Su A Foras Camp 2017 superat su giru de boa, 4° die de campègiu in sa Marina de Tertenia, in localidade Tesonis. Eris sunt acabadas sas chimbe mesas de traballu a fùrriu a sos cales si sunt intreverados medas partetzipantes. Custu mangianu s’ant a tirare sas summas a pitzu de sos resurtados de sas mesas de traballu.

A merie s’at a tènnere su seminàriu de auto-formatzione in una de sas produtziones de sas mesas de traballu de su campègiu coladu, s’incartamentu in su PISQ. Posca totus s’ant a iscostiare a Tertenia pro una serada organizada in collaboratzione cun sa comunidade terteniesa. A sas 20 at a bènnere projetadu su documentàriu “Oltre l’aporia”, giradu in Cirra durante s’ùrtima manifestatzione.

A sas 21, comente a ogni sero, sa chena solidale de autofinantziamentu, a prètzios populares pro sustentare sos gastos pro sa realizatzione de custu segundu apuntamentu. Comente a semper produtos locales e primores culinàrios, a sutaliniare e sustentare sas economias terteniesas, in antìtesis a s’ocupatzione militare.

Dae sas 22, in pratza a Tertenia, ispetàculu teatrale “Ferro e Cuore” a cura de Prontu Interventu Ispetàculu de S’Alighera. A sighire, unu cuntzertu blues in biu de Matteo Zuncheddu.

Sas dies imbenientes ant a andare a cungiare su segundu A Foras Camp. Sabadu at a èssere su momentu de su pasu, de s’isport e de sa sotzializatzione. E torra de su dibàtitu: primu apuntamentu, a ora de is 10, at a èssere s’assemblea interna a sas fèminas de su campègiu, dae sas 16:00 presentada de sos logos e de sas immàgines mandadas a A Foras, pro su fàbricu de s’immaginàriu colletivu suo, a sighire su torneu de fùbalu antiratzista.

S’ùrtimu apuntamentu de sa die at a èssere su cuntzertu finale cun Stranos Elementos, Dr. Drer & CRC Posse e a concruire djset. Sa domìniga est prevìdida sa plenària de s’assemblea pro rilantzare su chertu de custu atòngiu in bista de sas esercitatziones militares mannas imbenientes.

Mario Pes: sa Sardigna contada po mesu de sa mirada de s’arte fottograffica.

Merculis 18 de frearzu su SEARCH de Casteddu at avviadu una mustra dedicada a Mario Pes, frigura tzentrale de sa fottograffia sarda de su Noighentos, capatze de fundere dilighesa artistica e asserva sotziale. Sa mustra sinzat su cuccurale de su disignu incumintzadu in Nugoro in S’Ispatziu Ilisso e isfroscadu in sos urtimos meses cun abbenimentos editoriales e cun films, chi ant ghiradu s’attentzione de sa critiga e pubbrica supra unu mastru de sa cultura bisiva isulana.

Intitulada “Mario Pes. Sa Sardigna intre connottu e modernidade”, sa mustra apparat una bista de mandu supra sa tzittade de Casteddu e s’iscrocca sua,repessados po mesu de s’obbiettivu de un’artista chi revertiat donzi iscena de sa die in cumposissione bisiva.

Prus de 200 friguras, medas in mesura manna, ghirant logos de sa tzittade e de sas lacanas, caras, architetturas e logos de tribagliu cun d’una fortza poetica chi andat prus a daenantis de sa simple documentassione. Donzi fottograffia est unu resumene de geometria, lughe e aera, un’echhilibriu intre castiada reale e bisione de bellesa. Sa fottograffia de Pes mi movet donzi mamentu supra s’affrontadura intre arte e cronaga.

Sa mirada sua abbizosa a sas tesones sotziales de sa tzittade, divenit limbazu bisivu, capatze de ghirare s’umanidade e operosidade chi animant sa Sardigna de s’incumintzu de su Noighentos. Importantzia particulare tenet su contu de sos logos de tribagliu, incluidinde s’esperientzia de sas feminas, ghirada cun delicadesa e rispettu, chentza discursos ma chin seru artisticu fungudu.

S’allestimentu, curadu dae s’architetto Antonello Cuccu,amplariat sa fortza poetica de sas friguras e cumbidat su bisitadore a s’affundare in su logu fottografficu, a si firmare e attibbire sa mesura de sa bellesa de sos logos fottograffados dae Pes. Sa mustra prevedit bisitas ghiadas, buttegas didatticas e devuccamentos po accumpanzare su pubbricu in d’unu caminu chi faghet attibbire e chi est prenu de cultura fintzas a su 4 de aprile 2026.

Po accabbare s’esperientzia, su docufilm iscrittu e setadu dae Enrico Pinna, torrat in daesegus sa coerentzia artistiga e s’indipendentzia de su pensamentu de su fottograffu intrintzinde sa muda pessonale e s’istoria cumone.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22