Jersu e Ulassa donant su benebènnidu a su mese de austu cun unu cartellone prenu de eventos. Difatis, su 4 de austu, at a cumentzare su “Fèstival de is Tacus”, manifestatzione isetada dae is amantiosos de su teatru de totu sa Sardigna e finas de Itàlia. Is dansas ant a èssere abertas dae s’Iscola de artes iscènicas “La Vetrera”, cun s’ispetàculu “Caramore”, èsitu iscènicu de su laboratòriu dirigidu dae Alessandro Mascia, Mario Madeddu, Giorgio Del Rio e Manuel Cossu. A is 21.30, is ispetadores ant a leare is màchinas issoro pro lòmpere a sa Cantina Sotziale “Antichi Poderi” de Jerzu. A ddos isetare ant a agatare su cuntzertu de  is “Gatti Mezzi”, chi ant a presentare su de bator album issoro intituladu “Belve fra le belve”.

Domìniga 5 de austu in sa sala de su Consìgiu Cominale de Jersu, Giacomo Mameli, giornalista e sotziòlogu de Foghesu, at a presentare s’òpera sua de su 2012 intitulada “Sardo sono”. A is 21.30 a nche pigare a pitzu de su palcuscènicu ant a èssere Tommaso Novi e is atores de su Cada Die Teatru chi ant a presentare “Marea, la vita ad ogni respiro”.

Ispassiosa peri sa chida imbeniente: su 6 de austu, a is oras 17.00, sa cumpangia “Giarasolo” at a presentare a su pùblicu ulassesu s’ispetàculu de “clawnerie”  intituladu “Il tesoro del mago Bakù”. Duas oras a pustis at a èssere su turnu de su Cada Die e de sa Cumpangia Alchimia, chi in Jersu ant a andare in iscena in paris cun s’òpera intitulada “Più veloce del raglio”. A is 21.30 de sa matessi die s’atrice teatrale Laura Curino at a presentare su monòlogo suo de su 1996 cun su tìtulu “Olivetti”. A serrare sa serada, donende sa bonanote a totus is presentes, ant a èssere is “Gatti Màzzi” e sa cumpangia “Guascone Teatro” cun su traballu issoro “Lasciami…capire tutto in una notte”.

Martis 7 austu, a is oras 17.00, Ulassa s’at a prènnere de alligria e de bivesa gràtzias a is pipios de sa bidda chi ant a portare in iscena su traballu teatrale intituladu “Il pastorello e la capretta”, dirighidu dae Silvestro Ziccardi pro sa cumpangia “La Casa delle inquietudini”. A is 19.00 is atores minoreddos ant a lassare s’iscena a is collegas prus mannos de sa Cumpangia Rossolevante, chi ant a presentare a su pùblicu de sa Pratza Barigau su traballu nou issoro intituladu “Stop making sense”, mentras a is 21.30 in s’Istatzione de s’Arte s’at a tènnere s’esibitzione de s’atore calabresu Peppino Mazzotta cun “Radio Argocreazione”. Mercùris 8 de austu is amantiosos de su teatru ant a tènnere finas àteros ispantos: a is 17.00, in su Padente de Sant’Antoni de Jersu, s’Iscola de Artes Iscènicas “La Vetreria”, at a presentare s’ìncipit in pitzu de Pier Paolo Pasolini, èsitu iscènicu de su laboratòriu “Cuori di panna” dirigidu dae Mauro Mou e Alessandro Lay. A is oras 19.00 in sa sala de Pratza Barigau de Ulassa at a andare in iscena “È colpa tua”, de Francesco Abate, Marco Noce e Matteo Sau, mentras a is 21.30 is ispetadores ant a dèpere andare a sa Cantina “Antichi Poderi” de Jersu, in ue ddos at a isetare s’atore Dario Vergassola cun s’ispetàculu “Sparla con me”. Gioja 9 austu, ùrtima die de sa rassigna, is bisitadores ant a pòdere assìstire a su laboratòriu de narratzione dirigidu dae Laura Curino, in su bellu iscènàriu de su Padente de Sant’Antoni de Jersu. S’adòbiu est fissadu pro is 17.00. Is noas, però, non sunt galu acabadas: a is 19.00, sa cumpangia de Casteddu “Il Crogiuolo” at a presentare “Gene mangia gene”. In segus ddoe at a èssere s’ispetàculu de  Gavino Murgia e de su “Cada Die teatru” chi ant a concruire su cartellone de acontessìmentos de su Fèstival de is Tacus. Su programma de sa rassigna est duncas prena de eventos e de emotziones. Bida sa bona resèssida de is annos colados, semus seguros chi niunu at a abarrare delusu. Cunsigìamus a totus de non mancare!

Calidade de s’ària in Sardigna: unu cuadru intreu chi faghet coraggiu.

Sa Sardigna registrat in su 2024 unu cuadru intreu positivu subra de sa calidade de s’ària, mancari cun calicuna dificultade in alas suta custante osservassione. Est su chi cumparit dae sa Relatzione annua subra de sa calidade de s’ària preparada dae s’Arpas. In s’ala  de Casteddu, chi cumprendet ses comunos e tres logos de osservassione, non sunt istados agatados codiamentos de sas affrontaduras de sa leze. Sas bessidas printzipales de bogada abbarant su tràficu, su calllentamentu de sas domos e sas attividades portuales, aeroportuales e ferroviarias.

Fintzas in sas alas urbanas de Tàtari e Terranoa sa situatzione abbarrat firma e in sas affrontatziones de sa leze. In Tàtari sas bessidas bènint printzipalmente dae su tràficu e dae su callentamentu de sas domos, mentres in Terranoa sunt de importu fintzas sas attividades portuales e aeroportuales. In ambas alas non sunt istados iscobertos codiamentos de sos valores de affrontamentu.

Attentzione particulare benit dae sas alas industriales. In s’ala de Assèmini-Maccrarieddu si cunfirmat una minimada a pagu a pagu de sos livellos de anidride solforosa, in lìnia cun s’inclinu de sos ùrtimos annos.

In s’ala de Sarrocu sos livellos mèdios de benzolo sunt in minimamentu rispetu a sos annos colados, chene codiamentos de sas affrontaduras; si registrant oras de punta in calicuna ocasione, ma no medas de ponnere difficultades. S’ala de Portescusu-Portovesme, caraterizada dae unu carrigu mannu de bogadas, mantenet una situatzione medrada. A s’acabu, in s’ala industriale de Portu Turres sos valores de sos impestadura resurtant lebados e totu intro  de sas affrontaduras de sa leze.

In sas alas rurales, sos sete logos de osservassione cunfirmant valores firmos e in manera làsca intro de sos lìmites de sa leze. S’indittadore ozono si mantenet intro de s’affrontadura, mentres sa caraterizatzione de sos prueres fines pro metallos pesantes mustrat valores sutta  de sas affrontaduras e de sos iscopos de sa leze.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”