Su Pàliu de Siena est una de is manifestatziones a caddu prus famada de su Mundu e tra is prus nòdidas de Itàlia.

Sa giostra de sa tzitade de is deghessete contradas,  segundu is documentos est antiga meda. Comente donzi annu sa cursa a caddu in onore de Nostra Segnora de Proventzano, s’at a cùrrere su 2 de mese de argiolas.

S’annu coladu a bìnchere Su Pàliu est istada sa contrada de sa Turre.

Vasco Rossi at a cantare in duas datas a sa Fiera de Casteddu: su 18 e su 19 in su mese de Làmpadas.

S’artista italianu non cantat in Sardigna dae 8 annus –  cabudanni 2010 – e ant a èssere in medas presentes  a bìdere s’istella prus manna dae sa mùsica natzionale.

In su mese de sant’Andria de ocannu, at a bessire puru su petzu musicale nou de custu cantadore famadu, classe 1952.

Vasco s’est incraradu in su mundu de sa mùsica in su 1977, de tando non s’est prus frimadu e in annus ’80 at tentu semper sutzessu cun cantzones nódidas a totus.