Chenàbura 4 de ghennàrgiu, in s’Auditòrium de is Iscolas Elementares de Cardedu, at a èssere proietadu su film de Daniele Atzeni “Sos Mortos de Alos”, seberadu finas dae su Fèstival Internatzionali de is Film Curtzos de Clermont-Ferrand, unu de is cuncursos prus famados dedicadu a is curtumetràgios. Su film, chi durat petzi 30 minutos, est unu documentàriu farsu chi contat is fatos acadèssidos in Alos, una bidda imbentada de sa Sardigna, in ue is abitantes sunt mortos totus bie is annos Chimbata pro more de sa disamistade. S’istòria est contada dae sa boghe de unu tzertu Antoni Gàiro, s’ùnicu de sa bidda a si èssere sarbadu dae s’istragu. Sa pellìcula, girada in su 2010 in Gàiru Betzu, est tipu una ispètzia de noir chi mèscurat immagines iscurigosas de su logu cun filmados de repertòriu de su mundu agropastorale sardu a in antis de s’industrializatzione. A pustis de sa proietzione  b’at a èssere una dibata a canta at a leare parte finas su regista. S’eventu est aparitzadu dae s’Assòtziu Culturale Quiescenza de Cardedu. S’intrada est gratis.

Domusnovas est allorigada in su dolore po sa disparida drammatiga de Gianluca Murru, 36 annos, chef zovanu naschidu in sa bidda, mortu su sero de su 9 de maju in d’unu drammatigu incidente istradale in Mentone, Costa Biaitta, a pagos chilometros dae s’affrontadura italiana.

Murru biazaiat supra sa Yamaha R1 sua cando, po motivos chi sunt ancora chircande de cumprendere, at perdidu su controllu de sa moto iscudindeche supra de un’attera moto chi fuit parchizada. Su corpu no li at dassadu iscampu: mancari s’arrivu lestru meda de sos succursos, donzi
tentativu de lu salvare, no est serbidu a nudda.

Su nuntzu de sa morte sua at fattu a sa lestra su giru intre amigos, cumpanzos e connoschentes, bogande a fora cummossione manna in Frantza e dolore mannu in Domusnovas, inube Gianluca fuit creschidu e inube vivet una parte manna de sa famiglia sua. Medas, in custa oras, sunt espressande su dolore insoro, ammentande unu piccioccu gentile, solare, appassionadu de su tribagliu suo e determinadu a si fraigare una carriera in su mundu de sa coghina arta.

Sa sua fuit un’istoria de impignu e dedissione. Pustis de aere dassadu sa Sardigna cando fuit ancora zovanu, Gianluca aiat bividu po meda tempus in Ventimiglia, inube aiat incumintzadu a si faghere connoschere in su campu de sa coghina. Su talentu suo e sa gana de si mezzorare che lu aiant leadu pius a tardu in Frantza, a paga distantzia dae Montecarlo, inube tribagliaiat commnet chef in su ristorante Marlow, unu logu apprezziadu meda in su Printzipadu de Monaco. In su tempus si fuit balanzadu s’istima de sos cumpanzos e de sos clientes, gratzias a sa cretividade sua in coghina e sa proffessionalidade cun sas cales accomettaiat donzi zoronada.

S’arrisu e sa passione sua ant addurare cosas chi non si podent iscancellare in s’ammentu de chie at tentu sa foruna de lu connoschere. In sa Costa Biaitta, comente in Ventimiglia, sunt medas sos chi lu pranghent cun affettu berteru: amigos, cumpanzos e meres de ristorantes chi aiant cundivididu cun issu, no solu su tribagliu, ma fintzas momentos de amigantzia bera.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22