Lunis su 31 de mese de argiolas in Arbatassa, s’at a fàghere sa tzerimònia de presentatzione de su francubullu ordinàriu dedicadu a su monumentu naturale de is is Iscòllius Orrùbius, cun annullu ispetziale fatu dae Filatelia Poste Italiane.

Un’eventu importante meda e de grandu significu pro Tortolì e pro s’Ogiastra: si tratat de s’ùnicu francubullu dedicadu a sa Sardigna pro su 2017, parte de sa sèrie temàtica  “Il patrimonio naturale e paesaggistico”, dedicadu a su turismu, valore 0,95 tzentèsimos de èuru.

Su francubuku at a tènnere una tiradura limitada de 400 mìgia còpias.

Sa tzerimònia s’at a fàghere in sa pratza de is Iscòllios Orrùbius in presèntzia de s’Amministratzione Comunale de Tortolì e de is funtzionàrios de is Postas Italianas, Autoridades Tziviles, Militares, Religiosas e de su territòriu.
A is 19:45, sa pustis de s’acabbu de sa tzerimònia, s’at a fàghere festa in sa pineda de via Lungomare cun ballos sardos e tastos de cosa de su logu.

‘Fèminas. Casteddu contra sa violèntzia’: unu percursu de ascurtu, caminu e autodefensa

Unu portellu de ascurtu, unu caminu rappresentativu e unu cursu de defensa personale: sunt calicunos de sos apuntamentos de sa rassegna “Fèminas. Casteddu contra sa violèntzia”, ordiminzada in occasione de su 25 de sant’andria, Die internatzionale pro s’iscartu de sa violèntzia contra de sas fèminas. Su tema seberadu pro custa edizione est “Fèminas fraigadoras de paghe”.

Sas initzativas ant a comintzare su 20 de sant’andria e ant a sighire fintzas a su 15 de làmpadas, creande unu caminu chi aunid in manera ideale sas tzerimonias de su 25 de sant’andria, de s’8 de martzu e de su 2 de làmpadas, cun s’intentu de mantènnere bivu su cunfrontu subra de sa violèntzia de gènere in totu s’annu. S’intentu est cussu de apparare continuitade e azzudu, azuande semper prus fèminas a reconnòschere situatziones de arriscu e a pedire azzudu.

Su calendàriu comintzat su 21 de sant’andria cun su Caminu de su filu ruju, dedicadu a su respetu e a sa sensibilizatzione. Dae su 24 a su 28 de sant’andria su portellu Ispàtziu Fèmina de su Tzentru clìnicu Agape at a propònnere dies de ascurtu e chistionadas de orientamentu abertas a chie intendet su bisònzu de unu azzudu ispetzializadu.

Su 25 de sant’andria, a sero bi at a essere unu mamentu istitutzionale de intuvuccamentu subra de su tema de sa violèntzia de gènere. Sa matessi die si at a serrare cun “Fèminas in seguresa”, unu seminàriu cun unu cursu chi no si pagat de defensa personale, cun inditzos subra de s’impreu de s’isprai a su piperoneddu.

Sa manifestatzione est cumprenssiva fintzas de unu “festival literàriu solidale”, pensadu pro inghìriare sa tzitade a mesu de leturas, addobios e testimoniàntzias. Cun “Fèminas”, Casteddu proponet unu impignu po tottus e continu: unu caminu chi aunid ascurtu, formatzione e partetzipatzione pro favoressere coscientzia e prevenzione intro de sa comunidade, in unu mamentu istòricu in ube prus chi mai, a dolu mannu, custu est unu tema chi tocat de giughere a s’atentzione de totus.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”