandas in Ogiastra pro belle 45.000 èuros; 82 dimandas pro Terranoa-Tèmpiu cun prus de 89.000 èuros.

 “Progetto finanziato con l’Avviso Pubblico IMPRENTAS annualità 2021-2022”

Elettrocavu Luvula-Garteddi, sighint sos tribaglios de Terna: imbestimentu de 50 miliones po mezorare sa retza elettrica.

Sighint sos tribaglios de Terna po fraigare su Elettrocavu novu cun cavu sutta de terra longu 19 kilometros chi at a collegare sas cabinas primarzas de Luvula e Garteddi. S’opera faghet parte de sos interventos po affortigare sa retza elettrica locale e at a permittere de la faghet divennere prus balente e sigura. Pro faghere sos tribaglios, sa sotziedade at imbestidu casi 50 miliones de euros. Su collegamentu novu at a dare sustentamentu elettricu in prus a sa cabina primarza de Garteddi chi oe est collegada a sa retza elettrica natzionale po mesu de unu solu elettrocavu.

Pro cantu pertoccat sos tribaglios, los sunt faghinde in sa carrela provintziale 25 e sos cantieris de su lotto 1 e 2 in su trettu chi andat dae su’iscansada de Luvula fintzas a Garteddi. Sos tribaglios sunt andande a daenantis segundu su programma chi si prevediat. Una prima parte at essere finida intro lampadas 2026 mentres
sa fine de sos tribaglios si prevedit intre sa prima metade de su 2027. In su mentres de sos tribaglios po garantire sa siguresa est bistadu netzessariu istringhere sa carrela faghinde passare sas macchinas cun su traffigu regoladu dae unu semafforu.

A sa congruida de sos tribaglios sa sotziedade at a torrare a faghere s’isfaltu in tottu su trettu de sa carrela interessada dae su cantieri. S’abberu de s’opera est bistada deffinida po mesu de unu caminu de cunfrontu cun sas amministratziones locales. In sos primos mamentos su trassadu de su cavu interradu est bistadu istudiadu imparis cun sos entes interessados cun s’intentu de minimare cantu prus est possibile problemas po s’iscrocca e s’ambiente e rispettare sas esigentzias de sas attividades de sa laurantza. S’elletrocavu novu at a passare mescamente accanta a atteras operas chi giai esistint comente carrelas istatales e provintziales minimande sas intromissiones cun sas zuras de majore balore naduralisticu e de bista de sa zura.

Custu interventu est unu passu importante po affortigare sa retza elettrica de s’iscrocca cun beneffissios isettados po sa continuidade de su servitziu e prus siguresa in su faghere arribare prus energia po sas comunidades locales.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22