In Biddeputzi su 20 e su 21 de abrile, sàbadu e domìnigu, ddoe at a èssere s’eventu “Primo meeting di arrampicata sportiva”, est a nàrrere sa Primu atopada de apicada isportiva.

Sa manifestatzione at a cumentzare sàbadu binti a is 5 de merie in su locale Pala Vela de Portu Coraddu, cun unu addòbiu cun totus is partetzipantes de sa cumpetitzione chi ant a retzire is saludos e is augùrios de su sìndigu de sa bidda e de is àteras autoridades. Po s’ocasione ddoe at a èssere unu cumbidu de totu  prodotos de sa coghina e de sa gastronomia  sarrabesa, sa projetzione de unu documentàriu, sa esitatzione de su grupu Folk de is maistros de launeddas de Biddeputzi e de is su Tenores Murales de Orgòsolo.

Sa gara vera e pròpia s’at a fàghere su dies in fatu, domìnigu 21 de abrile. A is 8 de mangianu totus is cumpetidores ant a riunire a probe de sa cronte de Cirra, a pees de su Monte Cuidas, acanta s’at a fàghere sa gara de apicada isportiva. A sa una s’ant a firmare totus pro su pràngiu chi s’at a fàghere in sa cresiedda de su sartu de Santu Nigola, e pro finire, a is  3 de merie s’ant a torrare a esibire is amigos de is grupus Folk e is partetzipantes ant a retzire unu regaleddu pro regordu de sa manifestatzione. Òspite de s’eventu at a èssere Maurizio Zanolla, connotu de totus cun su panìgiu Manolo, unu de is primos a àere praticadu s’apicada lìbera in Itàlia. Po cale si siat informatzione  o pro prenotatziones telefonade a su nùmeru de tzellulare 345.0764152

Opuru mandade una mail a s’indiritzu [email protected]

Imbetzes , pro is partetzipantes chi bolent noas, informatziones e acrarimentos tècnicos, telefonade a su nùmeru de telèfonu 329.2332946

Notte de maghia a s’unipol Domus: su Casteddu dominat su Verona.

Una serana de incornissare po su Casteddu e sos tiffosos suos. Sapadu sero s’Unipol Domus si est revertida in d’unu teatru de emossiones, inube sos ruju e blau ant dadu vida a una prestassione de macchine contras su Verona, fatta de intensidade, calidade e personalidade manna. Una partida chi at addurare istampada in sa memoria de su pubbricu casteddaju pro su giogu espressadu e su tremesu mustradu dae s’isquadra.

Fintzas dae sos primos mamentos su Casteddu at leadu in manos su pallinu de su giogu, pressande in artu e apprettande sos veronesos a si difendere. S’isquadra at mustradu ideas craras, movimentos lestros e una cumpattesa manna intre sas partes, dande s’impressione de potere corpare in cale si siat mamentu. Su goal de su vantaggiu, arrivadu in su primu tempus, at premiadu una manovra lurinosa e bene fraigada, faghinde iscoppiare s’istadiu.

Prima de sa fine de su primu tempus est arrivadu fintzas su secundu goal, cun d’una giogada ispettaculare chi at azzessu in manera deffinitiva sa galabera de s’istadiu. Unu goal cona de sa serana, capatze de arregare tennica, corazu e calidade, chi at mandadu su Casteddu a si pasare cun d’unu vantaggiu meritadu e su controllu prenu de sa partida.

In su secundu tempus sos ruju e blau non ant minimadu su ritimu. Antzis, ant sighidu a ispinghere cun determina,approffittande fintzas de sas difficultades de su Verona, chi fuit adduradu in deghe omines. Su Casteddu at controlladu sa boccia cun maduridade,cambiande defensa e attaccu, chentza mai dare s’impressione de cherrere amministrare su risurtadu.

Commente passaiant sos minudos sunt arrivados atteros duos goals, fruttu de cuncentratzione e de frittesa, chi ant serradu in manera deffinitiva sos contos e revertidu sa partida in d’una festa bera pro su pubbricu de domo. Donzi retza est bistada accollida cun d’unu sderroccu, accumpanzadu dae su attinu de abbaidare una de sas prestassiones prus accabbadas de s’istagione.

Addia de su risurtadu, a corpare est bistadu s’ispiritu de s’isquadra: unu Casteddu unidu, cravosu, capatze de si azzuare e sacrifficare, ma fintzas de divertere e si divertere. Una bittoria chi dat cunfiantza, morale e cunfirmat sa creschida de sa truma, mandande a daenantis cun fortza sas ambitziones ruju e blau.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22