Sa NASA cunfirmat:merculis su primu bolu a banda de s’istatzione ispatziale pustis de sa movida meiga.
Sa NASA at cunfirmadu chi merculis 11 frearzu at a partire su primu bolu a banda de s’istatzione ispatziale internatzionale pustis de sa movida meiga de apprettu de pagu tempus faghede chi aiat minimadu su numeru de astronautas chi bi fuint supra. Battoro de s’echipaggiu ant a bolare cun s’intentu de attransare s’operatividade prena de su fraile chi girat supra sa terra e garantire de sighire sas attividades iscientificas.
Su boleu si at a faghere supra unu razzu Falcon 9 de sa sienda Space X e at a permittere de faghet divennere s’echipaggiu de s’istatzione a 7 pessonas. Sa faina fuit isettada in manera particulare, pro itte in sas urtimas chidas s’istatzione at oberadu cun personale minimadu, una cundissione chi at fattu furriare sas attividades de donzi die.
In sas dies passadas su bolu fuit bistadu postu in duda dae sa detzisione de Space X de suspendere sos bolos de sos Falcon 9, pustis de una signalatzione de unu problema a unu de sos motores in d’una faina cabidiana. Sa suspensione aiat fattu affuscare po ritardos possibiles, propriu in su mentres chi sa NASA tribagliaiat po binchere una situassione chi non si fuit mai bida.
Chenapura peroe est arribada s’autorisassione uffitziale po faghere bolare su razzu. S’ente federale de sos Istados Unidos po s’aviatzione tzivile at nadu chi sos controllos tennicos sunt bistados fattos e ant dadu risurtadu positivu, cunfirmande su bolu po merculis de custa chida. Sa faina nova at a cambiare s’echipaggiu torradu a Terra casi unu mese innantis, in su mentres de sa prima movida meiga in s’istoria de s’istatzione ispatziale. Dae cussu mamentu su fraile, chi est a casi 400 kilometros dae artaria supra sa Terra, est adduradu operativu cun solu tres pessones supra.S’agentzia ispatziale no at dadu novas supra sas cundissiones de salude chi ant fattu leare sa detzisione de interrumpere sa faina cabidiana.
Cun s’arrivu de sos battoro astronautas, s’istatzione at a podere torrare a s’assentu prenu, assigurande s’isboddiamentu de sos esperimentos iscientificos, sas attividades de allocamentu e sos programmas de cooperatzione internatzionale in su logu. Su bolu de merculis est duncas unu coladorzu de fundamentu po binchere s’emergentzia e po sighire a faghere fainas in s’ispatziu cun echipaggiu de omines.
Attività realizzata col contributo della Regione Sardegna — IMPRENTAS 2025-2026. LR 22/2018, art. 22
